Skip to main content

Таро йоацача наха республикански а федеральни а деш дола новкъостал вIашагIтоха лаьрхIад

РФ Къахьегама, социальни Iалашон министр Котяков Антон

РФ къахьегама министр лаьрхIа ва, таро йоацача наха регионашкара а федеральни а оагIорахьара деш дола новкъостал цхьан боарамах хилийта. Из дIадолалургда хьатIадоагIача шера. «Известия» газетага цох дийцар РФ Къахьегама, социальни Iалашон министра Котяков Антона.

«Тхо хIанз болх тохкаш да, региональни а федеральни а новкъосталдар цхьан бокъонах хургдолаш. Таро йоацача дезала деш дола новкъостал, цар вахара хьал аттача даккхара деш да. Цхьадараш вIашагIтехача бакъахьа да, новкъостала луш дола ахча йоаггIача бокъонех хургдолаш».

Цу ведомства кулгалхочо масала доаладир федеральни, региональни оагIорахьара луш дола материнский капитал.

«Хьалхардар сихагIа луш да. ХIаьта региональни — хьалха санна каьхаташ доахаш, социальни Iалашон органашка ухаш хьовзам болаш лу. Из нийса дац. МаIан цаI да, хьалаш цхьаIаш да.

Хьадалара кеп тайп-тайпара я. Вай уж хьалаш цхьатарра долча наькъ тIа гIоргда, пенсионни фонде гIолла регионера матерински капитал хьаэца йиш хургйолаш.

Из атта а ховш а хургда», — аьлар министра.