Общенациональная газета
Республики Ингушетия

«ГIалгIай Республика доазон тIа долча, дукха квартираш йолча  цIеной юкъара доалахье капитальни тоаяр дIадахьар вIаштIехьдаккхарах долча», ГIалгIай Республика Закона   хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                                 2024 шера саькура бетта 29 ди          

 Статья 1

«ГIалгIай Республика доазон тIа долча, дукха квартираш йолча цIеной юкъара доалахье капитальни тоаяр дIадахьар  вIаштIехьдаккхарах долча», 2013 шера ардара бетта 11 дийнахьарча №30-РЗ йолча,  ГIалгIай Республика Закона (газет «ГIалгIайче», 2013 шера ардара  бетта 17 ди; 2014 шера кIимарса бетта 3 ди; 2015 шера ардара бетта 10 ди;  Официальни бокъон хоама интернет-портал (www.pravo.gov.ru), 2016 шера аьтинга бетта 2 ди, лайчилла бетта 29 ди; 2017 шера бекарга бетта 26 ди; интернет-газет «ГIалгIайче» (www.gazetaingush.ru), 2019 шера оагIой бетта 2 ди; 2021 шера кIимарса бетта 6 ди; 2023 шера бекарга бетта 26 ди) юкъехьо Iобелгалдаь хувцамаш:

1) 2 статье:

а) 3 даькъа тIатохар де дешашца «, укх Закона 4 статьяй 71, 72 доакъоша белагалъяь моттиг ца лаьрхIача»;

б) 41 даькъе дешашта «паччахьалкхен е муниципальни доалахье» тIехьа тIатохар де дешашца «е юридически лицо доалахьа, Российски Федераце Градостроительни кодексаца нийса нах баха  гIишло комплексно дегIакхувлар Iалашдергдолча,»;

2) 4 статье тIатохар де Iобелгалбаь чулоацам болча 72 даькъаца:

«72. Дукха квартираш йолча цIеной цхьан даькъе  фусамаш доалахьа йолчар капитально тоадарах дола декхар дIадалар белгалдоал, из эксплуатаце дIадалар региональни капитально тоадара программа  дIачIоагIъяьчул тIехьагIа, цунах дола сведенеш цу программе белгалдаь а долаш, цунна юкъе хувцамаш юкъехьош, цу дукха квартираш йолча цIен параметраш хувцаш хьахул, ГIалгIай Республика паччахьалкхен Iаьдала органо оттаяь хан-юкъ йистеяьлча, цхьабакъда укх статье белгалдаь хувцамаш капитально тоадара региональни программа хувцамаш даьча хана денз, пхе шерал тIехьа а ца доаккхаш. Дукха квартираш йолча цIен белгалдаьча даькъе фусамаш доалахьа йолчар взносаш луш мах дIабала безаш декхар  эттача хана денз, мах дIалу цу тайпарча дукха квартираш йолча цIен даькъе капитально тоадара фонд вIашагIтохарах бола, фусамаш доалахьа йолчар  соцам тIа а ийца кхоачашбича, нагахьа  санна цу тайпарча дукха квартираш йолча цIен дакъа эксплуатаце дIадалалехьа, цкъаьнагIа санна  цу тайпарча дукха квартираш йолча цIагIа фусамаш доалахьа йолча кхыбола соцам тIаийца ца хилча.»;

3) 12 статьяй 7 даькъе дешаш «хоам бара даькъе йолча паччахьалкхен политика а боарама-бокъон а дIа-хьа нийсдара йолча, кхоачашдара Iаьдала федеральни органо, цхьана» дIадаха;

4) 20 статьяйна тIатохар де Iобелгалбаь чулоацам болча 11 даькъаца: 

«11. Дукха квартираш йолча цIагIара юкъара рузкъа тоадара услугаш а (е) балхаш, уж дукха квартираш йолча цIеношкара тоадара а (е) тоадара финансировани елга, капитально тоадара фондах дIахьош хилча, из  вIашагIйоллар капитальни тоадара долча кIезигах боарам болча ахчаех хилча, цунна юкъедихьа долаш, укх статьяй 1 даькъе белгалъяьча перечне белгал ма дарра, белгалду ГIалгIай Республика Правительства соцамах, боахама-коммунальни даькъе йола паччахьалкхен политика хьаяра а кхоачашъяра а боарама бокъонца дIанийсъяра йолча, кхоачашдара Iаьдала федеральни органо методически белгалон куцаш мога ма дарра.». 

Статья 2 

1. Ер Закон низаца чIоагIденна болх бе долалу ер официально кепатеха итт ди чакхдаьннача дийнахьа денз.

2. Укх Закона 1 статьяй 2 пункта положений дер дIа-хьа дарж ер Закон тIаэцалехьа хьахиннача бокъон юкъ-моттигашка.

ГIалгIай  Республика

Мехкда                              Келаматнаькъан М.М.

г. Магас

 2024 шера  тушоли бетта 15-ди

№ 4-рз