Заьзгакъонгий-Юртарча библиотеке «Исбахьален деша говзанча» яха литературан сахьат дIадихьар, цIихезача гIалгIай йоазонхочун Чахкенаькъан СаIида 85 шу дузаш хиларца дувзаденна, аьнна, хоам бир «Сердало» газетага культболхлоша.
«Массахана дIахьош йолчарна тара йоацаш хиннача урокага гIолла, Заьзгакъонгий-Юртарча берашта яйзар ГIалгIай литературан цIихезача классика вахарера цхьаццайола моттигаш.
Цул совгIа библиотека болхлочо СаIида кхоллам массехк даькъа бийкъа бовзийтар, урок дIахьош йийшар «ГIалгIай кхалсаг», «Ийс гIала», «Цу бийсанара эхь» яха байташ, — аьнна, белгалдаьккхар библиотека болхлочо.
Йоазонхочунна Чахкинаькъан СаIида кхоллам, вай мехка меттел, доазол арахьа а дика бовзаш ба. Цунна юкъера «Дошо бIоагIий» яха роман массехк меттала таржам даь да.
