«Бойлахь диссача берашта а даьй-ноаной доал доацаш диссача берашта а социальни новкъостал дарах долча» ГIалгIай Республика Закона хувцамаш юкъедахьара хьакъехьа

ТIаийцад

ГIалгIай Республика                      Халкъа Гуллама 2026 шера тушола бетта 26 ди                       

Статья 1

«Бойлахь диссача берашта а даьй-ноаной доал доацаш диссача берашта а социальни новкъостал дарах долча» 2007 шера тов бетта                    14 дийнахьарча №31-РЗ йолча ГIалгIай Республика Закона (газет «ГIалгIайче», 2007 шера тов бетта 20 ди; 2009 шера кIимарса бетта 28 ди; 2011 шера ардара бетта 6 ди; 2013 шера лайчилла бетта 7 ди; 2014 шера аьтинга бетта 7 ди, лайчилла бетта 8 ди; Официальни бокъон хоама  интернет-портал (www.pravo.gov.ru), 2015 шера аьтинга бетта 1 ди; 2017 шера маьтсела бетта 2 ди, оагIой бетта 20 ди; интернет-газет «ГIалгIайче» (www.gazetaingush.ru), 2018 шера аьтинга бетта 13 ди; 2020 шера тушола бетта 2 ди; 2021 шера аьтинга бетта 24 ди; 2023 шера наджгоанцхой бетта  11 ди, тушола бетта 22 ди, оагIой бетта 29 ди) юкъехьо Iобелгалдаь хувцамаш: 

1) 5 статьяй 4 даькъе дешашта «Херсонски областа» тIехьа тIатохар де дешашца  «а (е) Российски Федераце Паччахьалкхен доазон тIа а доазон уллуврча а моттигашка тIаоттача Российски Федераце субъекташка,  Украина, Донецки Халкъа Республика, Лугански Халкъа Республика, Запорожски областа, Харьковски областа доазонаш тIа герзашца яьча  провокацена духьала Российски Федераце доазон тIа лаьрххIа тIема операци дIахьоча  декхараш кхоачашдеча хана»;

2)  51 статье: 

а)  1   дакъа Iобелгалъяьча  редакце дIаязде:

«1. Берашта – заIапхошта  а, даьй-ноаной доал доацаш диссача берашта а, берех – заIапхойх  а, даьй-ноаной доал доацаш диссача берех а болча наха къахьегара га-лоадам бар, цу даькъе социальни новкъостал дара ахчаш далар а, кхоачашду бахархой къахьегамах долча  законодательствоца нийса.»;

б) 3 дакъа ший низ дIабаьнна лархIа;

3) 71 статья дIаязъе Iобелгалъяьча редакце:

«Статья 71. Социальни новкъостал дарах хоам барца новкъостал  лоаттадар

«Бойлахь диссача берашта а даьй-ноаной доал доацаш диссача берашта,  бойлахь диссача берех  а даьй-ноаной доал доацаш диссача берех болча наха, деша дагIача хана даьйи ноанойи  боацаш биссарех болча,  царех цаI  воацаш  биссача нахах болчарна  совнагIа социальни новкъостал дарах бола хоам  укх Законаца нийса чуоттабу паччахьалкхен хоам бара системе чуйоагIача «ЦаI йолча социальни даькъерча централизованни цифровой платформа». Белгалбаь хоам ЦаI йолча социальни даькъерча централизованни цифровой платформе чуоттабар (хьаэцар) кхоачашду «Паччахьалкхен социальни новкъосталах долча» 1999 шера кIимарса бетта 17 дийнахьарча №178-ФЗ йолча Федеральни законаца нийса.

Бойлахь диссача берашта, даьй-ноаной доал доацаш диссача берашта,  бойлахь диссача берех  а даьй-ноаной доал доацаш диссача берех болча наха, деша дагIача хана даьйи ноанойи  боацаш биссарех болча,  царех цаI воацаш биссача нахах бараш цу тайпара лархIарах долча сведенешта учет елга кхоачашду паччахьалкхен хоам бара системе чуйоагIача «ЦаI йолча социальни даькъерча централизованни цифровой платформа» аргIа йолча соцамашта регистраци а еш.

Лостам бола вахара фусам доалахьа хьаэцара ахча даларах е договор оттадаь фусам эца хьаденна кредит (заем) бIарчча дIадоадар, цунца заемщико тIаийца декхараш ипотеках хиларца, «Бойлахь диссача берашта а даьй-ноаной доал доацаш диссача берашта а социальни новкъостал дара тешам баларах долча» Федеральни закона 81 статьяйца нийса чуоттабу паччахьалкхен хоам бара системе «ЦаI йолча социальни даькъерча централизованни цифровой платформа», укх статьяй цхьоалагIча абзацаца нийса.».

Статья 2

Ер Закон низаца чIоагIденна болх долалу, ер официально кепатеха  итт ди чакхдаьннача дийнахьа денз.

ГIалгIай Республика

          Мехкда                   Келаматнаькъан М.М.

 г. Магас

2026 шера «10»  ди бекарга бетта 

  №18- РЗ