ГIалгIай Республика Закон №88-РЗ 2023 шера оагIой бетта 29 ди
ГIалгIай Республика цхьайолча законодательни акташта хувцамаш юкъедахьара хьакъехьа
ТIийцад
ГIалгIай Республика
Халкъа Гуллама 2023 шера оагIой бетта 26 ди
Статья 1
«Атмосферни фо лорадарах долча», 2009 шера маьтсела бетта 7 дийнахьарча №20-РЗ йолча ГIалгIай Республика Закона (Официальни бокъон хоама интернет-портал (www.pravo.gov.ru), 20I6 шера аьтинга бетта 2 ди; 2020 шера бекарга бетта 2 ди) юкъехьо Iобелгалдаь хувцамаш:
1) 3 статье:
а) 3 пункте дош «зене яраш» дIадаха;
б) 6 пункте дош «Iаламан» дIадаккха;
в) 7 пункте дош «Iаламан» дIадаккха;
2) 6 статья Iобелгалъяьча редакце дIаязъе:
«Статья 6. Амосферни фен дикала гигиенически нормативаш, гонахьарча средана атмосферни фен дикала боарамаши атмосферни фена беш болча физически Iодкъама тIехдола боарамаш
1. Сага могашала а гонахьарча средана а бIеха веществаш, физически фактораш кхераме ца хилара а (е) зе доалаш ца хилара а белгалдара декхарашта, иштта астмосферни фен хьал миштад мах хоадабара, атмосферни фен гигиенически боарамаш оттаду, гонахьарча средан атмосферни фен дикала боарамаш оттаду, иштта оттаду атмосферни фена физически Iодкъам бара тIехдолча боарамий куцаш а.
2. Атмосферни фен хьал миштад мах хоадабара, атмосферни фен гигиенически боарамаш оттадар, гонахьарча средан атмосферни фен дикала боарамаш оттадар, иштта атмосферни фена физически Iодкъам бара тIехдолча боарамий куцаш оттадар а цIаькха белгалдахари кхоачашду Российски Федераце Правительствос белгалъяьча аргIанца нийса.»;
3) 7 статье:
а) статьяй цIи Iобелгалъяьча редакце дIаязъе:
«Статья 7. Амосферни фена хьакъехьа гонахьарча средана Iодкъам бара боарамаш
б) 1 даькъе:
цхьоалагIа абзац Iобелгалъяьча редакце дIаязъе:
«1. Сага могашала а гонахьарча средана а зене Iодкъам ца хилийтара декхарашта, атмосферни фен хьакъехьа оттаду могадеш дола, Iобелгалдаь боарамаш:»;
кхоалагIча абзаце дош «зене» дIадаккха;
в) 5 даькъе дош «зене» дIадаккха;
4) 7/1 статье:
а) цIераца дош «зене» дIадаккха;
б) 2 даькъе дешаш «Зене бола физически Iодкъам» хувца дешашца «Физически Iодкъам»;
в) 3 даькъе дош «зене» дIадаккха;
5) 8 статьяй 2 даькъе дош «кIезигдара» хувца дешаца «лохдара»;
6) 9 статья Iобелгалъяьча редакце дIаязъе:
«Статья 9. Производстваи пайда эцареи отходашца къахьегача
хана, бIехду веществаш аратувсара боарамаш дIа- хьа нийсдар
Юридически лицашеи индивидуальни предпринимателашеи къахьегача хана, бахьан из долаш атмосферни фена дикала, во Iодкъам бу производстваи пайда эцареи отходаш хьаIовш хилча, физически лицаш декхарийла ба, цу отходашца болх беча хана, «Производстваи пайда эцареи отходех долча», 1998 шера аьтинга бетта 24 дийнахьарча, №89-ФЗ йолча Федеральни законаца нийса къахьега.»;
7) 4 керта цIераца дешаш «зене йола» хувца дешашца «во йола»;
8) 14 статье:
а) цIераца дешаш «зене йола» хувца дешашца «во йола»;
б) статьяй текстаца дешаш «зене йола» дIадаха;
9) 15 статье:
а) цIи Iобелгалъяьча редакце дIаязъе:
«Статья 15. Атмосферни фега веществаш аратувса а бIехду веществаш аратувса моттигашта инвентаризаци яр
б) 1 дакъа Iобелгалъяьча редакце дIаязде:
