Общенациональная газета
Республики Ингушетия

«ГӀалгӀай Республика тӀахьожам бара-лархӀара палатах» долча, ГӀалгӀай Республика Закона хувцамаш юкъедахьара хьакъехьа

ТӀаийцад

ГӀалгӀай Республика

Халкъа Гуллама                            2023 шера оагӀой бетта 26 ди

Статья 1

«ГӀалгӀай Республика  ТӀахьожам бара-лархӀара палатах» долча, 2011 шера тов бетта 28  дийнахьарча №27-РЗ  йолча ГӀалгӀай Республика  Закона  (газет «ГӀалгӀайче», 2011 шера тов бетта 29 ди; 2013 шера оагIой бетта  7 ди; Официальни бокъон хоама  интернет-портал (www.pravo.gov.ru), 2017 шера оагIой бетта 20 ди; 2022 шера тушола бетта 4 ди) юкъехьо Ӏобелгалдаь хувцамаш:

1) тIатохар де  Iобелгалбаь чулоацам болча 201  статьяйца:

   «Статья 201. ТӀахьожам бара-лархӀара палатага арара муниципальни финансови тIахьожам барах барт бар дIадалара аргIах

1. ТӀахьожам бара-лархӀара палатага арара муниципальни финансови тIахьожам барах барт бар дIадаларах, барт оттабара (дIахо – барт бар), ГIалгIай Республика муниципальни образоване представительни органо, полномочеш дIаялар кхоачашде лерхIача шерал хьалха доагIача шера кIи-марса бетта 1 денал тIехьа а доацаш соцам тIаэц, тӀахьожам бара-лархӀара палатаца барт бар оттадарах  оалаш, цун копи дIадохьийт ТӀахьожам бара – лархӀара палатага, из тIаийца балха пхи доалача ханачухь.

2. ТӀахьожам бара-лархӀара палатага аларах болча соцамца цхьана дIалу Iобелгалдаь документаш:

1) барт бар оттадар цахилча даргдоацалга  довзийтара записка;

2) арара финансови тIахьом лоаттабе безача объектий перечень.

3. Барт барца хила деза:

1) барт бара оагIоний цIераши барт бара чулоацами;

          2) ТӀахьожам бара-лархӀара палатага арара муниципальни финансови тIахьожам барах йола полномочеш кхоачашъярах  дола хьалаши кхоачашдара аргIеи;

          3) ТӀахьожам бара-лархӀара палатага, арара муниципальни финансови тIахьожам бара дIаенна  йолча полномочей боарамахи уж полномочеш кхоачашъярахи  дола сведенеши;

         4) барт бара оагIоний бокъонаши декхараши;

5) барт баро  болх бу хан-юкъ;

6) барт бара оагIонаша барт  бара хьалаш толхадарах бола бехктокхам;

7) барт бара юкъе хувцамаш юкъедахьара а из дIабаккхара а  кIийленаши аргIеи;

8) барт барца хила йиш я, Российски Федераце законодательствана а ГIалгIай Республика законодательствана а духьале ца ю, кхыйола положенеш.

4. Барт бара типовой кеп дIачIоагIъю, ТӀахьожам бара-лархӀара палата, чуоттаю ТӀахьожам бара-лархӀара палата официальни сайта чу, хоам бара-телекоммуникационни сете «Интернет».

5. ТӀахьожам бара-лархӀара палата, укх статьяй Ӏ даькъе белгалъяьча, ГӀалгӀай Республика муниципальни образоване представительни органо балха итт ди доалача ханачухь, ГӀалгӀай Республика муниципальни образоване представительни органага дIайохьийт барт бара проект.

6. ГIалгIай Республика муниципальни образоване представительни органо барт бара проект дIаийца 30 календарни ди доалача ханачухь тохк из, тIаккха соцам тIаэц барт барах, е соцама проекта юкъерча положенешта раьза ца хилча проектах хетараши  белгалдараши  дIайохьийт, ТӀахьожам бара-лархӀара палате.

Барт барах бола соцам е барт барах дола  хетараш, белгалдараш муниципальни образоване представительни органо дIадохьийт, ТӀахьожам бара-лархӀара палате, из тIаийца балха пхи ди доалача ханачухь.

