Общенациональная газета
Республики Ингушетия

«ГӀалгӀай Республике промышленни къахьегамах а промышленни политиках а долча», ГӀалгӀай Республика Закона №80-РЗ  2023 шера оагӀой бетта 29 ди  хувцамаш юкъедахьара хьакъехьа

ТӀаийцад

  ГӀалгӀай Республика

Халкъа Гуллама                              2023 шера оагӀой бетта 26 ди

Статья 1

«ГӀалгӀай Республике промышленни къахьегамах а  промышленни политиках а долча», 2010 шера саькур бетта 27 дийнахьарча  №8-РЗ йолча ГӀалгӀай Республика Закона  (газет «Сердало», 2010 шера  тушола бетта 6 ди; газет «ГӀалгӀайче», 2011, ардара бетта 6 ди; 2012, тушола бетта  24 ди; Официальни бокъон хоама  интернет-портал (www.pravo.gov.ru),              2016, маьтсела бетта 6 ди; интернет-газет «ГӀалгӀайче» (www.gazetaӀngush.ru), 2020, 1 оаг1ой бетта) юкъехьо Ӏобелгалдаь хувцамаш:

1) 2 статья Ӏобелгалъяьча  редакце дӀаязъе:

«Статья 2. Укх Законе пайда эца керттера кхетамаш

Укх Законе пайда эца кхетамаши терминыаши пайда эцаш лелаю  «Российски Федерацие промышленни политиках долча», 2014 шера оагӀой бетта 31 дийнахьарча, №488-ФЗ Федеральни законо (д1ахо – Федеральни закон) белгалдаь маӀанаш долаш.»;

2) 92 статьяй 2 даькъе дешаша «Российски Федерацие промышленни политиках дола», 2014 шера оагӀой бетта 31 дийнахьара, №488-ФЗ йола Федеральни закон (д1ахо – Федеральни закон)» д1адаха;

3) тӀатохар де Ӏобелгалбаь чулоацам болча   93 статьяйца:

«Статья 93. Индустриальни (промышленни) паркаш

1. Промышленноста даькъе къахьегама га-лоадам белга оттаду, ГӀалгӀай Республика боарама бокъон акташца, индустриальни (промышленни) парка а промышленноста даькъе къахьегача субъектий а индустриальни (промышленни) паркашца йолча промышленни инфраструктурах пайда эцар кхоачашду ГӀалгӀай Республика Правительствос оттадаьча арг1анца нийса, нагахьа санна индустриальни (промышленни) парк а индустриальни (промышленни) парках д1адехарашта нийса хилча цун урхалдара компане, Российски Федераце Правительствос отта ма дарра, Г1алг1ай Республика Правительствос оттадаьча совнаг1а долча д1адехарашца нийса, укх Закона  18 статьяй 2 даькъа 81 пунктаца а нийса. 

2. ГӀалгӀай Республика доазон тӀа керда индустриальни (промышленни) паркаш вӀашагӀйохкар а йолаш яраш дегӀакхувлар а кхоачашду,  Российски Федераце моттига дӀа-хьа яржара стратеге терко а еш, иштта Российски Федераце, доазон планироване а ГӀалгӀай Республика доазон планироване а схемаш теркаме эцаш.»;

4) тӀатохар де Ӏобелгалбаь чулоацам болча   94 статьяйца:

«Статья 94. Промышленни  технопаркаш

 1. Промышленноста даькъе къахьегама га-лоадам белга оттаду, ГӀалгӀай Республика боарама бокъон акташца, промышленне технопарка урхалдара  компане хьакъехьа, промышленни технопарке чуйоаг1ача технологически инфраструктурах а промышленни инфраструктурах а пайда эцаш кхоачашду Г1алг1ай Республика Правительствос оттаяча арг1анца нийса, нагахьа санна  промышленни технопарка а урхал дара компани а Российски Федераце Правительствос оттадаьча д1адехарашта а ГӀалгӀай Республика Правительствос совнаг1а оттадаьча  д1адехарашца нийса укх Закона  18 статьяй 2 даькъа 81 пунктаца а нийса. 

2. ГӀалгӀай Республика доазон тӀа керда индустриальни (промышленни) паркаш вӀашагӀйохкар а йолаш яраш дегӀакхувлар а кхоачашду,  Российски Федераце моттига дӀа-хьа яржара стратеге терко еш, иштта Российски Федераце а доазон планироване схема а ГӀалгӀай Республика доазон планироване схема а теркам беш.»;

5) тӀатохар де Ӏобелгалбаь чулоацам болча   95 статьяйца:

«Статья 95. Промышленни  кластераш

1. Промышленни кластерий  къахьегама га-лоадам белга оттаду, ГӀалгӀай Республика боарама бокъон акташца, нагахьа санна  промышленний кластер а промышленни кластера лаьрхх1а йола организацеш а Российски Федераце Правительствос д1адехарашца а  ГӀалгӀай Республика Правительствос совнаг1а оттадаьча д1адехарашца нийса укх Закона  18 статьяй 2 даькъа 81 пунктаца а нийса.   

2. ГӀалгӀай Республика доазон тӀа керда промышленни кластераш вӀашагӀйохкар а йолаш яраш дегӀакхувлар а кхоачашду Российски Федераци моттига дӀа-хьа яржара стратеге терко еш, иштта Российски Федераци, доазон планироване схема а ГӀалгӀай Республика доазон планироване схема а  теркам беш.»;

6) 18 статье:

а) 1 даькъа 2 пункт ший низ д1абаьнна ларх1а; 

б) 2 даькъа т1атохар де 1обелгалбаь чулоацам болча 83 пунктаца:

«81) индустриальни (промышленни) паркашкара, индустриальни (промышленни) парки урхалдара компанешкара, лакхарча технологей даькъе йолча технопаркий, лакхарча технологей даькъе йолча технопаркий  урхалдара компанешкара,  промышленний кластерашкара  промышленний кластерий лаьрх1ача организацерашкара, промышленности даькъе къахьегара га-лоадам бара ГӀалгӀай Республика рузкъах а бюджета стредствайх а пайда эцара совнаг1а д1адехараш оттадар.». 

Статья 2 

Ер Закон низаца чӀоагӀденна болх бе долалу, ер официально кепатеха  итт ди чаккхдаьнача дийнахьа денз.

ГӀалгӀай   Республика

Мехкда                                                         Келаматнаькъан М.М.

г. Магас

2023 шера   «29»ди  оагӀой бетта

№80-РЗ