Келаматанаькъан Iалихана цIерах йолча №4 йолча ишколе, берашца кхетаче дIайихьар, дийша нах юкъе болаш, вIашагIъеллача тоабо. Кагирхошта цар дийцар экстремизм, терроризм яхача зуламех а, царех хьадоалача зенах а. «Таханарча дийнахьа из гIулакх вай чIоаггIа терко еш дIадахьа деза.
Терроризма юкъебаха лелача тувлбеннача наха шоашта могар ду, кхувш латтарий кхетам кегабе гIерташ, уж цу юкъе чуоза хьожаш. Вайна массанена тIалатта декхар да цу доккхача вон духьала къовсам лоаттабар, цох хьадоалача зуламах кагирхошта дувцар.
ЛаьрххIа цу гIулакха арабаьнна лелача наха кагирхошта дIахайт, цу хIаман юкъевахачо, ший вахар толхадаь ца Iеш, ший цIагIа мел болча наьха ираз доаделга. Хаьдда дIадаккха деза из унзара хIама вай кагирхой вахарера», — дийцар тха газетага из болх беча наьха викалаша.
