«ГIалгIай Республике архивни гIулакхех долча» ГIалгIай Республика Закона 23 статье хувцамаш юкъедахьара хьакъехьа

 ТIаийцад

ГIалгIай Республика

Халкъа Гуллама                             2025 шера ардара бетта 28 ди

Статья 1

«ГIалгIай Республике архивни гIулакхех долча», 2020 шера оагIой бетта 29 дийнахьарча, №60-РЗ йолча ГIалгIай Республика Закона (интернет-газет «ГIалгIайче» (www.gazetaingush.ru), 2020 шера оагIой бетта 30  ди;  2021 шера лайчилла бетта 29 ди;  2023 шера тушола бетта 3 ди, аьтинга бетта 27 ди; 2024 шера тушола бетта 14 ди) 23 статьяйна юкъехьо Iобелгалдаь хувцамаш:

1)   2 даькъе: 

а) 1 пункте  дешаш «электронни документа кепе» хувца дешашца «электронни кепе»; 

б) 2 пункте дешаш «электронни документий  кепе» хувца дешашца «электронни кепе»; 

2) тIатохар де Iобелгалбаь чулоацам болча 4 – 7 доакъошца:

«4. ГIалгIай Республика архивни гIулакха уполномоченни йолча органа а моттигерча шедоалдара органий а бокъо  я  архивни документашта хоам бара-телекоммуникационни сете «Интернет» гIолла гаьнара тIакхоачалга а царна справочно-лахареи, царех пайда эцареи вIаштIехьадахара-технически а кхыдола а хьалаш Iалашде (дIахо – архивни документех гаьнара пайда эцара услуга).

5. Архивни документех гаьнара пайда эцара услуга ялара кепе, хоам бара-телекоммуникационни сете «Интернет» гIолла Iалашо ю кхоачашде:

1) ца хилча баргбоаца архивни хоам электронни кепе справочно-лахара  средствай гIонца лахар;

2) ГIалгIай Республика Архивни фонде чудоагIаш долча, архиво электронни кепе даьхача,  архивни документий копешка  хьажар  а (е) ладувгIар а.

6. ГIалгIай Республика Паччахьалкхен архива а муниципальни архива а бокъо я шоаш лорадеш ухкаду архивни документаши царца йолча справочно-лахара  кечалаши гаьнара пайда эцара паччахьалкхен хоам бара система кара гIолла (дIахо – гаьнара архивни документех пайда эцара ГИС), гаьнара архивни документех пайда эцара ГИСах йолча, Федеральни закона тIа белгал ма дарра,  йолча положенеца нийса е ГIалгIай Республика паччахьалкхен хоам бара система а муниципальни хоам бара системай  кара гIолла ше-ший аргIах ГIалгIай Республика Правительства боарама бокъон актаца а муниципальни бокъон акташца а  оттаяьча аргIанца нийса.

7. ГIалгIай Республика Архивни фонде чудоагIача архиво электронни кепе даьхача  архивни документий копешка  хьажарах  а (е) ладувгIарах а услугаш ярах, архивни документех пайда эцарах мах баккхар могаду. ГIалгIай Республика паччахьалкхен хоам бара система а муниципальни хоам бара системай а кара гIолла, архивни документех пайда эцарах цу тайпара мах баккхара аргIа а моттигаш а дIаоттаю, ше-ший аргIах ГIалгIай Республика Правительства боарама бокъон актаца а муниципальни бокъон акташца а  оттаяьча аргIанца нийса.».

 Статья 2

        Ер Закон низаца чIоагIденна болх бе долалу, ер официально кепатехача  дийнахьа денз.

ГIалгIай Республика

          Мехкда                                               Келаматнаькъан М.М.

             г. Магас

2025 шера «11» ди лайчилла бетта 

         № 31-рз