Skip to main content

Вай республике дIахьоргья «Полицейски дядя Стёпа-2021» яха Ерригача Россе дIахьош йолча конкурса берий этап

Ерригача Россе берий кхоллама конкурс

ГIалгIайче гIолла йолча МВД викалаша республика бахархой тIахьех ялх шерагара 14 шерага кхаччалца ха яьннараш «Полицейски Дядя Стёпа-2021» яхача Ерригача Россе берий кхоллама конкурсе дакъа лаца,-аьнна хоам бу 06.МВД. РФ.

Цу темах лаьца моллагIа шоай кулгашца хIама е еза, из хетаяь хургъя Россе имперегара вай денга кхаччалца йолча хана полице болхбаьча наха.

Материал моллагIа а хила йиш я: текстиль, дахча, полимерни топпар, боалоз иштта кхы дIахо а.
Балхаш хьаэцаргда 18 мае кхаччалца йолча хана.
Юххера этап хургъя 20 мае.

ГIалгIай мехка гIолла йолча МВД Юкъарлен совето хьакъоастадергда дикагIа дола балхаш, уж дIадохьийтаргда Россе МВД, конкурсе котваьннар малав ховш хургда цига.

Кокурсах котбаьннарий «День защиты» оала ди хьатIакхоачаш онлайн-кхадж тассарца Россе МВД лаьрххIа йолча сайта тIа гуш хургба, уж иштта социальни сетешка гIолла го йиш хургъя.