Skip to main content

Терроризмахи экстремизмахи дараш хьалхадоах вай берашта

Керда Редантерча культура ЦIагIа дIадихьар, «Тха машаре даха безам ба» яха сахьат. Экстремизмахи терроризмахи дараш хьалхадаьхар берашта. Дийцар, дунен тIа, тайп-тайпарча хана, моастагIаша увттаяьча терактех, иштта берашта хьийхар, теракт хинна хIама нийсделча, эггара хьалхарча юхьанца фу де деза. «Терроризмахи экстремизмахи лоравалар», «Террора духьала да бераш» яхача видеороликашца дIайолайир кхетаче.

«Кулгалдеш хиннача Оздой Хадишата берашта дийцар, тахан латтача хана, терроризмо наьха вахаре йоккха моттиг дIалаьцалга, из тайпара хатар иккха зуламхошта каравахача, мишта кхаста веза. Йоккха терко еш дийцар, вай мехка Даьла моастагIаша увттаяьча терактех. Тематически викторине дакъа лоацаш шоашта деннача хаттарашта жоп луш хилар бераш, дагалаьцар, зуламхой кулгех байна вай мехкахой», — дийцар тха газетага, культура ЦIен кулгалдеча Хоаной Марета.