Skip to main content

Россе Президента Путин Владимира белгалъйир вай республика

25-ча, Петербургерча, дерригача къамашта юкъерча экономически форуме (ПМЭФ) ше даьча къамаьла юкъе, таханарча дено дIадеххача тайпара шоай регионаш тоаеш боахкарашта баркал аьлар Путин Владимира. Ма даггара, къахьегарца, шоай моттигай экономически хьал тоадаь республикаш белгалйир цо.

«ДикагIча оагIорахьа регионий хьал тоадалар — хьалха латтараша тIатеIIа къахьегар да. Дикка белгалъяьннача моттигай цIераш яха лов тахан. Уж я Кургански область — 37 позицех айенна, Перьм, Алтай — 26 позицен айенний, ГIалгIай республик — 26 позицен айенний. Баркал оал аз, тахан регионашта хьалха латтарашта! Аьттув хилба цар дIахо а, ишттача наькъаца къахьега!», — аьлар Россе президента.