«ГIалгIай Республике патентни системах налогех пайда эцарах долча» ГIалгIай Республика Закона  хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                             2025 шера ардара бетта 28 ди

Статья 1

«ГIалгIай Республике патентни системах налогех пайда эцарах долча» 2012 шера оагIой бетта 1 дийнахьарча №35-РЗ йолча ГIалгIай Республика Закона (газет «ГIалгIайче», 2012 шера оагIой бетта 4 ди; 2013 шера лайчилла бетта  30 ди; 2014 шера ардара бетта  16 ди; Официальни бокъон хоама интернет-портал (www.pravo.gov.ru),   2016 шера оагIой бетта  30 ди; интернет-газет «ГIалгIайче» (www.gazetaingush.ru), 2020 шера аьтинга бетта 30 ди;  2021 шера  бекарга бетта  1 ди)  юкъехьо Iобелгалдаь хувцамаш:

1)  1 статьяй текст Iобелгалъяьча редакце дIаязъе:

«1. ДIаоттаде предпринимательски къахьегама тайпай перечени индивидуальни предприниматела предпринимательски къахьегаме шера  керте бе тарлуча пайдан боарами, укх Закона тIатохарца нийса. 

2. Индивидуальни предприниматела предпринимательски къахьегаме  шера керте бе тарлуча пайдан, укх Закона тIатохара  1 – 69 мугIарашка белгалдаь боарамаш, 2026 шера наджгоанцхой бетта 1 дийнахьа денз индексаци е езаш да коэффициент-дефляторца, Российски Федераце  Налогови кодекса «Налогаш тохара патентни система» 26.5  кертах  пайда эцара декхарашта, Российски Федераце экономически дегIаахара Министерства амарца арг1а йолча календарни шера  отта ма дарра.»;

2) тIатохар де Iобелгалбаь чулоацам болча тIатохарца:

«ТIатохар

«ГIалгIай Республике  патентни системах налогех пайда  эцарах долча» ГIалгIай Республика Закона Индивидуальни предприниматела предпринимательски къахьегарца шера керте бе тарлуча пайдан тайпаши боарамаши

Статья 2

Ер Закон низаца чIоагIденна болх бе долалу, ер официально кепатеха цхьа бутт баьннача дийнахьа денз, цхьабакъда аргIан налогови хан-юкъ оттача 1-ча денал хьалхагIа а доацаш, пайда эц 2026 шера наджгоанцхой бетта 1-ча дийнахьа денз хьахиннача бокъон юкъ-моттигашка.

ГIалгIай Республика

Мехкда                                               Келаматнаькъан М.М.

г. Магас

2025 шера «11» ди лайчилла бетта

№33-рз