Общенациональная газета
Республики Ингушетия

«ГIалгIай Республике фусама юкъ-моттигаш дIа-хьа нийсъярах долча»,  ГIалгIай Республика Закона хувцамаш юкъедахьара хьакъехьа

  ТIаийцад 

ГIалгIай Республика

Халкъа Гуллама                                  2024 шера бекарга бетта 23 ди

Статья 1

«ГIалгIай Республике фусама юкъ-моттигаш дIа-хьа нийсъярах долча», 2006 шера тов бетта 27 дийнахьарча, №61-РЗ йолча, ГIалгIай Республика Закона (газет «ГIалгIайче», 2006 шера ардара бетта 3 ди; 2014 шера, оагIой бетта 4 ди; Официальни бокъон хоама интернет-портал (www.pravo.gov.ru), 2018 шера саькура бетта 27 ди) юкъехьо Iобелгалдаь хувцамаш:

1) 4 статьяй 21 даькъа 5 пункте дешаш «нах чубаха цIа хьалдара» хувца дешашца «(сомий беша лаьттан дакъа мел доацар) нах чубаха цIа хьалдара, кхоъ е кхы дукхагIа бер дола гражданаш а федеральни законо, Российски Федераце Президента указаца а ГIалгIай Республика законаца а белгалбаь кхыбола гражданаш а»;

2) 5 статье:

а) 2 даькъе 1 пункт дIаязъе Iобелгалъяьча редакце: 

«1) нах чубахача фусамий социальни найма договорах нанимателаш болча гражданашта е нах чубаха фусамаш доалахьа йолчар, цар цаI мара йоаца нах чубаха фусам  тоае а е реконструкци е а пайдана  ца хилча. Укх пункте белгалбаь фусамаш доалахьа йолчарна социальни найма договорах, нах чубаха фусамаш дIалу аргIа йоацаш, нагахьа санна федеральни законодательствос оттаяьча аргIанца нийса, цар доалахьа йола фусам е цу тайпара фусам чуйола дукха квартираш йола цIа тIалатташ дола лаьттан дакъа, паччахьалкхен е муниципальни гIулакхашта эшаш хиларца дIадаккхарах соцам тIаийца хилча, цу тайпара фусам дIаяккхара духьа;»;

б)  12 даькъа тIатохар де, Iобелгалбаь чулоацам болча предложенеца: «Гражданаша йоазонца мукъа баьнна хилча, уж бахачара моттигерча шедоаладара органа муниципальни образоване соцамца, нах чубаха фусам ялар могаду, нах бахача кхыча пунктера, цу муниципальни образоване доазонца.»;

3) 8 статье:  

а) 5 пункте: 

«в» подпункте дешаш «Iилман-педагогически кадраш лакхерча дешара организацей а Iилман организацей а докторанташта» хувца дешашца  «Iилман а Iилман-педагогически а кадрашта а»;

«д» подпункте  дешаш «цкъа цхьан ханачухь» хувца дешашца «хIара бетта», дешаш «лорий учреждене» хувца дешашца  «лорий организаце»;

б) 8 пункта «а» подпункте дешашта «уголовно-кхоачашдара система,» тIехьа тIатохар де дешашца «Российски Федераце низагIа кхоачашдайтара органаш,»;

4) 19 статьяй  2 пункта «е» подпункта тIатохар де дешашца «Го лаьца хиннача Севастопола вахархо» знак енна нах, «Го лаьца хиннача  Сталинграда вахархо» знак енна нах».

Статья 2

Ер Закон низаца чIоагIденна болх бе долалу, ер официально кепатеха итт ди чаккхдаьннача дийнахьа денз. 

ГIалгIай Республика

Мехкда                                                 Келаматнаькъан М.М.                                      

2024 шера маьтсела бетта «3» ди    

№ 21-РЗ