Skip to main content

Йовлой Мухьмад юкъевахав, Россе Iалама министерства экологех йолча, Федеральни совета

Цунах хоам бу, моттигерча Iалама министерства.

Укх деношка Россе Iалама ресурсах, экологех министр волча Козлов Александра совета чубоагIаш бола керда болхлой а, цунна хьалаш а дIачIоагIдир.

Цу совета чувоагIаш ва I50 саг. Уж ба Iалама Министерства, Росприроднадзора, Рослесхоза, Росгидромета, Роснедра, Росресурсай Iалам лорадара тIахьожам лоаттабеча боахамий викалаш.

Царна юкъе ва, ГIалгIайчен Iалама министерства кулгалхо, карарча хана, ГIалгIай Республика Правительства председатела хьалхарча заместитела декхараш кхоачашдеш вола Йовлой Мухьмад.

Цул совгIа, ФЭС доакъашхо хилар, министра гIонча вола, Мизенаькъан Микаьил.

Белгалду, цу совета доакъашхой, Iалам лорадара йолча паччахьалкхен политике эшар хьакъоастадара йола, предложенеш юкъейоалае езаш болга. Цул совгIа, паччахьалкхен программаш тахкара а, уж кхоачашъяра а йола Iалам лорадара балха оагIув белгалъяккха езаш уж хилар а.