«ТIема денале юрт» яхача сийлен цIера хьакъехьа дола ГIалгIай Республика Закон

ТIаийцад

ГIалгIай Республика

Халкъа Гуллама 2025 шера аьтинга бетта 26 ди

Статья 1. Укх Законо дIа-хьа нийсду предмет

Укх Законо дIаоттаю ГIалгIай Республика доазон тIа йолча, нах бахача пункташта (дIахо – нах баха пункт), «ТIема денале юрт» яха, ГIалгIай Республика сийлен цIи (дIахо – сийлен цIи) ялара бокъон кIийле, ГIалгIай Республика доазон тIа Даьхе лораеча байнараш дагакхабара, Сийлахьа – Даьймехка тIом болча 1941–1945 шерашка хинна, нонагIо лоархIам бола латараш диц ца далийтара, тIема-исторически тIехьале лораяра а иштта гражданаш мехкагIончалца кхетабара а декхарашта.

Статья 2. Сийлен цIи ялар

1. Сийлен цIи лу нах бахача юрташта, цар доазонаш тIа е царна лалла Даьхе лораераш тIом беча хана къонахчал, майрал, турпалал а гойтарах.

Сийлен цIи лу городской округа, муниципальни района е юрта поселенена.

2. Сийлен цIи лац, Российски Федераце законодательствоца нийса «ТIема сийлен гIала» яха сийлен цIи еннача городашта.

3. Сийлен цIи, ГIалгIай Республика бахархоша лерхIам бара лакхера куц да.

4. Сийлен цIи лу ГIалгIай Республика Мехкдас.

Статья 3. Сийлен цIи яларах хетар алар

1. Нах бахача юрта сийлен цIи яларах дар белгалду, ГIалгIай Республика моттигерча шедоаладара муниципальни органаша, Российски Федераце гражданаша, юкъарлен объединенеша, ГIалгIай Республика Юкъарлен палата, ГIалгIай Республика муниципальни образованей юкъарлен палаташа (советаша) нах баха юрт ший доазон тIа йолча муниципальни образоване керте латтачун адресах.

2. Муниципальни образоване керте латтачо Iалашо ю укх статьяй 1 даькъе белгалдаь хетараш дашхара, муниципальни бокъон актаца оттаяьча аргIанца нийса. Нагахьа санна нах бахача юрта сийлен цIи ялар дашхара чаккхенех могадеш хилча, муниципальни образоване керте латтачо аргIа йола хетар дIалу муниципальни образоване представительни органага.

Муниципальни образоване представительни органо, сийлен цIи яларах дола, хьаденна хетар тахкара чаккхенех тIаэц, Iобелгалбаьрех цхьа соцам:

1) нах бахача юрта сийлен цIи яларах дола ходатайство, ГIалгIай Республика Мехкдаьга даларах дола йоазув;

2) нах бахача юрта сийлен цIи яларах дар дIататтар.

3. Сийлен цIи яларах долча муниципальни образоване представительни органа ходатайствах цхьана дIатох:

1) муниципальни образоване керте латтачо ГIалгIай Республика Мехкдаьга ходатайство даларах а аргIа йолча муниципальни образоване представительни органа соцам а;

2) моттигерча шедоаладара муниципальни органа, Российски Федераце гражданаша, юкъарлен объединенеша, ГIалгIай Республика Юкъарлен палата, ГIалгIай Республика муниципальни образованей юкъарлен палаташа (советаша), сийлен цIи яларах дола хетараш;

3) нах бахача юрта сийлен цIи ялара кIийле хинна латта документашца бакъдаь дола хиннарий тешалаш, царех сийлен цIи ялара ходатайство а хетарий лард хинна оттаргдолаш.

Статья 4. Сийлен цIи яларах хетар дIадалара аргIа

1. Нах бахача юрта сийлен цIи яларах дола ходатайство а укх Закона 3 статьяй 3 даькъе белгалдаь дола документаш а, моттигерча шедоалдара представительни органо дIадохьийт ГIалгIай Республика Мехкдаьга.

2. ГIалгIай Республика Мехкдаьга дIадахьийта, нах бахача юрта сийлен цIи яларах дола ходатайство тохк, сийлен цIи яларах дола ходатайстваш тахкара йолча комиссе. Белгалъяьча комиссен оттам, из вIашагIъйоллара а, цун къахьегама а аргIа дIачIоагIъю, ГIалгIай Республика Мехкдас.

3. Нах бахача юрта сийлен цIи яларах дола ходатайство тахкара чаккхенех, укх статьяй 2 даькъе белгалъяьча комиссено, ГIалгIай Республика Мехкдаьга дIалу сийлен цIи яларах оттаме дола е ходатайство дIататтарах дола хетараш.

4. Нагахьа санна ГIалгIай Республика Мехкдас нах бахача юрта сийлен цIи яларах ходатайство могадича, ГIалгIай Республика Мехкдас аргIа йола акт тIаэц.

5. Нагахьа санна ГIалгIай Республика Мехкдас нах бахача юрта сийлен цIи яларах ходатайство дIатеттача, шозлагIа ходатайство дIалу цхьан шерал кIезигах йоаца ха яьнначул тIехьагIа.

Статья 5. Сийлен цIи яларах йола Грамота

1. «ТIема денале юрт» яха сийлен цIи яларах йола Грамота тIа кулг язду ГIалгIай Республика Мехкдас.

2. Сийлен цIи яларах йола Грамота дIалу торжественни хьале ший доазон тIа сийлен цIи енна нах баха юрт йолча ГIалгIай Республика муниципальни образоване керте латтачунга.

3. Сийлен цIи яларах йолча Грамота образец а цунах дола йоазув а дIачIоагIду ГIалгIай Республика Мехкдас.

Статья 6. Сийлен цIерах пайда эцар

1. Шоай доазон тIа сийлен цIераш енна нах баха юрташ йолча муниципальни образованей бокъо я цу сийлен цIерах публични пайда эца.

2. Сийлен цIи еннача нах бахача юртий доазонаш тIа могаду сийлен цIи яларца бувзам бола памятни знакаш а (е) «ТIема денале юрт» яха сийленг а оттаде, болх беш долча законодательствос дIадехараш лора а деш.

ГIалгIай Республика паччахьалкхен Iаьдала органаша, моттигерча шедоалдара органаша, наха бахача юрта (наха бахача юрташта) сийлен цIи яларах дола сведенеш чуоттаду официальни сайташка а бахархошка нах бахача юрташта сийлен цIи яларах бола хоам а дIакхачийтара кхыдола куцаш лораду.

Статья 7. Ер Закон кхоачашдара декхарашта яьча расходашта финасировани яр

1. Нах бахача юрта сийлен цIераш яларца бувзам бола мероприятеш ГIалгIай Республика паччахьалкхен Iаьдала органаша дIахьоча хана хиннача расходашта финансировани елга кхоачашду, ГIалгIай Республика бюджета средстваех.

2. Даьхен исторех, из лораеча хиннача латарашка керттера котало йоаккхаш белгалбаьнна тIемахой, тIехьленна хилийтара дагалоацама йолча мероприятешта, памятни знакаш а (е) «ТIема денале юрт» яха сийленг оттадеш а дола балхаш дIахьош хиннача расходашта финансировани елга кхоачашду ГIалгIай Республика бюджета средстваех, муниципальни образованей моттигерча бюджета средстваех а бюджетера доацача средстваех а.

Статья 8. Ер Закон низаца чIоагIдалара аргIа

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

Мехкда                          Келаматнаькъан М.М.

г. Магас

2025 шера кIимарса бетта «11» ди

№21-РЗ