«1. Юридически лицаша а индивидуальни предпринимателаша а, гонахьарча средана во Iодкъам бу, боахама а (е) кхыбола къахьегам дIахьош хилча, атмосферни фега веществаш аратувсача а бIехду веществаш аратувсача а моттигашта инвентаризаци дIахьу, цу юкъе стационарни а дIа-хьа хьош йолча а источникех яраш а йолаш, объекте гонахьарча средана во Iодкъам беш (нагахьа санна хилча) хадданза е ха йилла эксплуатаци еш (болх беш хилча) документировать а дий лорадеш ухкаду цу тайпара инвентаризаци а корректировка а ярах дола сведенеш.»;
в) тIатохар де Iобелгалбаь чулоацам болча 5 даькъаца:
«5. Атмосферни фо бIехдеш йола (нагахьа санна хилча), стационарни е дIа-хьа хьош йолча, хадданза е ха йилла, гонахьарча средана во Iодкъам беш йолча объекта эксплуатаци еш хилча (болх беш хилча), из документировать а дий лорадеш ухкаду, цу тайпара инвентаризаци а корректировка а ярах дола сведенеш, царех пайда эц ГIалгIай Республика кхоачашдара Iаьдала органаша, атмосферни фо бIехдарах йола сводни расчеташ еча хана.»;
10) 18 статья Iобелгалъяьча редакце дIаязъе:
«Статья 18. Атмосферни фо лорадара даькъе производственни экологическии тIахьожам лоаттабар
1. Атмосферни фо лорадара даькъе производственни экологический тIахьожам лоаттабар кхоачашду, I, II и III категорейх йола объекташка веществаш аратувсара объекташ тIайолча боахама а (е) кхыбола къахьегам дIахьоча юридически лицаша, индивидуальни предпринимателаша.
2. Атмосферни фо лорадара даькъе производственни экологически тIахьожам лоаттабар да, производственни экологически тIахьожама оттама дакъа.
3. Атмосферни фо лорадара даькъе производственни экологически тIахьожам лоаттабар кхоачашдеш хьахинна, атмосферни фо бIехдара бокъонца болча боарамах е дозалах дола сведенеш белгалдоах, производственни экологически тIахьожам лоаттабар кхоачашдар Iалашдарахи из кхоачашбарахи, гонахьара среда лорадарах долча законодательствоца нийса.»;
11) 19 статье:
а) цIерца дешаш «лорадара тIахьожам лоаттабар» хувца дешашца «лорадара даькъе экологически тIахьожам лоаттабар»;
б) статьяй текстаца дешаш «лорадара тIахьожам лоаттабар» хувца дешашца «лорадара даькъе экологически тIахьожам лоаттабар»;
12) 21 статье:
а) 1 даькъе:
1 пункте дешаш «зене йола» дIадаха;
3 пункте дешаш «зене йола» хувца дешашца «во йола»;
б) 3 даькъе дешаш «зене йола» дIадаха;
13) 22 статьяй I даькъе:
а) 1 пункте дешаш «зене йола» дIадаха;
б) 2 пункт ший низ дIабаьнна лархIа;
в) 6 пункт Iобелгалъяьча редакце дIаязъе:
«6) атмосферни фега аратувсача зенерча веществай а уж хьайоалача моттигий а учет лелаяр, атмосферни фо лорадара даькъе производственни экологически тIахьожам лоаттабар;»;
г) 7 пункт Iобелгалъяьча редакце дIаязъе:
«7) газ цIенъяра установкашта эксплуатаци яра бокъонаш лораяра атмосферни фега бIехду веществаш аратувсара боарама тIахьожам бара средствашта тIахьожам лоаттабар;»;
д) 8 пункте дешаш «зене йола» хувца дешашца «во йола»;
е) 9 пункт пункт ший низ дIабаьнна лархIа;
ж) 10 пункт Iобелгалъяьча редакце дIаязъе:
«10) гонахьара среда лорадара кхоачашдара Iаьдала федеральни органа а цун доазон органий а кхыйолча кхоачашдара Iаьдала федеральни органии цар доазон органии даржашкарча наха белгалдаьха, Российски Федераце, законодательствос а ГIалгIай Республика законодательствос а дIадехараш толхадича, уж дIадоахаш къахьега;»;
з) тIатохар де Iобелгалбаь чулоацам болча 111 и 112 пункташца:
