ГIалгIайчен ТIой-Юрта хьалъеш латт 100 саг дийнахьа тIаэцаргвола керда больница. Цига таро хургья, 60 саг Iовужавеш, маьнгеш оттаде, аьлар «Сердало» газетага ГIалгIай Республикан гIишлон Министерстве.
«Карарча хана «Маяк» яхача гIишлонхой фирман болхлоша тайп-тайпара чура балхаш доахаш латт, чура а арара а балхаш йистедаха гIерташ, къахьегаш ба уж. Цул совгIа, гонахьара доазув а тоадеш латт», — аьлар гIишлошъераша.
Чура сихонца тоадеш латт тховнаш, наIараш дIаувттаеш бола болхлой къаьстта къахьегаш ба, кафель Iотохаш бола болх а дIабодаш ба.
ЛаьрххIа йолча «УнахцIено дегIайоалаяр» яхача проетках тоаеш латт вай дарбанчеш, дуккхаяраш керда хьалъеш а латт.
Паччахьалкхено миллионаш ахча дIадахийтад цу гIулакхага, цудухьа сиха йистеяккха езаш а я из.
