Общенациональная газета
Республики Ингушетия

ГIалгIай Республика муниципальни районии городской округии моттигерча шедоалдара органашка, кхензабарий гIулакхии цар бокъонаш лораяреи хьакъехьа йола комиссеш вIашагIйохкара паччахьалкхен къаьстта полномочеш дIаялара хьакъехьа

ТIаийцад

ГIалгIай Республика                     Халкъа Гуллама 2023 шера оагIой бетта 26 ди

Ер Закон вIашагIделлад «Российски Федераце моттигера шедоалдар вIашагIтохара юкъарча приципех долча», 2003 шера ардара бетта 6 дийнахьарча, №131-ФЗ йолча а «Российски Федераце субъекташка публични Iаьдал вIашагIдоллара юкъарча приципех долча», 2021 шера оагIой бетта 21 дийнахьарча, №414-ФЗ йолча а Федеральни законашца, «Кхензабарий гIулакхии цар бокъонаш лораяреи хьакъехьа йолча комиссейх долча», 2008 шера кIимарса бетта 15 дийнахьарча, №17-РЗ йолча ГIалгIай Республика Законаца а нийса, царца дIа-хьа нийсъю ГIалгIай Республика муниципальни районии городской округии моттигерча шедоалдара органашка, кхензабарий гIулакхии цар бокъонаш лораяреи хьакъехьа йола комиссеш вIашагIйохкара паччахьалкхен къаьстта полномочеш (дIахо – къаьстта паччахьалкхен полномочеш) дIаялара юкъ-моттигаш дIа-хьа нийсъю (дIахо – моттигера шедоалдара органаш).

Статья 1. Моттигерча шедоалдара органашка дIалуш йола къаьстта паччахьалкхен полномочеш

Укз Законаца моттигерча шедоалдара органашка дIалу, къаьстта паччахьалкхен полномочеш, укх тайпара йолаш:

1) ГIалгIай Республика муниципапальни районии городской округии моттигерча шедоалдара органашка, кхензабарий гIулакхии цар бокъонаш лораяреи хьакъехьа йола комиссеш (дIахо – комиссеш);

2) «Кхензабарий гIулакхии цар бокъонаш лораяреи хьакъехьа йолча комиссейх долча», 2008 шера кIимарса бетта 15 дийнахьарча, №17-РЗ йолча ГIалгIай Республика Законаца нийса, комиссей таьрахь а персональни а оттам дIачоагIбар;

3) комиссей къахьегама планировани яр а кхензабараш доал доацаш хургбоацаши цар бокъонаш лораергъйолаши профилактика еш къахьегама овсарле лораяр;

4) федеральни законодательствас а ГIалгIай Республика законодательствас а белгал ма дарра, комиссеша шоай къахьегама полномочеш кхоачашъяра рузкъан-техническии финансовии Iалашо лоаттаяр;

5) комиссей соцамаш кхоачашдара тIахьожам лоаттабар.

Статья 2. Къаьстта паччахьалкхен полномочеш дIалуча муниципальни образованей а моттигерча шедоалдара органий а тайпаши перечени

Укх Законаца нийса къаьстта паччахьалкхен полномочеш дIалу Iобелгалъяьча муниципальни образованешта:

1) Наьсарен муниципальни район;

2) Шолжа муниципальни район;

3) МагIалбика муниципальни район;

4) ДжIайраха муниципальни район;

5) городской округ «город Магас»;

6) городской округ «город Наьсаре»;

7) городской округ «город Илдарха-ГIала»;

8) городской округ «город МагIалбик»;

9) городской округ «город КIуре-Юрт».

Статья 3. Моттигерча шедоалдара органаша, къаьстта паччахьалкхен полномочеш кхоачашъяра хан-юкъ

Моттигерча шедоалдара органаша, къаьстта паччахьалкхен полномочеш кхоачашъяра хан-юкъ ха хоадаяь яц.