«111) ГIалгIай Республика кхоачашдара Iаьдала органага дIалу, цо дIадехарах, атмосферни фо бIехдеш аратувсараш а бехдеш йола веществаш аратувсаш а объекташка инвентаризаци ярах хьахиннача чаккхенех, цу даькъе стационарни латтараша а дIа-хьа хьош йолчар а аратувсараш а йолаш хьахиннадола сведенеш, цу инвентаризацена корректировка еш, гонахьарча средана во Iодкъам беш йола, атмосферни фо бIехдарах йола сводни расчеташ а ергйолаш;»;
112) гонахьарча средана во Iодкъам беш йолча объекта, цига йолча во Iодкъам бу веществаш аратувсаш йолча объекташка тIакхача аьттув бала беза, ГIалгIай Республика паччахьалкхен органа, ГIалгIай Республика паччахьалкхен органа тешшаме бакъдергдолаш, во Iодкъам бу веществаш, атмосферни фега бIеха веществаш аратувсарах инвентаризаци яра бахьан долаш, цу хьакъехьа мелдарех юридически лицаша, индивидуальни предпринимателаша атмосферни фо бIехдарах йола сводни отчеташ дIахьоргйолаш, Российски Федераце паччахьалкхен къайленах долча законодательства терко а еш;»;
и) 12 пункт Iобелгалъяьча редакце дIаязъе:
«12) оттаяьча аргIанца нийса, гонахьара среда лорадара, паччахьалкхен политика а боарама – бокъонца а дIа-хьа нийсдара йолча кхоачашдара Iаьдала уполномоченни федеральни органо, Российски Федераце Правительствос уполномочить даь, федеральни паччахьалкхен экологически тIахьожам (бIаргаIунал) дара федеральни паччахьалкхен атомни энергех пайда эцара бIаргаIунал дара, кхерамзле Iалашъяра кхоачашдара Iаьдала федеральни органа а ГIалгIай Республика а паччахьалкхен политика хьаяра а кхоачашъяра а уполномоченни йолча кхоачашдара Iаьдала федеральни органа, ГIалгIай Республика региональни паччахьалкхен экологически тIахьожам (бIаргаIунал) дара уполномоченни йолча органа, ший ханнахьа, атмосферни фо лорадарах бизза а бакъбола а хоам дIабала беза;».
Статья 2
«Гонахьарча среда лорадарах долча» 2009 шера аьтинга бетта 30 дийнахьарча, №28-РЗ йолча ГIалгIай Республика Закона (газет «ГIалгIайче», 2009 шера кIимарса бетта 4 ди; 2013 шера лайчилла бетта 7 ди; 2014 шера лайчилла бетта 8 ди; 2015 шера тушола бетта 5 ди; Официальни бокъон хоама интернет-портал (www.pravo.gov.ru), 2016 шера маьтсела бетта 6 ди; 2017 шера оагIой бетта 29 ди; 2018 шера аьтинга бетта 5 ди; 2021 шера тушола бетта 4 ди) юкъехьо Iобелгалдаь хувцамаш;
1) преамбуле дош «боахама» хувца дешашца «экономически (боахама)», дешаш «гонахьара Iаламан среда» хувца дешашца «Iаламан среда, гонахьарча средан керттера оттам санна»;
2) 6 статье:
а) 12 пункте дешаш «тIахьожама (бIаргаIунала)» хувца дешаца «бIаргаIунал»;
б) тIатохар де Iобелгалбаь чулоацам болча I8 а I9 а пункташца:
«18) гонахьарча средана хьаIоаяь зене объекташ гучаяхар;
19) гонахьарча средана хьаIоадаь зе дIадаккхар Iалашдар.»; 3) 7 статьяйна тIатохар Iобелгалбаь чулоацам болча 3 даькъаца:
«3. Моттигерча дешаех лоархIаш да гонахьарча средана хьаIоаяь зене объекташ гучаяхари гонахьарча средана хьаIоадаь зе дIадаккхари, аргIа йолча муниципальни образоване доазон хьакъехьа, цун доалахьа долча доакъой доазонашца.»;
4) 10 статьяй 2 даькъа 7 пункт Iобелгалъяьча редакце дIаязъе:
«7) гонахьарча средана, кхоачашданза даргдоаца дIадехараш кхоачаш ца дарах хинна зе, меттаоттаде аьнна суде искаш яла;»;
5) 14 статья Iобелгалъяьча редакце дIаязъе:
«Статья 14. Гонахьара среда лорадара декхарашта боахама (е) кхыбола къахьегам дIахьоча паччахьалкхен новкъостал дар
1. Гонахьара среда лорадара даькъе боахама (е) кхыбола къахьегам дIахьоча паччахьалкхено новкъостал ду, юридически лицашта а индивидуальни предпринимателашта а.
