Skip to main content

«Вехача сага бокъо яц машена тIа ха» яха, акци дIайихьар Магасе

«Вехача сага бокъо яц машена тIа ха» яха, бахархой лорабара йола, акци дIайихьар Магасе. Из акци дIаяхьар дувзаденна да, корта бохабеча маларах болаш машена ко лувцача наха доаржадеча зуламаца.

Веха саг машенаца араваларах, дукха авареш хул вай республике. ГИБДД болхлоша хьалхадаьккхар бахархошта, корта бохабеча маларах виза волаш машенаца новкъа ваьнна саг, гонахьа лелачарна эггара боккхагIа бола кхерам ба.

Тахан латтача законо, цу наха оттадаь таIазар цхьа моллагIа дац. Кхайкарал ду машенашца леларашка, боккъала а машена ко ма лаца веха а волаш! Хьай а улуврча наьха а вахара уйла еш хила!

ТIехьа тIа йоагIача хана а, уж тайпара рейдаш дIакхухьаргьйолаш я. Менна волаш наькъа тIа хьалаьцачо, шийна доагIа таIазар дизза дIаэцаргхиларах шеко яц.