Статья 4. Моттигерча шедоалдара органашка, къаьстта паччахьалкхен полномочеш кхоачашъеча хана йола бокъонаши декхараши

1. Моттигерча шедоалдара органий, къаьстта паччахьалкхен полномочеш кхоачашъеча хана бокъо йолаш я:

1) къаьстта паччахьалкхен полномочеш кхоачашъяра финансови Iалашо хьаэца, ГIалгIай Республика бюджетера моттигерча бюджеташта луча субвенцейх;

2) ГIалгIай Республика кхоачашдара Iаьдала органашкара, къаьстта паччахьалкхен полномочеш кхоачашъяра хьакъехьа дола довзийтараш хьаэца;

3) шоашка дIаенна къаьстта паччахьалкхен полномочеш кхоачашъеча хана, совнагIа долча шоай финансови средстваехи рузкъахи пайда эца, муниципальни образоване уставаца белгалъяьккхача аргIах а моттигашка а;

4) къаьстта паччахьалкхен полномочеш кхоачашъярца бувзам бола а ер Закон кхоачашдарца а ювзаенна муниципальни бокъон акташ тIаэца;

5) къаьстта паччахьалкхен полномочеш кхоачашъеча ханачухь хьахинна толхадараш дIадахарах йола, ГIалгIай Республика паччахьалкхен Iаьдала органий йоазон предписанеш судебни аргIанца лодкъае.

Моттигера шедоалдара органашка, Российски Федераце законодательстваца а ГIалгIай Республика законодательстваца а нийса, къаьстта паччахьалкхен полномочеш кхоачашъеча хана кхыйола бокъонаш а хилар могаду.

2. Къаьстта паччахьалкхен полномочеш кхоачашъеча ханачухь, моттигера шедоалдара органаш декхарийла я:

1) къаьстта паччахьалкхен полномочеш йизза кхоачашъе, укх Законо а ГIалгIай Республика къаьстта паччахьалкхен полномочеш кхоачашъярца бувзам болча, кхыйолча бокъон акташца а нийса;

2) ГIалгIай Республика бюджетера, къаьстта паччахьалкхен полномочеш кхоачашъе хьаденнача финансови средстваех овсаре, кхом-хьурмат долаш, целевой пайда эцар;

3) къаьстта паччахьалкхен полномочеш кхоачашъеча ханачухь хьахинна толхадараш, дIадахарах йола, ГIалгIай Республика паччахьалкхен Iаьдала органий йоазон предписанеш йизза кхоачашъяр;

4) ГIалгIай Республика кхоачашдара Iаьдала органашка, къаьстта паччахьалкхен полномочеш кхоачашъярахи цу декхарашца бувзам болча финансови средстваех пайда эцарахи бола, дIа ца белча баргбоаца хоам дIабалар;

5) къаьстта паччахьалкхен полномочеш кхоачашъеча хана, Российски Федераце законодательстваца а ГIалгIай Республика законодательстваца а нийса белгалдаь, кхыдола декхараш кхоачашдар.

Статья 5. Моттигерча шедоалдара органий, къаьстта паччахьалкхен полномочеш кхоачашъеча хана йола бокъонаши декхараши

1. ГIалгIай Республика паччахьалкхен Iаьдала органий бокъо я:

1) моттигерча шедоалдара органаша къаьстта паччахьалкхен полномочеш кхоачашъяра хьакъехьа, шоай компетенце даькъе боарама бокъон акташ тIаэца а уж кхоачашъярах тIахьожам лоаттабе а;

2) моттигерча шедоалдара органашта къаьстта паччахьалкхен полномочеш кхоачашъяра балхаш дIахьош, методически новкъостал дар;

3) моттигерча шедоалдара органашка дIаенна къаьстта паччахьалкхен полномочеш кхоачашъяра балхаш дIахьоши иштта цу деша хьахьожадаьча финансови средстваех пайда эцараи тIахьожам лоаттабар;

4) оттаяьча аргIанца нийса, моттигерча шедоалдара органашка дIаенна, къаьстта паччахьалкхен полномочеш кхоачашъеш, цар дIадахача финансови средстваех бола, ца хилча баргбоаца хоам хьаэца.

