Skip to main content

Дика белгалонаш

Вай республика кулгалхоша цахаддаш терко лоаттаю юрта бахача наьха вахара хьалаш аттача дахара

Укх тIеххьарча шин шера вай республике доккхий хувцамаш хиннад наьха вахар тоадергдолаш. Хьалъяьй дукха керда объекташ. ДIадахача шера хьайийлай шийтта берий беш, доккха совгIат да из берий даьшта-ноаношта.

Укх шера хьалъе лаьрхIад ийс берий беш. Ши эзар гарга бер чуэца йиш хургъйолаш. Ах эзар гаргга балх моттиг хургъя цу ийс берий беша. Вай мехка дукха ба воспитателелаш, медицинскии йижарий, иштта кхыйола говзал караерзаяь болх бе моттигаш эшаш бола кхалнах.

Юрташка хьалъяьй керда ишколаш, Культура цIенош, йовзаргйоацаш хувцаеннай цхьайола юрташ. Царех лархIа мегаргъя Мужече. Укхаза хоза биллаб гIашлеларий никъ, иштта бархI метр шерал дIалоацаш юрта чакхбоалаш машенаш лела никъ. Хьалъяй школа, берий беш, хьу чакхйоаха камбинат. Комбинате шовзткъеи итт сага болх бе моттиг хургъя.

Шолже наькъаш дукхагIча даькъе тоадаь даьннад. ХIанз укхаза кертера улица тоаеш къахьегаш ба «Автодора» болхлой. Висаитова цӏерагӏча улицагIа асфальт биллачул тIехьагIа, дехьа-сехьа харшаш даьха бордюраш чуйохкаш ба, цул тIехьагIа еррига улица чакхъяллалца гIаш лелачарна лаьрхIа наькъаш хургда.

Хьалъяь йоалаш латт керда №4 йолча почтови отделенена лаьрхIа йола гIишло.

Шолже, массехк бутт хьалха шаьра аре хиннача моттиге, урагIа яха, хьалъетта йоалаш латт кхозза вIаштIара яь ишкол. Ишкол лаьрхIа я ворхI бIаь совггIа болча дешархошта, цул совгIа, къаьстта берашта говзал Iомае лаьрххIа кабинеташ хургъя.

Ишкол тIайола лаьтта кхойтта эзар квадратни метр дIалаьца моттиг я. Укхаза къахьегаш массехк бригада я. Къовзткъанел совгIа саг ва бригадашка дIалаьрхIача. Уж ба: бетонщикаш, арматурщикаш, плотникаш, иштта кхыбараш а.

– ДукхагIча даькъе гIишлонга дIайодар бетони, арматуреи я, – аьлар, участка кулгалхочо Далиев ИбрахIима. – КIира кхо бIаь а, йиI бIаь а кубометр бетон хьатIаяхь тхона, – аьлар цо.

Этаж хьалъйотташ итт ди ха тоъ, йоах гӏишлонхоша. Объект ханал хьалха йистеяккха лерхI подрядчика. Массадола хIама чулоацаш ба говзанчаш беш бола болх.. Могаш доацача берашта лаьрхIа хьалъеш я лифташ, пандусаш, ара аха моттиг. Республике гIишлонаш хьалъечарна тIахьожа специалисташ хIара денна хул беча болхага хьожаш.

Хьанзарча вахара хам беш баха беза кагийбараш. ДIабахача вай даьша-ноаноша лелаяь хало, лейна Iазап дицде йиш яц.

Кагирхоша а, зIамигача бераша а телефонаш Iояхкац бера. Уйла е еза, царех фу беркат доал берашта. Из бера телефон Iо а йилла, коа эшар де раьза дац бераш.

Зенаш-зуламаш юкъера дIадаха деза. Кагирхой уйлаш дешара а, къахьегара а тIаяхийта еза. ТIаккха совдаргда вай мехкара беркат, кхы а хозагIа хургба вай мохк.