ГIалгIай Республика Закон №19-РЗ 2024 шера маьтсела бетта 3 ди
«ГIалгIай Республика муниципальни районии городской округии моттигерча шедоалдара органашка, кхенза долча берии кхетаме боацача (цхьан даькъе кхетаме боацача) граждании гIулакхий, цар бокъонаш лораяреи хьакъехьа йола комиссеш вIашагIйохкара, паччахьалкхен къаьстта полномочеш дIаяларах долча», ГIалгIай Республика Закона а «Доал дареи Iунал дареи лардех долча» ГIалгIай Республика Закона а хувцамаш юкъедахьара хьакъехьа
ТIаийцад
ГIалгIай Республика
Халкъа Гуллама 2024 шера бекарга бетта 23 ди
Статья 1
«ГIалгIай Республика муниципальни районии городской округии моттигерча шедоалдара органашка, кхенза долча берий а кхетаме доацача (цхьан даькъе кхетаме боацача) гражданий а доал дереи Iунал дареи гIулакхии цар бокъонаш лораяреи хьакъехьа йола комиссеш вIашагIйохкара, паччахьалкхен къаьстта полномочеш дIаяларах долча», 2010 шера ардара бетта 30 дийнахьарча, №45-РЗ йолча ГIалгIай Республика Закона (газет «Сердало», 2010 шера лайчилла бетта 9 ди; газет «ГIалгIайче», 2011 шера лайчилла бетта 10 ди; 2012 шера оагIой бетта 6 ди; интернет-газет «ГIалгIайче», (www.gazetaingush.ru), 2023 шера аьтинга бетта 27 ди) юкъехьо Iобелгалбаь хувцам, 14 пункт укх редакце дIа а язъеш:
«14) паччахьалкхен хоам бара «Социальни сфере ЦаI йолча централизованни цифровой платформе», доал дерии йоакхо ерии учет лелаяр.».
Статья 2
«Доал дареи Iунал дареи лардех долча», 2008 шера оагIой бетта 30 дийнахьарча, №35-РЗ йолча ГIалгIай Республика Закона (газет «Сердало», 2009 шера наджгоанцхой бетта 13 ди; 2010 шера лайчилла бетта 9 ди; газет «ГIалгIайче», 2011 шера, ардара бетта 6 ди; Официальни бокъон хоама интернет-портал (www.pravo.gov.ru), 2015 шера аьтинга бетта 1 ди; интернет-газет «ГIалгIайче», (www.gazetaingush.ru), 2022 шера бекарга бетта 28 ди) юкъехьо Iобелгалбаь хувцам, 14 пункт укх редакце дIа а язъеш:
«14) паччахьалкхен хоам бара «Социальни сфере ЦаI йолча централизованни цифровой платформе», доал дерии йоакхо ерии учет лелаяр.».
Статья 3
Ер Закон низаца чIоагIденна болх бе долалу, ер официально кепатехача дийнахьа денз.
ГIалгIай Республика
Мехкда Келаматнаькъан М.М.
2024 шера маьтсела бетта «3» ди
№19-РЗ
Подпишитесь на электронную газету
(PDF) версия еженедельной общенациональной газеты «Сердало» и получайте свежие номера не выходя из дома!
Подписаться
