«ГӀалгӀай Республике кагирхой политиках долча» ГӀалгӀай Республика Закона хувцамаш юкъедахьара хьакьехьа

ТӀаийцад

ГӀалгӀай Республика

Халкъа Гуллама

Статья 1

«ГӀалгӀай Республике кагирхой политиках долча» 2022 шера бекарга бетта 29 дийнахьарча №16-РЗ йолча ГӀалгӀай Республика Закона (Официальни бокъон хоама интернет-портал (www.ргаvо.gоv.ги), 2022 шера бекарга бетта 29 ди, оагӀой бетта 29 ди; 2024 шера кӀимарса бетта 9 ди) юкъехьо Ӏобелгалдаь хувцамаш:

1) 4 статьяй 5 пункте дош «идеологен» хувца дешаца «идеологешта», деша «экстремизма,» тӀехьа тӀатохар де дешашца «агрессивни дола», деша «хуларашта» тӀехьа тӀатохар де дешашца «кхычарна хетараш теркал ца дара идеологешта»;

2) 6 статье:

а) цӀераца дош «кхоачашдара» дӀадаккха;

б) 1 даькъе дош «кхоачашдара» дӀадаккха;

в) 2 дакъа Ӏобелгалъяьча редакце дӀаязде:

«2. Кагирхой политика керттера наькъаш кхоашашду «Российски Федераце кагирхой политиках долча» Федеральни законаца а кхыдолча федеральни законашцеи Российски Федераце кхыйолча боарама бокъона акташцеи, ГӀалгӀай Республика законашцеи кхыйолча боарама бокъон акташцеи, муниципальни боарама бокъон акташца нийса кагирхошта социальни эшарий, къаман Ӏадатий, региональни, ГӀалгӀай Республика моттигера этнокультурни башхалоний терко еш, цу даькъе Российски Федераце паччахьалкхен программаш, федеральни целевой программаш, ГӀалгӀай Республика паччахьалкхен программаш, муниципальни программаш кхоачашъеш, кагирхошта, къонача дезалашта а кагирхой юкъарлен объединенешта новкъостал делга Ӏалашдеш, кагирхой политика инфраструктурах пайда а эцаш.»;

г) тӀатохар де Ӏобелгалбаь чулоацам болча 5 даькъаца:

«5. Кагирхошта мехкагӀончала кхетам балар а кагйрхошта сакхетама-эздела кхетам балар а кхоачашду укх Закона 7(2) статьяйца белгалъяьча положенешца нийса.»;

3) 7 статье:

а) дешашта хьалха «Кагирхоша дакъа лоац» тӀатохар де таьрахьаца «1»;

б) 4 пункт Ӏобелгалъяьча редакце дӀаязъе:

«4) кагирхой инициативашта кийчо яр а кхоачашъяр а, цу даькъе инициативни проекташта, кагирхой юкъарлен объединенеш, социальни тӀаерзаяь коммерчески йоаца организацеш а коммерчески йоаца Российски Федераце кагирхой политика кхоачашъяра тӀаерзаяь йола организацеш а;»;

в) тӀатохар де Ӏобелгалбаь чулоацам болча 5 а 6 а пункташца:

«5) паччахьалкхен Хаьдала органашка, моттигера шедоалдара оргганашка а организацешка а кагирхоша шедоалдара органаш вӀашагӀйохкар Российски Федераце законодательствос, ГӀалгӀай Республика законодательствос, муниципальни бокъон акташца а белгалъяьча органий а организацей а учредительни документашца белгалъяьча аргӀанца нийса;

6) Российски Федераце законодательствос белгалъяь кхыйола кепаш.»;

г) тӀатохар де Ӏобелгалбаь чулоацам болча 2 даькъаца:

«2. Къонача гражданий бокъо я консультационни, методически а хоам бара а новкъостал хьаэца ГӀалгӀай Республика паччахьалкхен Ӏаьдала органашкара а моттигерча шедоалдара органашкара а кагирхой юкъарлен объединенеш вӀашагӀйохкара а цар къахьегам дӀабахьара кхоачо еш, социальни тӀаерзаяь коммерчески йоаца организацеш а коммерчески йоаца, Российски Федераце кагирхой политика кхоачашъяра тӀаерзаяь йола организацеш а.»;

4) тӀатохар де Ӏобелгалбаь чулоацам болча 7(1) статьяйца:

«Статья 7(1). ГӀалгӀай Республике кагирхой политика кхоачашъяра тӀаерзаяь йола коммерчески йоаца организацеш

1) ГӀалгӀай Республике кагирхой политика кхоачашъяра тӀаерзаяь йолча, коммерчески йоацача организацей къахьегам дӀабахьар могаду Ӏобелгалъьча кепашца:

1) кагирхой политика керттерча наькъий проекташи программаши кхоачашъяр;

2) кагирхой политика керттерча наькъий ийициативаш, цу даькъе инициативни проекташ кхоачашъяра га-лоадам бар;

3) къахьегама, юкъарлен лоархӀам бола а кхоллама а даькъе хьинаре хилийтар дегӀакхувлара хьалаш Ӏалашдар, дешар Ӏомадари къахьегари цхьана дӀадахьара, цу даькъе студенчески отрядий кара гӀолла а;

4) Российски Федераце законодательствоца а ГӀалгӀай Республика законодательствоца а нийса йолча кепашца, белгал ма дарра.

2. ГӀалгӀай Республике кагирхой политика кхоачашъяра тӀаерзаяь йола коммерчески йоаца организацеш бокъо йолаш я ГӀалгӀай Республика паччахьалкхен Ӏаьдала органашкара, моттигерча шедоалдара органашкара новкъостал хьаэца, консультационни, методический хоамацеи новкъостал дареи кепе, иштта Российски Федераце законодательствоца а ГӀалгӀай Республика законодательствоца а нийса йолча, кхыйолча кепашца.