5) моттигерча шедоалдара органаша, къаьстта паччахьалкхен полномочеш кхоачашъерах бола хоам хьа ца белча, ханнахьа ца луш битача е хьа ца луш духьале йича, тохкам бар вIаштIехьадаьккхар а дIабахьар а.

ГIалгIай Республика паччахьалкхен Iаьдала органий, моттигерча шедоаладара органаша къаьстта паччахьалкхен полномочеш кхоачашъеча хана хилар могаду, Российски Федераце законодательстваца а ГIалгIай Республика законодательстваца а нийса белгалъяь, кхыйола бокъонаш я.

2. ГIалгIай Республика паччахьалкхен Iаьдала органий декхараш да:

1) моттигерча шедоалдара органашта къаьстта паччахьалкхен полномочеш кхоачашъе ца хилча даргдоаца финасови средстваш дIадала;

2) моттигерча шедоалдара органаша къаьстта паччахьалкхен полномочеш кхоачашъяра балхаш дIахьоши иштта цу деша хьахьожадаьча финансови средстваех пайда эцараи тIахьожам лоаттабар;

3) къаьстта паччахьалкхен полномочеш кхоачашъярах моттигерча шедоалдара органашта довзийтараш далеи методически новкъостал деи;

4) моттигерча шедоалдара органашта, цар къаьстта паччахьалкхен полномочеш кхоачашъяра балхашца дувзаденна балхаш дIахьош царна га-лоадам бе;

5) Российски Федераце законодательстваца а ГIалгIай Республика законодательстваца а нийса белгалъяь кхыдола декхараш кхоачашде.

Статья 6. Къаьстта паччахьалкхен полномочеш кхоачашъеча хана ца хилча даргдоаца средстваш

1. Моттигерча шедоалдара органашта къаьстта паччахьалкхен полномочеш кхоачашъяра балхаш дIадахьара декхарашта, хIара шера ГIалгIай Республика аргIанарча финансови шера бюджетах долча, ГIалгIай Республика закона тIа ахчаш белгалду, субвенцей кепе долаш.

2. Моттигерча шедоалдара органашта, къаьстта паччахьалкхен полномочеш кхоачашъяра балхаш дIадахьара декхарашта ца хилча даргдоаца финансови средствай юкъара боарам белгалбу, укх Закона тIатохарца йолча методикаца нийса.

3. Моттигерча шедоалдара органашта, къаьстта паччахьалкхен полномочеш кхоачашъяра балхаш дIадахьара эшача рузкъан средствай перечень белгалъю, ГIалгIай Республика Правительствас, моттигерча шедоалдара органаша хьаденнача хетарий кIийлен тIа.

4. Моттигерча шедоалдара органашта дийхка да, къаьстта паччахьалкхен полномочеш кхоачашъяра балхаш дIадахьара хьаденна финансовии рузкъани средстваш, кхыча декхарашта пайда эца дIахьожаде.

Статья 7. ГIалгIай Республика паччахьалкхен Iаьдала органашеи моттигерча шедоалдара органашеи цхьана къахьегара кепаш

1. ГIалгIай Республика Правительствос кхоачо ю вIаштIехьдаккхара, методически кулгалдара а моттигерча шедоалдара органашка декхар даь къаьстта паччахьалкхен полномочеш кхоачашъяра тIахьожам лоаттабар а.

2. ГIалгIай Республика Правительствос тIахьожам лоаттабу, моттигерча шедоалдара органашка къаьстта паччахьалкхен полномочеш кхоачашъяра дIаденнача финансови средстваех пайда эцара. ГIалгIай Республика Дешареи Iилмани министерства кара гIолла.