2. Гонахьара среда лорадара даькъе боахама (е) кхыбола къахьегам дIахьоча паччахьалкхено новкъостал дар кхоачашду Iобелгалдаьча наькъашца:
1) гонахьарча средана хулаш бола во Iодкъам кIезигберболаш, тIакхоачеярех дикагIйола технологеш юкъейоалаяра, инвестиционни къахьегам бара га-лоадам лелабари кыдола аьттонаш лахари;
2) гонахьара среда лорадара хьакъехьа дешара къахьегари гонахьарча средана хулаш бола во Iодкъам кIезигберболаш хоам бара новкъостал дараи га-лоадам лелабари;
3) юхаметтаотта энерги ялара таронаш, шозлагIара ресурсаш пайда эцаш лелаяра новкъостал дар, гонахьара среда бIехдалара тIахьожам лоаттабара керда куцаш белгалдахари гонахьара среда лорадара овсаре аьттонаш лахари, Российски Федераце законодательствоца нийса.
3. Гонахьарча средана хулаш бола во Iодкъам кIезигберболаш, тIакхоачеярех дикагIйола технологеш юкъейоалаяра га-лоадам лелабара а кыдола аьттонаш лахара а паччахьалкхен новкъостал дар кхоачашдар могаду укх тайпара:
1) Российски Федераце налогехи сборехи долча законодательствоца оттаяьча аргIанца нийса, налогови льготаш ялар;
2) гонахьарча средана во Iодкъам бара хьакъехьа мах балара даькъе льготаш ялар, Федеральни законаца отта ма дарра а цунца нийса тIаийцача Российски Федераце боарама бокъон акташца а нийса;
3) федеральни бюджетера а Российски Федераце субъектий бюджеташкара а ахчаш далар, Российски Федераце бюджетни законодательствоца нийса.
4. Укх статьяй 3 даькъаца нийса паччахьалкхен новкъостал ду Iобелгалъяь мероприятеш кхоачашъйича:
1) тIакхоачеярех дикагIйола технологеш юкъейоалайича;
2) проектировани, гIишлош йича, реконструкци:
а) гобахара а дIа ца дода ахий диллар а;
б) хий къоастадара централизованни системаш (канализаци), канализационни сетеш, локальни (боахама а (е) кхыболча къахьегама а къаьсттача объектий) гIишлоний а устройствай а сточни, цу даькъе дренажни хиш цIендара, коача бытовой отходаш цIаькха чакхъяхара а сточни хих диссараш а цIендеш;
в) аратувсаш йола бехду веществаш хьалацара а царна утилизаци яра а, атмосферни фега аратувсалехьа хьалхагIа газаш термически чакх а йоахаш цIен а еш йола гIишлонаши установкаши;
3) установка:
а) доагор дагара боарамий дикал тоаю кхоачам;
б) производстваи пайда эцареи йолча отходех пайда эцар, транспортировать дари зене хургйоацаш чакхъяхари;
в) сточни хин оттама, боарама е дозала тIахьожам лоаттабара автоматизированни система, лаборатореш хилар;
г) бIехдеча веществай оттам, боарам е дозал белгалдара тIахьожам лоаттабу автоматизированни системаш, лаборатореш (стационарни а дIа-хьа лела а);
д) гонахьарча среда хьал, цу даькъе Iаламан среда компоненташ а йолаш, белгалдара тIахьожам лоаттабу автоматизированни системаш, лаборатореш (стационарни а дIа-хьа лела а);
4) попутни мехкдаьтта газах овсаре пайда эцара Iалашо яр.
