«ГIалгIай Республика паччахьалкхен  граждански службах долча»  ГIалгIай Республика  Закона хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                      2025 шера аьтинга бетта 26 ди

Статья 1

«ГIалгIай Республика паччахьалкхен  граждански службах» долча 2005 шера лайчилла бетта 30 дийнахьарча №45-РЗ йолча ГIалгIай Республика Закона (газет «ГIалгIайче», 2005 шера оагIой бетта 3 ди; 2007 шера аьтинга бетта 14 ди; 2009 шера ардара бетта 24 ди; газет «Сердало», 2011 шера наджгоанцхой бетта 15 ди; газет «ГIалгIайче», 2011 шера, ардара бетта 6 ди; 2012 шера оагIой бетта 27 ди; 2013 шера оагIой бетта 7 ди; 2014 шера тушола бетта 7 ди; 2015 шера бекарга бетта 2 ди;  2016 шера лайчилла бетта 29 ди; Официальни бокъон хоама интернет-портал (www.pravo.gov.ru), 2017 шера бекарга бетта 26 ди, ардара бетта 31 ди; 2018 шера саькура бетта 27 ди; газет «Сердало», 2021 шера аьтинга бетта 3 ди; интернет-газет «ГIалгIайче» (www.gazetaingush.ru), 2023 шера кIимарса бетта  7 ди, лайчилла бетта 8 ди) юкъехьо Iобелгалдаь хувцамаш:

1) 14  статьяй 4 даькъа 4 пункте деша «премеш» тIехьа тIатохар де дешашца «, цу даькъе»;

2) 15  статье:

а)  2 даькъе:

5 пункте деша  «преми» тIехьа тIатохар де дешашца «, цу даькъе»; 

6 пункте дош «иттане» хувца дешаца  «ткъестане»;

б)  5 даькъе шоллагIа предложени дIаяккха;

3) 16 статьяй 1 даькъе:

а) 9 пункте дешаш «кхыйолча паччахьалкхен органе» хувца дешашца «наниматела викала лоIамах граждански служба кхыча дарже цу паччахьалкхен органе е кхыйолча паччахьалкхен органе»;

б) 9(1) пункте дешаш «служба моттиге» хувца дешашца «граждански службе хилара  моттиге»;

в) 9(2) пункте  дешаш «служба кердача моттиге» хувца дешашца  «граждански службе хилара  кердача моттиге»;

4) 17 статьяйна тIатохар де Iобелгалбаь чулоацам болча 4(1) пунктаца:

«4(1) укх Закона 17(1) статьяйца белгалдаь тешам балараш, граждански служащи эскаре амал де мобилизацех е цо эскаре амал дергда аьнна контракт  оттаярах тIахьийхача е Российски Федераце Герзашцарча Низашта е Российски Федераце къаман гварде эскарашта тIадехка  шоашта декхараш кхоачашде, ший лоIамах волаш га-лоадам бергба аьнна хилар;»;

5) тIатохар де Iобелгалбаь чулоацам болча 17(1)  статьяйца:

«Статья 17(1).  Граждански служащеш эскаре амал де мобилизацех е цо эскаре амал дергда аьнна контракт оттаярах тIахьийхача е Российски Федераце Герзашца Низашта е Российски Федераце къаман гварде эскарашта тIадехка  декхараш кхоачашде,  ший лоIамах волаш га-лоадам бергба аьнна хиларах тешам балараш

1. Граждански служащешта «Эскаре амал де декхаре хиларахи эскара службахи долча» 1998 шера тушола бетта 28 дийнахьарча №53-ФЗ йолча Федеральни закона 38  статьяй  7 пунктаца нийса мобилизацех е эскаре амал дарах контракт оттайича (дIахо – укх статье – эскара служба) е Российски Федераце Герзашцарча Низашта е Российски Федераце къаман гварде эскарашта шоашта тIадехка декхараш кхоачашде,  ший лоIамах волаш га-лоадам бергба аьнна хилар тешам лу, цунгара граждански служба  дарж дуссарг хиларах эскаре амал деш йоаккхача хан-юкъа. Цу моттиге граждански служба ханна соцаю, ахчан кхоачо ялар отта а дац дIа  а лац.

2. Граждански служба ханна соцаяри юха дIайолаяри кхоачашду «Российски Федераце паччахьалкхен служба системах долча» Федеральни законо белгалъяьча аргIанцеи   хьалашцеи  нийса.

3. Эскаре амал деча ханачухь е Российски Федераце Герзашцарча Низашта е Российски Федераце къаман гварде эскарашта шоашта тIадехка декхараш кхоачашдеш  шоай лоIамах га-лоадам беш хилча, наниматела лоIамах служебни контракт соцаяр мегийташ дац, паччахьалкхен орган дIаяккхар санна долча бахьанца ца лаьрхIача.

4. Эскаре амал деча ханачухь е Российски Федераце Герзашцарча Низашта е Российски Федераце къаман гварде эскарашта тIадехка шоай декхараш кхоачашдара  шоай лоIамах га-лоадам беш хилча служебни контракт болх беш хилара хан-юкъ, лаьрххIа декхар кхоачашдара ханна оттаяь служебни контракт е ший даржа тIа воацаш волча граждански служащена меттел белггала декхар кхоачашдара дарже хилара хан-юкъ ца лаьрхIача, федеральни законашца нийса граждански служба дарж дуссаш хиларца, даржа служебни контракт ханна соцаю.

