«ГIалгIай Республике къахьегам лорабарах долча» ГIалгIай Республика Закона 4 а 6 а статьяшка хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                         2026 шера тушола бетта 26 ди

Статья 1 

  «ГIалгIай Республике къахьегам лорабарах долча» 2015 шера ардара бетта 6 дийнахьарча №46-РЗ йолча ГIалгIай Республика Закона (Официальни бокъон хоама интернет-портал (www.pravo.gov.ru), 2015 шера ардара бетта 7 ди; интернет-газет «ГIалгIайче» (www.gazetaingush.ru), 2023 шера бекарга бетта 6 ди, аьтинга бетта 27 ди) юкъехьо Iобелгалдаь хувцамаш:

  1)  4 статьяй   3 даькъе:

а) 2 пункт  Iобелгалъяьча  редакце дIаязъе:

  «2) къахьегам лорабара а цун хьалаш тоадара йола ГIалгIай Республика паччахьалкхен программаш вIашагIйохкар е къахьегам лорабара а цун хьалаш тоадара а йола мероприятеш вIашагIйохкар, уж ГIалгIай Республика паччахьалкхен программашта юкъеяхьара, уж белгалъяь программаши мероприятеши кхоачашъяра тIахьожам лоаттабара кхоачо яр, цар овсарле йолча гойтамашка кхачари  чаккхен куцаш хилийтари;»;

б) 5 пункт  Iобелгалъяьча  редакце дIаязъе:

«5) ГIалгIай Республика доазон тIа оттаяьча аргIанца нийса къахьегам лорабар дIадахьара координаци лелаяр;»;

2) 6 статье:

а) 2 даькъе дешаш  «, къахьегам лорабара аргIа йола кийчо яь а балха поалхам йола а» дIадаха;

б) 4 дакъа Iобелгалъяьча редакце дIаязде: 

«4. Организаце къахьегам лорабара служба структура  а къахьегам лорабара служба болхлой дукхала таьрахь а белгалду болхлушволчо, къахьегама  даькъе паччахьалкхен политика а боарама-бокъон дIа-хьа нийсдара а йолча кхоачашдара Iаьдала федеральни органо, социально-къахьегама юкъ-моттигаш дIа-хьа нийсъяра Российски кхаь оагIон комиссена хетарий терко а еш.»;

в)  5 дакъа Iобелгалъяьча редакце дIаязде: 

«5. Нагахьа санна укх статьяй 3 даькъе белгалваьча  болхлушволчун  къахьегам лорабара служба, къахьегам лорабара аргIа йола дешар а Iомадаь говзанча ца хилча, цар декхараш кхоачашду болхлушволчо - индивидуальни предприниматела (ше), организаце кулгалхочо, болхлушволчо викал ваьча кхыволча болхлочо, организаце е индивидуальни предприниматело, къахьегам лорабара даькъе услугаш еш, болхлушволчо  гражданско-бокъон договораца тIаувзаш болча. Къахьегам лорабара услугаш лу организаци е индивидуальни предприниматель Российски  Федераце Правительствос оттадаьча дIадехарашта а Российски  Федераце Правительствос отта ма дарра  аккредитовани яь а хила беза.».

 Статья 2

Ер Закон низаца чIоагIденна болх бе долалу, ер официально  кепатеха итт ди чакхдаьннача дийнахьа денз.

ГIалгIай Республика

Мехкда                                                 Келаматнаькъан М. М.

         г. Магас

2026 шера «10» ди бекарга бетта

         №17-РЗ