5. ГIалгIай Республика законашца могаду, гонахьара среда лорадара декхарашта боахама а (е) кхыбола а къахьегам дIахьоча хана, паччахьалкхен новкъостал дара кхыдола куцаш дар, ГIалгIай Республика бюджета ахчаех.»;
6) 16 статья Iобелгалъяьча редакце дIаязъе:
«Статья 16. Гонахьара среда лорадара даькъе долча боарамий кIайленаш
1. Гонахьара среда лорадара даькъе дола боарамаш кхоачашду, гонахьара среда дика хилийтара а экологически кхерамзле Iалашъяра а тешам луш, боахама а (е) кхыбола а къахьегам кхоачашбеш, гонахьарча средана цун Iодкъам ца хилийтара а (е) лаьгIбара а.
2. Гонахьара среда лорадара даькъе дола боарамаш кхоачашдарца да гонахьарча средай дикала боарамаш оттадара, боахама а (е) кхыбола къахьегам дIахьош гонахьарча средана Iодкъам бара могаду боарамаш белгалдара.
3. Гонахьара среда лорадара боарамаш вIашагIтохаршта юкъе да:
1) гонахьара среда лорадара боарамаш, кIийле йолаш хилийтара Iилман-тохкама балхаш дIадахьар;
2) гонахьара среда лорадара боарамий кIийленаш отттаяр е боарамаш хувцар;
3) гонахьара среда лорадара боарамий кIийленаш дIачIоагIъяр а нахала яхар а оттаяьча аргIанца нийса
4) гонахьара среда лорадара боарамаш оттадича экологически, социальни, экономически тIехьлений мах хоадабари прогнозировани яри.»;
7) 17 статья Iобелгалъяьча редакце дIаязъе:
«Статья 17. Гонахьарча средай дикала боарамаш
1. Гонахьарча средай дикала боарамаш оттаду, гонахьарча средай хьал миштад хьожаш мах хоадабе, сага вахара хьала уж мегаш хургдолаш, Iаламан ресурсех овсаре пайда эцаргболаш, ше-шегIа йола экологически системаш, баьцовгIий, дийнатий, кхыйолча организмай генетически фонд лораергъйолаш.
2. Гонахьарча средай дикала боарамаш дIалоархIаш да:
1) гонахьарча средай хьала химически гойтамий боараме оттадаь, цу даькъе могадеш долча боарамий тIехдола боарамаш а долаш;
2) гонахьарча средай хьала физически гойтамий боараме оттадаь, цу даькъе радиоактивни боарамаш а долаш;
3) гонахьарча средай хьала биологически гойтамий боараме оттадаь, цу даькъе баьцовгIай тоабайи тайпайи, дийнатий а гонахьарча средай дикала индикатораш санна пайда эцача дийнатий а;
4) гонахьарча средай дикала кхыдола боарамаш.
3. Гонахьарча средай дикала боарамаш оттаду, лабораторни испытаней чаккхений кIийлен тIа, иштта доазонаш тIеи акватореш тIеи латта хьал тахкарца.
4. Гонахьарча средай дикала боарамаш оттадеш пайда эц, аргIа йолча дустара методикех (методех), индикацеи тестированеи куцашца;
5. Гонахьарча средай дикала боарамаш вIаштIехьдоахаш, оттадеши юха кердадоахаш йола аргIа дIаоттаю, Российски Федераце Правительствос.»; 8) 21 статьяй 1 даькъе дешаш «боахама къахьегама а кхыболча къахьегама а субъекташ» хувца дешашца «юридически лицаши индивидуальни предпринимателаши»;
9) 23 статья Iобелгалъяьча редакце дIаязъе:
«Статья 23. Боахама къахьегам а кхыбола къахьегам а дIахьоча хана, гонахьара среда лорадара даькъе юкъара дIадехараш
1. Боахама къахьегам а кхыбола къахьегам а дIахьоча хана гонахьарча средана гадоахарг е духхьала во Iодкъам беш е бергболаш хилча, цу даькъе къахьегара кхоачашду гонахьара среда лорадара даькъе дIадехарашца нийса.
