«Организацей рузкъан налогах долча» ГIалгIай Республика Закона 1 статье хувцам юкъебахьара хьакъехьа

ТIаийцад

ГIалгIай Республика

Халкъа Гуллама                         2026 шера бекарга бетта 23 ди

Статья 1 

«Организацей рузкъан налогах долча» 2003 шера лайчилла бетта 24 дийнахьарча №59-РЗ йолча ГIалгIай Республика Закона (газет «ГIалгIайче», 2003 шера лайчилла бетта 29 ди; 2005 шера саькура бетта 12 ди, бекарга бетта 21 ди; 2006 шера наджгоанцхой бетта 21 ди, бекарга бетта 6 ди;  газет «Сердало», 2007 шера  бекарга бетта 26 ди; 2010 шера бекарга бетта 1 ди, кIимарса бетта 10 ди; газет «ГIалгIайче», 2012 шера ардара бетта 20 ди; 2014 шера саькура бетта 6 ди, ардара бетта 30 ди; Официальни бокъон хоама интернет-портал (www.pravo.gov.ru), 2015 шера кIимарса бетта 1 ди; 2016 шера оагIой бетта 20 ди; 2017 шера ардара бетта 31 ди; интернет-газет «ГIалгIайче» (www.gazetaingush.ru), 2020 шера аьтинга бетта 30 ди; 2021 шера аьтинга бетта 2 ди; Официальни бокъон хоама интернет-портал (www.pravo.gov.ru), 2022 шера кIимарса бетта 15 ди; интернет-газет «ГIалгIайче» (www.gazetaingush.ru), 2023 шера бекарга бетта 27 ди, ардара бетта 10 ди; Официальни бокъон хоама интернет-портал (www.pravo.gov.ru), 2023 шера лайчилла бетта 10 ди; 2024 шера наджгоанцхой бетта 31 ди, кIимарса бетта 17 ди; интернет-газет «ГIалгIайче» (www.gazetaingush.ru), 2025 шера саькура бетта 11 ди,  кIимарса бетта 11 ди, оагIой бетта 30 ди) 1 статье хувцам юкъехьо Iобелгалбаь чулоацам болча абзацаца тIатохар а деш:

«Хоам бара технологей даькъе къахьегача организацешта, ЭВМ лаьрхIа шоаш хьаяь программаш маьхала йоахаш йолча организацешта, рузкъан куц долча боараме е электронни документа кепе долча данней базаш а бувзама каналашца, договора башхало  йоацаш а (е)  ЭВМ лаьрхIа программай модификацеш еш, данней базаш еш услугаш еш (балхаш кхоачашдеш) (вычислительни техника программни средстваши хоама продукташи арахецаш), ЭВМ лаьрхIа программаш оттаеш тестировани еши накъайоахаши, данней базаш еш хилча, организацей налога оттама боарам 0,7 процент оттабу. Нагахьа санна укх абзаце белгалъяьча налогови ставках пайда эц отчетни (налогови) хан-юкъа чаккхенашца нийса хоам бара технологей даькъе къахьегача организацен деррига пайдаш вIашагIтеха налогови база дIалоархIаш хилча хоама даькъе къахьегарах хинна пайдаш 70 процента боарамал кIезигагIа доацаш хилча.».

         Статья 2

Ер Закон низаца чIоагIденна болх бе долалу, ер официально кепатехача дийнахьа денз, дIа-хьа дарж 2026 шера наджгоанцхой бетта 1 дийнахьа денз хьахиннача бокъон юкъ-моттигашка.

ГIалгIай Республика

Мехкда                                                 Келаматнаькъан М.М.

г. Магас

2026 шера «8» ди маьтсела бетта

№ 23-рз