ГIалгIайчен паччахьалкхен телеграм-оагIон тIа язду, Жайрахьа район тоаеш, администраце дIабихьача балхах.
Жайрахьа района чудоагIача дерригача юрташкарча урамашка лампаш ехкай, 8 эзар метр чулоацаш хин турбаш яхкай, керда асфальт буллаш, хозача хьале дерзадаьд 5 эзар метрага кхоача наькъаш. Туристаш тIабувлача Маьтлоама хьалтIабодаш никъ биллаб. Геттара чIоагIа берашта эшаш хинна культуран цIа хьалдаьд Лаьжге. Оалга тIа, Лаьжге, Хьуле хьаелла лерхI 240 бера лаьрхIа керда ишколаш.
Туристаш лелача наькъашка салаIа моттигаш тоаеш латт. Ха яккха хьалъухача наха салаIа овттадаь цIенош дукхагIа хулаш латт хIара шера, хIана аьлча, ди денгара мел доал, лоаман цIенача фега салаIа ловраш дукхагIа хулаш латт. ДIадахача шера Жайрахьа районе хинна хьаьший ах миллионага кхоачаш ба.