2. Укх статьяй 1 даькъе белгалбаь боахама къахьегам а кхыбола къахьегам а дIахьоча хана дIахьу, гонахьара среда лорадара мероприятеш, цу даькъе Iаламан среда лорадеш а меттаоттадеш а, Iаламан ресурсех овсаре пайда эцаш, экологически кхерамзле Iалашъеш, гонахьарча средана во Iодкъам хургбоацаши цу тайпарча къахьегама чаккхенах даьнна зе меттаоттадеши. Российски Федераце законодательствос белгалъяьча моттигашка лаьтташта рекультиваци е консерваци еш.»;
10) 8 корта Iобелгалъяьча редакце дIаябе:
«Корта 8. Паччахьалкхен экологически мониторинг (гонахьарча средана паччахьалкхен мониторинг)
Статья 28. Паччахьалкхен экологически мониторинг дIаяхьар (гонахьарча средана паччахьалкхен мониторинг дIаяхьар)
Паччахьалкхен экологически мониторинг дIаяхьар (гонахьарча средана паччахьалкхен мониторинг дIаяхьар) кхоачашду, паччахьалкхен цаI йолча экологически мониторинг (гонахьарча средана паччахьалкхен мониторинга) боараме, ГIалгIай Республика паччахьалкхен Iаьдала кхоачашдара органаша, Российски Федераце законодательствос белгалъяьча компетенце боараме, тIахьажара сетеши хоам бара системаши хьа а еш, царга болх дIабахийта Iалашо а еш, цаI йолча паччахьалкхен экологически мониторинга (гонахьарча средана паччахьалкхен мониторинга) чуйоагIаш, иштта Российски Федераце Правительствос уполномочить даьча, паччахьалкхен фонда данней кхоачашдара Iаьдала федеральни органа.»;
11) 9 керте цIераца дош «бIаргаIунал» хувца дешашца «тIахьожам» («бIаргаIунал»);
12) 31 статье:
а) 1 даькъа 2 пункте дешаш «цун компоненташ а» дIадаха, тIатохар де дешашца «, иштта компенсационни мах хьабаккхара искаш а»;
б) 2 даькъе дешаш дешаш «цун компоненташ а» дIадаха, тIатохар де дешашца «, иштта компенсационни мах хьабаккхара искаш а»;
13) 32 статьяй 2 дакъа Iобелгалъяьча редакце дIаязъе:
«2. Боахама а (е) кхыбола къехьегам I, II, III категорейх йолча объекташка дIахьоча хана, юридически лицаша а индивидуальни предпринимателаша а вIаштIехьа а яьккхе дIачIоагIъю, производственни экологически тIахьожама программа, производственни экологически тIахьожам лоаттабу, оттадаьча дIадехарашца нийса, производственни экологически тIахьожам бара чаккхенех хьахиннача хоама документировани еш хьахинна даннеш лорадеш а ухкаду.»;
14) 34 статья Iобелгалъяьча редакце дIаязъе:
«Статья 34. Гонахьарча средана во Iодкъам беча объекташта паччахьалкхен учет лелаяр
1. Гонахьарча средана во Iодкъам беча объекташта паччахьалкхен учет лелаяр кхоачашду, гонахьарча средана во Iодкъам беча объектех бола бакъбола хоам хьаэцара декхарашта, тIакхоаче йолчарех дикагIъйолча технологейх пайда эцара куцаш белгалдахара духьа, программно-целевой методашта планироване лелае, паччахьалкхен экологически бIаргаIунал леладара планировани ергйолаш.
2. Гонахьарча средана во Iодкъам беча объекташта паччахьалкхен учет лелаяра юкъе да, цу даькъе, зене (бIеха) атмосферни фега аратувсарашта, атмосферни фега физически зене Iодкъам бара а уж хьахулача моттигашта а, атмосферни фе лорадарах долча, Российски Федераце законодательствоца нийса, иштта паччахьалкхен учет лелаяр, производстваи пайда эцареи даькъе хьахинна отходаш чакхъяхара, производстваи пайда эцареи даькъе хьахинна отходаш чакхъяхарах долча, Российски Федераце законодательствоца а ГIалгIай Республика а законодательствоца нийса.
3. Гонахьарча средана во Iодкъам беча объекташта паччахьалкхен учет лелаяр кхоачашду, гонахьарча средана во Iодкъам беча объектий реестр лелаяра кепе, из я паччахьалкхен хоам бара система, из вIашагIъйоллари лелаяри, хоамах, хоам бара технолгейхи хоам лорабарахи долча, Российски Федераце законодательствоца, кхыйолча боарама бокъон акташца нийса.
