Общенациональная газета
Республики Ингушетия

ГӀалгӀай Республика даозон тӀа легковой таксеца пассажираш дӀа-хьа кхувлар а багаж дӀа-хьа яхьар а Ӏалашдара хьакъехьа

ТӀаийцад

ГӀалгӀай Республика Халкъа Гуллама 2023 шера оагӀой бетта 26 ди

Статья 1. Укх Законо дӀа-хьа нийсдара предмет

Укх Законо, «Российски Федераце пассажираши багажи легковой таксеца дӀа-хьа кхувларах, Российски Федераце къаьсттача законодательни акташта хувцамаш юкъедахьарах, Российски Федераце законодательни актий къаьстта положеней низ дӀабаьнна лархӀарах долча», 2022 шера оагӀой бетта 29 динахьарча, №580-ФЗ йолча Федеральни закона (дӀахо – Федеральни закон) ГӀалгӀай Республика доазон тӀа кхоачашду легковой таксеца пассажираши багажи дӀа-хьа кхувлар, иштта белгалдаьча даькъе ГӀалгӀай Республика доазон тӀа паччахьалкхен тӀахьожам (бӀаргаӀунал) дар кхоачашдеш хьахинна юкъ-моттигаш а.

Статья 2. Укх Законе пайда эца керттера кхетамаш

Укх Законе пайда эца керттера кхетамаш пайда эцаш леладу, Федеральни законо оттадаь маӀанаш долаш.

Статья 3. ГӀалгӀай Республика Правительства полномочеш

ГӀалгӀай Республика Правительствос:

тӀаэц ГӀалгӀай Республика доазон тӀа пассажираши багажи легковой таксеца дӀа-хьа кхувлар вӀаштӀехьдаккхарах йола, ГӀалгӀай Республика боарама бокъон акташ;

белгалъю пассажираши багажи легковой таксеца дӀа-хьа кхувлар вӀаштӀехьдаккхарах хьакъехь йола, ГӀалгӀай Республика паччахьалкхен Ӏаьдала кхоачашдара орган а пассажираши багажи легковой таксеца дӀа-хьа кхувлара региональни паччахьалкхен тӀахьожам (бӀаргаӀунал) хилийтар а белгалдеш;

дӀаоттаю ГӀалгӀай Республика легковой таксеца дӀа-хьа кхувлара реестр лелаяра аргӀа; дӀаоттаю ГӀалгӀай Республика легковой таксей региональни реестр лелаяра аргӀа, ГӀалгӀай Республика легковой таксена заказаш дара службай реестр лелаяра аргӀа, легковой таксе паччахьалкхен федеральни хоам бара системах пайда а эцаш (дӀахо – ФГИС Такси);

ГӀалгӀай Республика легковой таксеца дӀа-хьа кхувларий реестра юкъе хувцамаш дара аргӀа, ГӀалгӀай Республика легковой таксешта заказ дара службай региональни реестр лелаяр, иштта ГӀалгӀай Республика легковой таксей региональни реестре сведенеш юкъедахьар, уж хувцареи дӀадахареи аргӀа;

дӀачӀоагӀъю ГӀалгӀай Республика доазон тӀа пассажираши багажи легковой таксеца дӀа-хьа кхувлара региональни паччахьалкхен тӀахьожам (бӀаргаӀунал) хилийтарах йола положени;

Российски Федераце, законодательствос, укх Законо а ГӀалгӀай Республика кхыйолча боарама бокъон акташца белгалъяь кхыйола полномочеш.

Статья 4. ГӀалгӀай Республика паччахьалкхен Ӏаьдала уполномоченни органа полномочеш

ГӀалгӀай Республика паччахьалкхен Ӏаьдала уполномоченни органо кхоачашду:

пассажираши багажи легковой таксеца дӀа-хьа кхувлара къахьегама хьакъехьа, региональни паччахьалкхен тӀахьожам (бӀарагаӀунал) леладу;

пассажираши багажи легковой таксеца дӀа-хьа кхувлара къахьегара мукъа балар;

ГӀалгӀай Республике легковой таксеца дӀа-хьа кхувларий реестр лелаяр, белгалъяьча реестре бола хоам ФГИС Такси чуоттабар;

ГӀалгӀай Республике легковой таксей реестр лелаяр, белгалъяьча реестре бола хоам ФГИС Такси чуоттабар;

ГӀалгӀай Республике доазон тӀа легковой таксеца пассажираши а багажи дӀа-хьа кхувлара къахьега мукъа балар ханна соцадар;

ГӀалгӀай Республике доазон тӀа легковой таксеца пассажираши а багажи дӀа-хьа кхувлара къахьега мукъа балара аннулировать дар;

ГӀалгӀай Республике доазон тӀа легковой таксеца пассажираши багажи дӀа-хьа кхувларий реестре дола, сведенеш, ГӀалгӀай Республика легковой таксе реестре, легковой таксена заказаш дара службай реестре дола сведенеш (персональни даннешца лоархӀа сведенеш мел доацараш, цу даькъе Федеральни закона 10 статьяй 1 даькъа 5 а 6 пункташка белгалдаь сведенеш а долаш) чуоттадар уполномоченни органа официальни сайте, хоам бара- телекоммуникационни сете «Интернет»;

ГӀалгӀай Республике доазон тӀа легковой таксеца пассажираши а багажи дӀа-хьа кхувлара къахьегама мукъа балара метта оттадар;

Российски Федераце, законодательствос, укх Законо а ГӀалгӀай Республика кхыйолча боарама бокъон акташца белгалъяь кхыйола полномочеш.

Статья 5. Пассажираши багажи легковой таксеца дӀа-хьа кхувлара региональни паччахьалкхен тӀахьожам (бӀарагаӀунал) лелабар вӀаштӀехьдаккхари кхоачашдари

Пассажираши багажи легковой таксеца дӀа-хьа кхувлара региональни паччахьалкхен тӀахьожам (бӀарагаӀунал) лелабар вӀаштӀехьдаккхари кхоачашдари дӀа-хьа нийсду, «Российски Федераце паччахьалкхен тӀахьожамахи (бӀарагаӀунал) муниципальни тӀахьожамахи долча», 2020 шера кӀимарса бетта 31 дийнахьарча №248-ФЗ йолча Федеральни законо.

Статья 6. Пассажираши багажи легковой таксеца дӀа-хьа кхувлара хьакъехьа дола законодательство толхадарах хулаш бола бехктокхам

Пассажираши багажи легковой таксеца дӀа-хьа кхувларах дола оттадаь дӀадехараш толхадича административни бехктокхаме отт, Российски Федераце законодательствоца нийса.

Статья 7. Ер Закон низаца чӀоагӀдалар.

Ер Закон низаца чӀоагӀденна болх бе долалу, ер официально кепатеха итт ди чакхдаьннача дийнахьа денз.

ГӀалгӀай Республика

Мехкда                                    Келаматнаькъан М.М.

г. Магас

2023 шера «29» ди оагӀой бетта

№ 81-РЗ