Skip to main content

Светах ахча дIацадалара тIехьа тIом латт Назране

«Ингушэнерго» кхуврча, ер бутт, йоаеча светах ахча дIацателарашта духьала тIом беш дIахьоргба. Цу гIулакха рейд е арабаьннаб болхлой. Йоаеча светах ахча дIадала безам боацараш кIезига бац. Таханарча дийнахьа, Назрань-пхьена тIалаттар 709 млн. сом ахча да. 80% (562,5 млн. сом) тIалатт бахархошта, 148,8 млн. сом дIахьо йолча моттигашка доалла декхар да.

Рейдаш дIакхухьаргьйолаш я массе хана. ХIаране кхетаде декхар да, йоагаеча светах доагIар, ший ханнахьа, Iаьдала дIадала дезалга. «Ингушэнерго» кхуврча кулгалдеча ГIоандлой Ислама яхачох, ахча дIатела цатугарашта духьалара тIом, хIара дийнахьа, лирагIа хургба, рейдаш кастагIа дIакхухьаргья республике.

Карачаевская, Сулейманова яхача урамашка гIолла, рейд еш болча энергетикех дIакхийттар НТРК журналисташ. Счетчикашка хьожаш, цар нийсса оттаяь хилари, болх бара гIулакхи тохкаш чакхбаьлар болхлой. ДIайихьача рейдах, 125 эзар сом, декхар хьагулъде аьттув баьлар. Ахча дIатела раьза боацарашта духьала, цар свет хоадаеш йола ши моттиг а нийсъелар.

Из болх кхы а дIахо хьоргболаш ба. Юха а кердадоаккх, светах дола декхар дIадала аьттув ба укх адресах https://gp-lc. ru/), иштта «Россети Северный Кавказ» (rossetisk. ru ). Цхьацца бахьанашца, шийга доалла декхар дIадала таро йоацар, цу гIулакха болча моттигерча кхуврче дIаваха веза, из гIулакх къоастадара тIехьа.