4. Гонахьарча средана во Iодкъам беча объектий реестра юкъе да:
1) гонахьарча средана во Iодкъам беча объекте, боахама а (е) кхыбола къахьегам а дIахьоча юридически лицо цIи, вIашагIтохара-бокъон кеп а адрес а (йола моттиг) е индивидуальни предприниматела тайпан цIи, цIи, даь (нагахьа санна яле), ваха моттиг, регистраци яь ха;
2) гонахьарча средана во Iодкъам бу объект бокъонцахь йолча моттигах, объекта категорех дола сведенеш;
3) боахама а (е) кхыболча къахьегамах, арахецача продукцен (товара) тайпаехи боарамахи, кхоачашдеча балхех, еча услугех дола сведенеш;
4) паччахьалкхен экологически экспертиза а (е) проектни документаце паччахьалкхен экспертиза чаккхенах а, уж дIахьоча хана белгал ма дарра дола сведенеш, градостроительни къахьегамах долча Российски Федераце законодательствос белгалъяьча моттигашка;
5) стационарни источникех, аратувсарий боарамех а (е) дукхалах а, бIехдеш йола веществаш Iояхийтара, призводстваи пайда эцареи отходех дола сведенеш;
6) гонахьарча средана дика боаца Iодкъам барах долча декларацейх, мах баларах дола сведенеш;
7) гонахьарча средана дика боаца Iодкъам барах комплексни экологически мукъа баларех, декларацейх дола сведенеш;
8) производственни экологически тIахьожама программах а из кхоачашъяра чаккхенех а дола сведенеш;
9) гонахьарча средана во Iодкъам белга лохдара мероприятеш дIаяхьарах дола сведенеш;
10) 1 категорех йолча объекташка пайда эцача технологейх а уж тIакхоаче йолча дикагIча технологешта нийса хиларах бола хоам;
11) аратувсараш, Iоахийта бIеха веществаш зене хургйоацаш, производстваи пайда эцареи отходаш зене хургйоацаш чакхъяхарах а кхераме хургйоацаш технически средстваех а технологейх дIаоттаярах а бола хоам;
12) паччахьалкхен экологически бIарагаIунал лоаттадара чаккхенех дола сведенеш;
13) гонахьарча средана дика боаца Iодкъам беш йолча объекта консерваци ярах, дIаяккхарах, из йола моттиг хувцарах, гонахьарча средана дика боаца Iодкъам беш йолча объекта эксплуатаци еш вола юридически лицо е индивидуальни предприниматель хувцарах бола хоам.
5. Гонахьарча средана дика боаца Iодкъам беш йолча объекта куц белгалду хоам гулбар, лорабеш уллабар, чаккхбаккхар, дIабалари дIа-хьа боаржабари кхоачашду, хоамах, хоам бара технолгейхи хоам лорабарахи долча Российски Федераце законодательствоца нийса.
6. Гонахьарча средана во Iодкъам беча объектий паччахьалкхен реестре дола сведенеш вIаши дустара а уж автоматизированни тайпара чакхдахар а кхоачашду, гонахьарча средана во Iодкъам беча объектий кодех, налогаш лушбарий идентификационни таьрахьех, технико-экономически а социальни а хоама юкъарароссийски классификаторех пайда а эцаш. Гонахьарча средана во Iодкъам беча объекта код да дIаденна, ше санна кхы доаца таьрахь, ханаца кхы из санна дар шолха а ца доалаш, гонахьарча средана во Iодкъам беча объекташта паччахьалкхен учет еш леладе дезаш да из объект дIаяккхалца.
7. Гонахьарча средана во Iодкъам беча объектий паччахьалкхен реестр латташ я, гонахьарча средана во Iодкъам беча объектий федеральни паччахьалкхен реестрех а гонахьарча средана во Iодкъам беча объектий региональни паччахьалкхен реестрех а.