5. Ха йилла  йола, цун болх бара йола хан-юкъ, укх статьяй 4 даькъаца нийса белгал ма дарра, соцаяь ханна йола служебни контракт меттаоттаю, цу контракта болх бара белгалъяь йолча ханна, из ханна соцаяьча дийнахьа денз дIа а лоархIаш, цхьабакъда граждански служащен дарже хилара оттаяьча хана боарамал совнагIа а йоацаш, нагахьа санна «Российски Федераце паччахьалкхен граждански службах долча» Федеральни закона 25(1) статьяйца нийса, граждански служащена  дарже хилара хан-юкъ дIайIаьхъяь ца хилча, граждански служба ханна йола служебни контракт «гIончий (советникаш)» категорех йола граждански служба контракт ца лаьрхIача. Нагахьа санна граждански служба ханна йола «гIончий (советникаш)» категорех йола  ха йилла йола служебни контракт меттаоттаю, паччахьалкхен дарже хилара, паччахьалкхен органа кулгалхочун дарже хилара оттаяьча хан-юкъал совнагIа а йоацаш, шийна га-лоадам беш  граждански служащи волаш «гIончий (советникаш)» категорех дарже латташ, е граждански служаще, паччахьалкхен органа кулгалхочун  дарже хилара хан-юкъ йистеяларца, граждански служба ханна йола служебни контракт «гIончий (советникаш)» категорех йолча граждански служба контрактах дарже хилча е граждански служащен граждански служба  дарже хилара тIех йола ха яьнна хилча. Нагахьа санна паччахьалкхен дарже волча, паччахьалкхен органа кулгалхочун дарже волча, шийна га-лоадам беш гражданский служащи волча, «гIончий (советникаш)» категорех йолча граждански служба сага полномочей хан-юкъ йистеяьлча, е граждански служащен граждански службе хилара тIех йола ха йистеяьлча, «Российски Федераце паччахьалкхен граждански службах долча» Федеральни закона 25(1) статьяйца нийса граждански служащена граждански служба дарже хилара хан-юкъ дIайIаьхъяь ца хилча, шийца паччахьалкхен – служебни юкъ-моттигаш оттаяь хилча, «Российски Федераце паччахьалкхен граждански службах долча» Федеральни закона 25(1) статьяйца белгалъяьча арг1анца нийса, цу тайпарча граждански служащеца оттаяьча, ханна йолча служебни контракта болх бара хан-юкъ меттаоттаяц.

6. Граждански служащена цу эскаре амал деш яьккха ха е Российски Федераце Герзашцарча Низашта е Российски Федераце къаман гварде эскарашта тIадехка шоай декхараш кхоачашдеш шоай лоIамах га-лоадам беш яьккха ха чакхъяьнна, граждански службе амал деш ялх бутт баьлча, цун заявленех цунна лу хIара шера луш йола  ахчанца кхоачо ю отпуск.

7. Эскаре амал деш яьккха ха е  Российски Федераце Герзашцарча Низашта е Российски Федераце къаман гварде эскарашта тIадехка шоай декхараш кхоачашдеш шоай лоIамах га-лоадам беш яьккха ха, граждански служба стажаца дIалоархI.

8. Укх статьяйца дIа-хьа ца нийсъеш йиссача бокъон юкъ-моттигех пайда эц, къахьегама  законодательствох.»;

6) 21 статье:

а) 1 даькъе дешаш «граждански служащеш (гражданаш)» хувца дешашца  «граждански служащеш гражданаш»;

б) 2  даькъе дешаш «граждански служащеш (гражданаш)» хувца дешашца  «граждански служащеш гражданаш»;

в) 4 даькъе даькъе дешаш «граждански служащеш (гражданаш)» хувца дешашца  «граждански служащеш гражданаш»;

г) 5 даькъа тIатохар де Iобелгалбаь чулоацам болча  8 пунктаца:

«8) граждански службера дIабоахаш бола граждански служащеш «Российски Федераце паччахьалкхен граждански службах долча» Федеральни закона 28 статьяй 5 даькъа  3–5, 9, 12–14 пункташца нийса кхыдолча дарже оттаве аьттув ца хилча из моттиг йоацаш хиларах е граждански служащи кхыча граждански служба дарже отта раьза воацаш духьале йича, «Российски Федераце паччахьалкхен граждански службах долча» Федеральни закона 28 статьяйца нийса, – наниматела соцамах  белгалбаь граждански служащеш раьза а болаш.»;

д) 6 даькъе дешаш «6 а 7 а пункташца» хувца дешашца «6–8 пункташца»;

е) 8 даькъе дешаш «граждански служащи (гражданин)» хувца дешашца  «граждански служащи, гражданин»;

ж) 9 даькъе дешаш «граждански служащи (гражданин)» хувца дешашца  «граждански служаще, гражданин».

Статья  2 

Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз.

ГIалгIай Республика 

Мехкда                                           Келаматнаькъан М.М.

г. Магас

2025 шера кIимарса бетта «11» ди

№ 18-РЗ