Skip to main content

Зязиков-Юрт-Гарагорск бода никъ кердабаьннаб

«ГIалгIай Республика машена наькъаш дегIадоаладар» яхача паччахьалкхен программах тоадеш да наькъаш.

Тоабеш латтача наькъа бIоахал 16,9 километр я.

ХIанз, укх сахьте, наькъа служба коллектив гIумах а жагIах а латташ дола кIалхьарцар деш я, цун тIеххьа дIахьо хьалхара наькъа оаса Iобиллара болх а.

ХьалхагIа никъ тедаш, из кийчбеш бола болх йистебаьккхабар, лакхера оаса Iобилла а, цу тIа гIолла еза чархаш йола техника хахка а дIачIоагIбаьб.

Цул совгIа, 20 сантиметр йолаш, кхозза асфальта оаса IотIа а буллаш йистебаьккхаб из болх.

«Ингушавтодор» ГУ кулгалхочо Хаматхананаькъан Батыра яхачох, дIахьош мел бола болх наькъа дикал лакха йолаш хургба. Из доацаш а, шоаш никъ Iобуллача моттигашка улувра такилга оаса а кердабоаккхаш Iобуллаш латт.

Проектах наькъа такилгаш кердадоахаш, асфальт Iобилла лаьрхIад шозза буллаш — пхиъ-ворхI сантиметр хургболаш.