Интернете гIолла хIама эца дагадехача, боккъал а из моттиг дика тохкаш хила, лорале, яхаш, бахархошка кхайкарал деш ба МВД болхлой. Малашб ца ховча нахагара хIама эцаш, шоай банковски карташ лораде, кхетадеш хила, интернет йизза, нах Iехабеш, карташ тIара ахча дIакхухьаш зуламхой багIилга.
«Нах лебеча зуламхоша Iомадаьча гIулакхах дувц ма дарра телеграм-канале, иштта кхыйолча моттигашка. Сиха тешаш бола нах ба кIийленна хайша багIача зуламхоша лехараш», — белгалду МВД болхлоша. Шоашта дикка йовзаш йолча моттигашкара мара хIама ма эца! КIезига ахча доаккхаш латтача хIамаех Iеха ма ле! Шоай карта тIара таьрахьаш сагага дIа ма дувца! Шоашта бIаргагуш боацача нахаца йохкар-эцар ма леладе.
Ца бовзача наха, ахча ма тела юхалург. Ха яхача нахага кхайкарал ду, бовзаш боаца нах шоай цIагIа хьачу ма бита, моллагIа ва со яхе а! Из деррига лорадеш шо хуле, зуламхошта Iехалургдац шо!
