Башкортостана керттерча шахьар т1а Уфе чакхъяьннай Приволжски федеральни округа дзюдох йола чемпионат. Цунна юкъе дакъа лоацаш 13 моттигера 174 спортсмен хиннав.
Царех 120 маIа саг хиннав, 54 кхалсаг хиннай. Татрий мехкара, Пермера, Самарера, Башкортостанера тоабаш хIараяр ткъа итт сагах латташ хиннай. Цига толаш хиннараш тов бетта Кемерове хургйолча Россе чемпионате дакъа лоацаш хургба. Башкирерча спортсменашца вар массехк гIалгIа а. Царех виъне шоайдар мо дозал долча спортсменашта юкъе дошув даьккхар, вешта аьлча, хьалхара моттигаш яьхар. Царех вар БIарахой Адам, Балай Урусхан-Бек, ЦIечой Iалихан, Доврбиканаькъан Вахид.
Цу тайпарча цIенхаштарча яхьашка вай къамах болча кагийча наха котало яккхаро гIад а вуг, курал а яйт. Аьттув балба цар Россе чемпионаш хила.
