Skip to main content

Вай мехкарча эрсий театро, цIихезача драматурга, Эдуардо де Филиппо язъяьча пьесах, «Риск» яха спектакль оттаергья

Театральни афишаш, тахан, бахархой гIадкхувлаш я. ЦIихезача драматурга, Эдуардо де Филиппо, язъяьча пьесах спектакль оттаергья эрсий театра актераша. ХьатIабоагIача бетта 2-ча дийнахьа, Магасерча культура йоаржаярах болча кхуврче, хьажархошка хьежаш хургба актераш.

«Хьалха неаполитанец хинна Микеле, Америкера, ший мехка цIавоагIа. Шийна гучох цецваьннача вус из. Цун къаьнара доттагIа, Артур, хIара дийнахьа ший сесага тепча етташ ва. Тепча техачул тIехьагIа, вIалла ше ца хиннача бесса дика, кIаьда, Iимерза хилий дIаотт, маро яхар де тугаш йоаца сесаг. ТIехьагIо мара кхетац Микеле, ший доттагIа волча Артура сесаг меттайоалае гIерташ леладечох. Хьажархошта дог Iаббалца бела, самукъадаккха моттиг хургья цу дийнахьа».

Спектакль оттаеш къахьийгар ва, лакха начIал дола режиссер, къаман артист Льянанаькъан Ахьмад.