Skip to main content

Вай мехка хина йистошка, тIаь кIалара моттигаш цIенъеш болх дIахьош ба

Хина йистош цIенъяра болх дIаболабаьб

ГIалгIай Республика правительство кIира цкъа дIахьоча совещане баьча соцамах, Шолжарча муниципальни районе, доккхий хиш доагIе а аьнна кийчо яра болх дIабихьар.

Цунах хоам бир «Сердало» газетага моттигерча администраце кулгалхоша.

Хоам бу ГIажарий-юрта, кирпишкаш еча завода юхе гIолла уллача тIаь кIала лостамбеш бола болх дIабихьаб аьнна. Цунца цхьана дIахьош да хина йистош цIенъяра балхаш а. Масала: кхо км. йIоахал йола хина йист цIенъяй, иштта Дьякова, Коммунистически, Ленина яхача улицашкара каналаш цIендаьд, еррига а дIалаьрхIача 2,7 км. Цу тайпара мероприятеш дIайихьай Галашкарча Колхозни, Береговая яхача улицашка. Болх дIахьош ба Эсса хина йистошка а цунна йIоахал 1.7 км я, цул совгIа 0.6. км йIоахал йола Костоева улица тIа а каналашкара нувхаш дIайоахаш болх баьб.

Эбарг-юрта а дIадихьад хина йистош а иштта тIий тIаь кIалара моттигаш а цIенъеш дола балхаш.