Skip to main content

Тахан ховш хургья футболах, ветеранашта юкъе, ГIалгIайчен Кубок яьккхачун цIи

Тахан тIеххьара матч я футболах, ветеранашта юкъе, ГIалгIайчен Кубках дIахьош. Наьсар-Кертерча стадиона тIа вIашагIкхетаргья   «RedBull», «Экажево» командаш. Матч дIайолалургья 16:00 даьлча.

Итта команда юкъера дикагIа яр белгалъяргья. Къаьстта, ишттала дукха доакъашхой бар цу яхьай.

«Ингфутбол. ру» редакце сайта тIа яхачох, толашагIа барех лоархIаш ба МагIалбикера команда доакъашхой, хIана аьлча, цар Хьалхлене а цхьа гIа мара биссабац чемпионаш хила. Йистебала гарга гIертача хана  «RedBull» котъяьлар «МВД Ингушетия» командалла чот 3:1 йолаш, тIехьа йитар «Вайнах» (6:2), котъяьлар «Ангушта» ветеранел чот 3:2 йолаш.

Экажевцаша турнира керттера матч йолаш, «Карабулакагара» совле йихьар чот 4:1 йолаш, иштта котбаьлар «Ветераны Пригородного района» командал, чот (2:0) йолаш. Турнирни мугIарашка, массахана ловзаш йолча командашта юкъе, ялхлагIа моттиг дIалоац Экажеверча команда.