Заьзгакъонгий-Юртара культуран ЦӀа кийчлуш да, ерача дийнахьа Хамхой Ахьмада цӀерагӀча Паччахьалкхен филармоне артисташ тӀаэца. Юртахой таро хургья «Ашарашца дегаш дIохадергда» яха концерт дахьаш боагӀача иллиалархошца безам баа.
«Концерт дӀахьоргда тушола бетта ялхайттлагӀча дийнахьа, «Пушкински карта» яхача Ерригроссе проекта чудоагӀаш. Цунна юкъе хургба Госфилармоне дикагӀбола иллиалархой, кхоллама цхьанкхетараш.
ВӀашагӀкхетар дӀадолалургда 14.00 сахьат даьлча», — аьлар «Сердало» газетага Хамхой Ахьмада цӀерагӀча ГӀалгӀайчен филармоне.