7. ТӀахьожам бара-лархӀара палата, барт бар оттадарах бола соцам дIаийца пхи ди доалача ханачухь, хоам бу ГIалгIай Республика Халкъа Гулламага, ГIалгIай Республика муниципальни образоване представительни органо барт бар оттадарах, цунца барт бара проект а йолаш. 

8. ГIалгIай Республика Халкъа Гулламо тохкам баь барт бара проектах хетараш тохк, цунах хетараш дIадохьийт ТӀахьожам бара-лархӀара палате.

Халкъа Гуллама барт барах дола хетараш тохк, ТӀахьожам бара-лархӀара палато, барт бар тоадеш къахьегача хана терко а еш.

9. Барт бар оттаде деза, полномочеш дIаяла лерхIача шера хьалха доагIача шера оагIой бетта 31 ди кхачалехьа, низаца чIоагIлу аргIанара финансови шу доладелча. Полномочеш белгалйоах барт бара условешца, бакъда 5 шерал дукхагIа а йоацаш.

10. Барт бар оттадара духьале яра соцам тIаэцара кIийле хинна отт;

1) укх статьяй I даькъо отта ма дарра, хетар дIадаларах бола соцам дIабалара хан-юкъ лора ца яр;

2) укх статьяй 2 даькъо отта ма дарра дола документа дIа ца далар е диззача боараме дIа ца далар;

11. Барт бара юкъе  хувцамаш ду, цхьан оагIон лоIамах, укх статьяй 1 а  4 – 8 доакъошца нийса.

12. Барт бар дIадаккхар кхоачашду карарча финансови шера тов бетта 1 ди отталехьа, барт бара оттаяьча условешка хьежжа. ТӀахьожам бара-лархӀара палата, арара  муниципальни финансови тIахьожам белга соцаду  аргIанара финансови шу доладаларца.»;

2) тIатохар де Iобелгалбаь чулоацам болча  202 статьяйца:

«Статья 202. ТӀахьожам бара-лархӀара палата моттигера бюджет кхоачашдарах арара муниципальни финансови тIахьожам бара аргIа

1. ТӀахьожам бара-лархӀара палата, шера кертера  моттигера бюджет кхоачашдарах бола арара муниципальни финансови тIахьожам бар кхоачашду, нагахьа санна, ГIалгIай Республика муниципальни образоване представительни органаца барт бар оттадича,  укх Закона 201 статьяйца белгал ма дарра, белгалбаьча бартаца нийса йолча бокъонашца, Российски Федераце Бюджетни кодексо дIадехараш лорадеш, федеральни законаша оттаяь башхалонаш теркаме эцаш.

2. ТӀахьожам бара-лархӀара палата моттигера бюджет кхоачашдарах шера отчет еш, арара муниципальни финансови тIахьожам бар кхоачашдара декхарашта, нагахьа санна, ГIалгIай Республика муниципальни образоване представительни органаца барт бар оттадича, шийца барт бар оттадаьча, ГIалгIай Республика муниципальни образоване моттигерча администрацено, ТӀахьожам бара-лархӀара палате дIалу моттигера бюджет кхоачашдарах йола шера отчет, шийца, моттигерча керттерча финансови администраторий бюджетни отчетностаца цхьана, карарча финасови шера бекарга бетта 1 денал тIехьа а ца доаккхаш.

3. ТӀахьожам бара-лархӀара палата моттигера бюджет кхоачашдарах шера отчет кийчъяр кхоачашду, шера отчет хьаеннача дийнахьа денз  цхьан беттал совгIа йоацача ханачухь, укх статьяй 2 даькъаца нийса. Моттигера бюджет кхоачашдарах йола шера отчетах йола чаккхе дIайохьийт ТӀахьожам бара-лархӀара палато представительни органага, цунца цхьана ГIалгIай Республика аргIа йолча муниципальни образоване моттигерча администраце а йохьийташ.».

Статья 2

Ер Закон низаца чӀоагӀденна болх бе долалу, ер официально кепатеха итт ди чаккхдаьннача дийнахьа денз.

ГIалгIай Республика

Мехкда                    Келаматнаькъан М.М.

г. Магас

2023 шера «29» ди 2023 шера оагӀой бетта

№83-РЗ