Общенациональная газета
Республики Ингушетия

«Дезал, наьнал, даьл а берал а лорадарах долча», ГIалгIай Республика Закона 22 а 221 а статьяшта  хувцамаш юкъедахьара  хьакъехьа

ТIаийцад 

ГIалгIай Республика

Халкъа Гуллама                               2024 шера маьтсела бетта 23 ди

Статья 1

«Дезал, наьнал, даьл а берал а лорадарах долча», 1999 шера   лайчилла бетта 29 дийнахьарча,  №27-РЗ йолча ГIалгIай Республика Закона (газет «ГIалгIайче», 1999 шера оагIой  бетта  25 ди; 2003 шера маьтсела   бетта 24 ди; 2006 шера тушола бетта 18 ди, бекарга бетта 25 ди; газет «Сердало», 2006 шера аьтинга  бетта  6 ди; газет «ГIалгIайче», 2007 шера  тов бетта 20 ди; 2013 шера аьтинга бетта 15 ди; Официальни бокъон хоама  интернет-портал (www.pravo.gov.ru), 2015 шера  лайчилла  бетта  3 ди, 2018 шера саькура бетта 27 ди; интернет-газет «ГIалгIайче», (www.gazetaingush.ru), 2018 шера  аьтинга  бетта 13 ди; Официальни бокъон хоама  интернет-портал (www.pravo.gov.ru), 2021 шера тов  бетта 30 ди; интернет-газет «ГIалгIайче», (www.gazetaingush.ru), 2024 шера бекарга бетта 23 ди) юкъехьо  Iобелгалдаь хувцамаш:

1) 22  статье:

а) цIи Iобелгалъяьча редакце дIаязъе:

«Статья 22. Дукха бераш долча дезалашта социальни новкъостал дар»;

б) цхьоалагIа абзац Iобелгалъяьча редакце дIаязъе:

«Дукха бераш дола дезал ба кхоъ е кхы дукхагIа бераш дола дезал, цун статус ха йоацаш отта а еш. Дукха бераш долча дезалашта социальни новкъостал делга кхоачашду, дезале зIамагIдолча, кхийна кхаь берах доккхагIчун 18 шу даллалца е 23 шу даллалца, нагахьа санна очни оалача боараме дешара организаце из дешаш хилча. Дукха бераш даланза долча  долча дезалий бокъо я, Iобелгалдаь социальни новкъостал хьаэца:»;

в) бархIлагIча абзаца тIехьа тIатохар де Iобелгалбаь чулоацам болча абзацашца:

«тешам лу, бераш Iодарца а царна кхетам баларца а бувзам болаш паччахьалкхен пособи далара;

тешам лу къахьегама даькъе новкъостал дара;

тешам лу, кхоъ е кхы дукхагIа бераш Iодарца а царна кхетам баларца а бувзам болаш, ха яларца кхалнаха страховой пенси далар оттадара;

тешам лу, дукха бераш долча даьшта-ноаношта  дешар Iомадайтара а царга совнагIа профессиональни дешар Iомадайтара а, уж лакха дикал йолча къахьегаш хилийтара;

тешам лу Российски Федераце доазон тIа, уж мах боацаш музеяшка, культура а салаIара а паркашка гойтамашка чубахара, уж миччахьа бахаш ба башхало а йоацаш, бераш Iодарца а царна кхетам баларца а бувзам болаш Российски Федераце субъекташка белгалъяьча аргIанца а хьалашца а нийса;

тешам лу фусама хьалаш тоадара га - лоадам  бергхиларах;»;

2) 221статьяй текст  Iобелгалъяьча редакце дIаязъе:

«Укх Законаца нийса дIалуча социальни новкъосталах бола хоам чуоттабу, паччахьалкхен хоам бара система «ЦаI йолча социальни сфера централизованни цифровой  платформе».

Белгалбаь хоам паччахьалкхен хоам бара система «ЦаI йолча социальни сфера централизованни цифровой  платформе» чуоттабар а цох пайда эцар а кхоачашду, «Паччахьалкхен социальни новкъосталах долча», 1999 шера кIимарса бетта 17 дийнахьарча,  №178-ФЗ йолча Федеральни законаца нийса».

Статья 2

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

Мехкда                      Келаматнаькъан М.М.                                      

2024 шера «24» ди маьтсела бетта

№ 23-РЗ