Магас-Шахьара прокуратуро бехке веш хиларах дола, моттигерча вахархочунна духьалара уголовни гIулакх чIоагIдир, цо банковски чота тIара наьха ахча лочкъадарах, аьлар «Сердало» газетага мехка тIахьожам лоаттабеча болхлоша.
Судо техкар, дIадахача шера тов бетта, Магас-Шахьаре банка юххе, шийна йовзаш йола кхалсаг кхийтача, цунгара шийна цхьан гIулакха дезар, аьнна, цу сага карта дийхалга. Кхалсага дIаденнад, ший пароль дIа а аьнна», — йоах хьабайтача хоамо.
Цу картага гIолла цунна хайнад, цу тIа 200 эзар сом ахча хилар. Цул тIехьагIа, кхалсагага хIама а ца оалаш, 55 эзар сом ахча карта тIара Iодаьккхад цо.
Цхьа ха яьннача гIолла, из карта кхалсага юхаденнад, ше цу тIера ахча Iодаьккхалга а из кIеззига сабар дича юхалургдолга а, аьнна. Бакъда ахча юха ца делча, кхалсаг бокъонаш лораеча органашка леткъай.
Ахча цу сага цул тIехьагIа юхаденна хилар дIа а лоархIаш, ГIалгIай Республикан Магаса кхалерча судо цунна кхо шу суд йир, набахта валла ца везаш, цхьан шера ах шера из тоалой а хьожаргйолаш. Иштта из дIатакха дезаш ва 30 эзар сом гIод.