8. Гонахьарча средана во Iодкъам беча, региональни паччахьалкхен экологически тIахьожам бе (бIаргаIунал де) эшача объектий региональни паччахьалкхен реестраш лелаю ГIалгIай Республика кхоачашдара Iаьдала органаша, Российски Федераце Правительствос уполномочить даьча, кхоачашдара Iаьдала федеральни органий а ГIалгIай Республика кхоачашдара Iаьдала органий а даржашкарча наха, гонахьарча средана во Iодкъам беча объектий паччахьалкхен реестре сведенеш чудахьа тIакхачийтар кхоачашду, идентификацен а аутентификацен а цаI йолча система кара гIолла.
9. Гонахьарча средана во Iодкъам беча объектий паччахьалкхен реестре аратувсача веществай, Iоахийтача бIехача веществай а боарамах а (е) дукхалах, производстваи пайда эцареи отходаш дIаоттаярах бола хоам, гуччахьа бовза йиш йолчарех ба, Российски Федераце законодательствос белгалъяьча аргIанца нийса, паччахьалкхен къайле йолаш мел боацар.
10. Гонахьарча средана во Iодкъам беча объектий паччахьалкхен реестр оттаяра а лелаяра аргIа дIаоттаю Российски Федераце Правительствос.
11. Гонахьарча средана во Iодкъам беча объекташка боахама а (е) кхыча тайпара къахьегача юридически лицашта а индивидуальни предпринимателешта а, Федеральни законо оттаяьча аргIанца нийса, гонахьарча средана во Iодкъам бу объекташ паччахьалкхен учете оттаярах, гонахьарча средана во Iодкъам беча объектах, учетни сведенешта актуализаци ярах а ше-ший аргIа йола свидетельство дIалу, гонахьарча средана во Iодкъам бу объекташ паччахьалкхен учетера дIаяхара а.»;
15) 352 статье:
а) 1 даькъе дешаш «мах хоадабар» а дешаш «хьакъехьара балхаш» а дIадаха;
б) 4 даькъе дешаш «гучаяхари мах хоадабари» хувца дешаца «инвентаризаци», дешаш «хьакъехьара балхаш» а дIадаха;
16) 353 статье:
а) 1 даькъе дешаш «мах хоадабар» а дешаш «хьакъехьара балхаш» а дIадаха;
б) 4 даькъе дешаш «гучаяхари мах хоадабари» хувца дешаца с «инвентаризаци», «хьакъехьара балхаш» а дIадаха.
Статья 3
«Производстваи пайда эцареи отходех долча», 20I6 шера аьтинга бетта 1 дийнахьарча №26-РЗ ГIалгIай Республика Закона (газет «ГIалгIайче», 2009 шу, кIимарса бетта 4 ди; 2013 шера лайчилла бетта 7 ди; 2014 шера лайчилла бетта 8 ди; 2015 шера, тушола бетта 5 ди; Официальни бокъон хоама интернет-портал (www.pravo.gov.ru), 2016 шера маьтсела бетта 6 ди; 2017 шера оагIой бетта 29 ди; 2018 шера аьтинга бетта 5 ди; 2021 шера тушола бетта 4 ди) 5 статье юкъехьо Iобелгалдаь хувцамаш:
1) 3 пункт низ дIабаьнна лархIа;
2) 5 пункте дош «бIаргаIунал» хувца дешашца «тIахьожам» («бIаргаIунала»);
3) 7 пункте дош «бIаргаIунала» хувца дешашца «тIахьожама» («бIаргаIунала»);
4) тIатохар де Iобелгалбаь чулоацам болча I5I пунктаца:
«151) белгалду, чIоагIача коммунальни отходий боарам а (е) дозал а оттадара уполномоченни йолча ГIалгIай Республика кхоачашдара Iаьдала органо, коммунальни чIоагIа отходашца болх бара услугаш яра куц оттадара, отходий боарам а (е) дозал а оттадара декхарашта, коммунальни чIоагIа отходашца болх бара региональни оператораца а (е) услугех пайда эцачунца а;».
Статья 4
Ер Закон низаца чIоагIденна болх бе долалу, ер официально кепатехача дийнахьа денз.
ГIалгIай Республика
Мехкда Келаматнаькъан М.М.
г. Магас
Закон № 88-РЗ 2023 шера оагIой бетта 29 ди.
Подпишитесь на электронную газету
(PDF) версия еженедельной общенациональной газеты «Сердало» и получайте свежие номера не выходя из дома!
Подписаться
