Skip to main content

Вай мехка гIолла волонтераш хьуна оасаш цIендаьд

«Эко-дозор» бIаьстанара вIашагIкхетар

Шоай лоIам а болаш вIашагIкхийттар «Эко-дозор» доакъашхой лостам бара. ШоллагIа ди дар цу тайпара болх дIахьош. Цу юкъа цар гулдир нувхий бIаь галий,- аьнна хоам бу моттигерча Iалама министерства пресс-службо.

Наьсар-керте, Экажеве гIолла уллача хьуна даькътIара нувхаш гулъеш бола болх дIабихьар волонтераш. Цу юкъе дакъалоацаш вар 24 саг.

Дукха ха яц «Эко-дозор» яха бIаьстанара вIашагIкхетар дIадоладаь, из дар 24- ча апреле Ерригача Россе шоатта ди. Цунна хьалхарча дийнахьа СурхотIа дIабодача наькъ тIара 140 нувхий галеш гулдир. Цу тайпара болх вIашагIбеллараш бар ГIР Iалама Министерства, иштта «Россе экологе юкъарлен» ГIалгIай моттигерча отделене викалаш цхьана.

Тайп-тайпарча ханашка дIадахьа таро хургья цу тайпара балхаш. Цо таро хулийтаргъя дукхача даькътIа лостам бе. Шоай лоIамера болх дIабахьара кертте латтар я Колой Хьава.

Цу проекта эшаш дола ахчанцара новкъостал лоаттадер я ГIР Iалама ресурсех, экологех йола министерства, кегий барий гIулакха йола Федеральни агентства.