Skip to main content

Туркий-мехкарча гIалгIай диаспоро, вай къаман библиотека, делар боккха мах бола книжка «Истинг»

Туркий-мехкарча «ГIалгIай юкъарлен» кулгалхочо, Бештой Селмано къаман библиотека делар «Истинг» цIи йола книжка. Из арадаьннад Истмале (Стамбуле), 2015 шера, туркий меттала. Книжка дувц тхьовра денза хьадоагIача кIувсай гIаьрчоех (орнаментах).

Тахан, из болх геттара дегIабоалабе гIертача вайна, из доккха совгIат да. Къаман библиотеке ший моттиг хьалаьца дIаэтта из книжка довза таро я ший къаман селхане йовза безам барий. КIоарга чулоацам а тохкам а болаш оттадаьд книжка.

Эггара лоархIамегIа дар да — хьалха дIабахача вай мехкахой оамал цо хьахьокхар. Шоай мехках къаьста лийнача цар, боккхача безамца лорадаьд даьй хинна гIулакхаш, Iадаташ. «Тахан вайна ца довза дуккха а хIамаш да, мах баь варгвоацача цу книжка тIа.

Дайнад аьнна хийтар, даха дисад из книжка бахьан», — аьлар «Сердало» газетага къаман библиотека пресс-служба. Истингаш тIа, кIувсаш тIа, вай къаман дIадаьнна догамаш меттаоттадеш ба гIалгIай говзанчаш. Къаьстта царна доккха совгIат хиннад, селхана кхеллар хьагойташ долча, цу книжках.