ГIалгIайчен Кулгалхочо тIадиллача декхарах, ер беза мархий бутт дIабодаш, республика юртбоахама Министерствос лаьрххIа йола кхачан базараш дIахьоргья, аьлар ахархой боахама зарбан болх лелабераша.
Кхоана, тушола бетта ткъаь пхелагIча дийнахьа, ахархоша маьха чухьнахьа долаш, шоаш кхедаь ялаташ, баьцадаараш, дулх, кхыдараш дохкаргда.
«ГIалгIай мехка а иштта лоалахоша а цIена кхеяь юртбоахама продукци эца таро хургья Шолжа района ГIажарий-Юрта Первомайски урамах, ийс сахьат даьлча денз 13 сахьат даллалца йолча хана», — йоах хоамо.
