Общенациональная газета
Республики Ингушетия

«Дезал, наьнал, даьл а берал а лорадарах долча» ГIалгIай Республика Закона 29 а 40 а статьяшта  хувцамаш юкъедахьара  хьакъехьа

ТIаийцад 

ГIалгIай Республика

Халкъа Гуллама                                 2024 шера бекарга бетта 23 ди

Статья 1

«Дезал, наьнал, даьл а берал а лорадарах долча», 1999 шера   лайчилла бетта 29 дийнахьарча,  №27-РЗ йолча ГIалгIай Республика Закона (газет «ГIалгIайче», 1999 шера оагIой  бетта  25 ди; 2003 шера маьтсела   бетта 24 ди; 2006 шера тушола бетта 18 ди, бекарга бетта 25 ди; газет «Сердало», 2006 шера аьтинга  бетта  6 ди; газет «ГIалгIайче», 2007 шера  тов бетта 20 ди; 2013 шера аьтинга бетта 15 ди; Официальни бокъон хоама  интернет-портал (www.pravo.gov.ru), 2015 шера  лайчилла  бетта  3 ди, 2018 шера саькура бетта 27 ди; интернет-газет «ГIалгIайче», (www.gazetaingush.ru) 2018 шера  аьтинга  бетта 13 ди; Официальни бокъон хоама  интернет-портал (www.pravo.gov.ru), 2021 шера тов  бетта 30 ди)  юкъехьо  Iобелгалдаь хувцамаш:

1) 29  статье:

а) цхьоалагIча абзаце дешаш «14 шерага кхаччалца» хувца дешашца  «18  шерага кхаччалца»;

б) шоллагIча абзаце дешаш «14 шерага кхаччалца» хувца дешашца  «18  шерага кхаччалца»;

2) 40  статье:

а) шоллагIча абзаце дешаш «доал дареи йоакхо яреи органаш» дIадаха;

б) тIатохар де Iобелгалбаь чулоацам болча, кхоалагIча абзацаца:

«Бойлахьа дисса бераш а даьй-ноаной доал доацаш дисса бераш а  юкъара дешар дийша а дийтта шу даьнна а  хилча, аттача, могашала зе дергдоацача балха, е бойлахьа дисса бераш а даьй-ноаной доал доацаш дисса бераш а  дийтта шу даьнна долаш юкъара дешар Iомадеш хилча, дешаш долчара мукъа долча хана атта болх луш, цар могашала зе дергдоацаш а цар дешара программа Iомаяра новкъарле а хургйоацаш къахьега дIаовттадар кхоачашду,  доал дареи йоакхо яреи органа е кхыча законни викала йоазонца мукъа баьлча.».

Статья 2

Ер Закон низаца чIоагIденна болх бе долалу, ер официально кепатеха итт ди чаккхдаьннача  дийнахьа денз.

ГIалгIай Республика

Мехкда                                              Келаматнаькъан М.М.

2024 шера маьтсела бетта «3» ди

№ 16-рз