3. Укх статье белгалъяь коммерчески йоаца организацеш вӀашагӀйохкара а цар къахьегама а дӀаяхара а аргӀа дӀаоттаю Российски Федераце законодательствоца нийса.»;

5) тӀатохар де Ӏобелгалбаь чулоацам болча 72 статьяйца:

«Статья 7(2). Кагирхошта мехкагӀончала а сакхетама-эздела а кхетам балар

1. ГӀалгӀай Республика паччахьалкхен Ӏаьдала органаша дӀачоагӀъю кагирхошта мехкагӀончала кхетам балара а кагирхошта сакхетама-эздела кхетам балара а де дезарий комплекс, Российски Федераце кагирхошта мехкагӀончала кхетам балара а, кагирхошта сакхетама-эздела кагирхой кхетам балара а де дезарий комплексаца нийса, кагирхой социальни эшарий, къаман Ӏадатий, ГӀалгӀай Республика моттигера этнокультурни башхалоний терко а еш уж кхоачашъяра а Ӏалашо ю.

2. ГӀалгӀай Республика паччахьалкхен Ӏаьдала органаша, моттигерча шедоалдара органаша, шоай полномочей боараме кхоачашду Ӏобелгалдаьраш:

1) лахара болх дӀабахьа викал яьча, лаханза йола, Даьхе лораеча кхелха тӀемахой дӀабехка моттигаш а дӀайохканза йола тӀехк-голаш лахара, байнарий цӀераш гучаяхара а де доацаш байнараш хьалахара а царех бола дагалецам белгалбара йолча, кагирхошта кхетам балара мехкагӀончала центрашта, тӀема-мехкагӀончала объединенешта, (клубашта) а - йсторико-мехкатохкама а лахара а организацешта юкъарлен-паччахьалкхени юкъарлен объединенешта, иштта кхыйолча кагирхошта мехкагӀончала а сакхетама-эздела а кхетам балара даькъе къахьегача коммерчески йоацача организацешта а юкъарлен объединенешта а га-лоадам бар;

2) Российски Федераце кагирхошта мехкагӀончала а сакхетама-эздела а кхетам балара даькъе дӀахьоча къахьегама овсарлен мониторинг лелаяр;

3) Российски Федераце законодательствос, ГӀалгӀай Республика законодательствос, муниципальни бокъон акташа белгалдаь кхыдола дезараш.

3. Кагирхошта мехкагӀончала кхетам балара декхарашта ГӀалгӀай Республика паччахьалкхен Ӏаьдала органий бокъо я:

организацешка гражданаш шоай лоӀамах эскаре амал дара кийчбара система тоае;

кагирхошта юкъе Даьхенцара безам совбаккхара, цун исторени Ӏадатии лерхӀам бара хьалаш Ӏалашде;

кагирхоша дакъа а лоацаш мехкагӀончала тӀаерзаяь мероприятеш вӀашагӀ а йохкаш кхоачашье.»;

6) 19 статье:

а) тӀатохар де Ӏобелгалбаь чулоацам болча 2(1) пунктаца:

«2(1) кагирхой политика инфраструктура дегӀакхувлара га-лоадам бар, цу даькъе муниципальни образоване доазон тӀа кагирхой политиках йола муниципальни учрежденеш вӀашагӀ а ехка царга болх байтара Ӏалашо яр;»;

б) 4 пункте дош «кхоачашдар» дӀадаккха;

в) тӀатохар де Ӏобелгалбаь чулоацам болча 4(1) пунктаца:

«4(1) хьалхатетта инициативаш, цу даькъе муниципальни образоване кагирхоша хьалхатетта инициативни проекташ, кхоачашъяра га-лоадам бар;»;

г) 5 пункте деша «политика» тӀехьа тӀатохар де дешашца «, цу даькъе Российски Федераце кагирхошта мехкагӀончала а сакхетама-эздела а кхетам балара даькъе дӀахьоча къахьегама овсарлен мониторинг лелаяр,»;

7) тӀатохар де Хобелгалбаь чулоацам болча 19(1) статьяйца:

«Статья 19(1). Кагирхой политика кхоачашъеча ГӀалгӀай Республикерча сага бокъонех вола Уполномоченне а бера бокъонех вола Уполномоченне а дакъа лацар

Кагирхой политика кхоачашъеча ГӀалгӀай Республикерча сага бокъонех вола Уполномоченне а бера бокъонех вола Уполномоченне а дакъа лоац шоай полномочей боараме.»;

8) тӀатохар де Ӏобелгалбаь чулоацам болча 19(2) статьяйца:

«Статья 19(2). ГӀалгӀай Республика лакхехьарча даржашка бола нах болча а муниципальни образованешта керте латтараш болча а йолча кагирхой политиках Йола координационни органаш

Ер Закон кхоачашдара декхарашта, кагирхой политика хьакъехьа къахьегам дӀахьоча коммерчески йоацача организацеша, юкъарлен объединенеша, эксперташа ГӀалгӀай Республика паччахьалкхен Ӏаьдала органашца, федеральни кхоачашдара Ӏаьдала доазон органаша, моттигерча шедоалдара органаша ГӀалгӀай Республика доазон тӀа кагирхой политика кхоачашъяра декхарашта цхьана овсаре къахьегара декхарашта могаду кагирхой политика хьакъехьа лакхехьарча даржашка бола нах болча а муниципальни образованешта керте латтараш болча а йола координационни органаш вӀашагӀйохкар.».

ГIалгIай Республика

Мехкда                           Келаматнаькъан М.М.

г. Магас

2025 шера кIимарса бетта «11» ди

№ 20-РЗ