3. ГIалгIай Республика Правительствос тIахьожам лоаттабу, моттигерча шедоалдара органашка къаьстта паччахьалкхен полномочеш кхоачашъяра дIаденнача финансови средстваех пайда эцара. ГIалгIай Республика рузкъани лаьттани юкъ-моттигехи йолча министерства кара гIолла.

Статья 8. Моттигерча шедоалдара органаша къаьстта паччахьалкхен полномочеш кхоачашъярах отчетность дIаялара аргIа

1. Отчетни хан-юкъа тIехьа боагIача бетта итталагIча денал тIехьа а ца доаккхаш, ГIалгIай Республика Правительстве хIара бетта, хIара кварталах а хIара шера а отчет дIалу къаьстта паччахьалкхен полномочеш кхоачашъярах, ГIалгIай Республика Правительствес оттаяьча кепа боараме.

2. Моттигерча шедоалдара органаша, ГIалгIай Республика Дешареи Iилмани министерствага дIалу, къаьстта паччахьалкхен полномочеш кхоачашъе хьаденнача финансови средстваех пайда эцарах йола отчетность, ГIалгIай Республика консолидированни бюджет кхоачашдара йолча кепе.

Стаатья 9. Моттигерча шедоалдара органаша, шоашка дIаенна къаьстта паччахьалкхен полномочеш кхоачашъелга соцадара хьалаши аргIеи

1. Моттигерча шедоалдара органаша, шоашка дIаенна къаьстта паччахьалкхен полномочеш кхоачашъелга соцадар могаду, нагахьа санна федеральни закон, ГIалгIай Республика закон низаца чIоагI а денна, бахьан из долаш къаьстта паччахьалкхен полномочеш кхоачашъе аьттув ца хилча.

2. Къаьстта паччахьалкхен полномочеш кхоачашъелга ГIалгIай Республика законаца соцадар а ханна соцадар а могаду, цхьан е массехк муниципальни образованей хьакъехьа, Iобелгалдаьча бахьанех:

1) нагахьа санна моттигерча шедоалдара органаша, укх Законо дIадехараш толхадар гучадаьха моттигаш хилча;

2) нагахьа санна моттигерча шедоалдара органаша, паччахьалкхен полномочеш кхоачаш ца яр оттаме дикагIа хилча;

3) нагахьа санна, моттигерча шедоалдара органаша, къаьстта паччахьалкхен полномочеш кхоачашъяр оттаме мегаш ца хилча.

4) Российски Федераце законодательстваца а ГIалгIай Республика законодательстваца а нийса, кхыйолча кIийленаш тIа.

3. Моттигерча шедоалдара органаша, паччахьалкхен полномочеш кхоачашъе шоашка дIаденна финансови средстваши рузкъеи юхадалара аргIа белгалъю, моттигерча шедоалдара органаша къаьстта паччахьалкхен полномочеш соцаярах е ханна соцаярах долча, ГIалгIай Республика законаца къаьстта паччахьалкхен полномочеш кхоачашъелга соцадар могаду.

Статья 10. Моттигерча шедоалдара органий а цар даржашкарча наха а къаьстта полномочеш кхоачаш ца ярах е йизза кхоачаш ца ярах бола бехктокхам

Моттигерча шедоалдара органаша а цар даржашкарча наха а укх Законо дIаенна къаьстта паччахьалкхен полномочеш кхоачаш ца ярах е йизза кхоачаш ца ярах бехктокхаме овтт Российски Федераце законодательстваца нийса.

Статья 11. Ер закон низаца чIоагIдалар

Ер Закон низаца чIоагIденна болх бе долалу, 2024 шера наджгоанцхой бетта 1 дийнахьа денз.

ГIалгIай Республика

Мехкда                                   Келаматнаькъан М.М.

г. Магас

2023 шера «29» ди 2023 шера оагIой бетта

№84-РЗ