Skip to main content

«Студентий викалаш» ГӀалгӀай Республикан МВД хьаж йоаха жIалеш долча хилар

Укх деношка российски студентий Ди долаш, массаза санна ГӀалгӀайчен МВД вӀашагIкхетар хилар, цу тайпара «Студентий викалаш» яха Ерригроссе акци я хӀара шера дӀахьош. Лакхара а юкъера а дешар дешарашта байра чоалхане а бехктокхаме а бола полице болх, бокъонаш лораерашца къамаьл а хилар, аьлар «Сердало» газетага республикан МВД кепайоазон болх лелабераша.

«Дика болам дӀабихьар наджгоанцхой бетта вурийттлагӀча денгара дӀаболабенна ткъаь цхьоалагӀча денга кхаччалца, студенташта цхьацца долча полице доакъой болх бовзийташ», — йоах хоамо.

ХьалхагӀа, ГӀалгӀай Республике гӀолла йолча МВД хьаж йоахача жIалешца болх беча Центра болхлоша Илдарха-ГӀалий тIарча лорий-технологически колледжа дешархошта гойтар, шоаш Ӏомадаьча жӀалешта беча балха тIа фу карагIдоал.

ХӀара денна беш болча балха полицейскеша-кинологаша лакха толамаш доах, балха тӀа леладеш долча Ӏомадаьча жӀалешца зуламаш гучадоахаш. Кагирхошта шоашта бӀаргадайра царна фу хов, жӀалеш чӀоагӀа Ӏомадаь хилар. Немций овчарка оалача жӀале чӀоагӀа цецбаьхар уж, хьалххе а дӀаелла йоалла хӀама а иштта саг а хьалохаш.

Цу вIашагIкхетаре дакъа лоацаш яр ГӀалгӀай Республике гӀолла йолча МВД чуйоагӀача юкъарлон совета секретарь Цисканаькъан Н. М. Кагирхошца къамаьл деш, Надияс белгалдир, ГӀалгӀайчен полице лакха говзал йола, денал дола, шоай болх дика бовзаш бола нах болх беш хилар, царгара дика масал эца йиш хилар.

Кхетаче йистейоалаш, хьаьшаша а иштта бокъонаш лораераша а жӀалешца сурташ даьхар. Студенташа баркал аьлар полице болхлошта, иштта хоза кхетаче дӀаяхьарах.