Общенациональная газета
Республики Ингушетия

«Ший лоIамах йолча цIера охранах долча», ГIалгIай  Республика Закона хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                                 2024 шера аьтинга бетта 6 ди

Статья 1

«Ший лоIамах йолча цIера охранах долча», 2011 шера ардара бетта 27 дийнахьарча, №30-РЗ йолча ГIалгIай Республика Закона (газет ГIалгIайче», 2011 шера лайчилла бетта 1 ди; 2014 шера саькура бетта 6 ди; 2015 шера бекарга бетта 2 ди; Официальни бокъон хоама интернет-портал (www.pravo.gov.ru), 2016 шера саькура бетта 8 ди; 2017 шера аьтинга бетта 20 ди; (интернет-газет «ГIалгIайче» (www.gazetaingush.ru), 2023 шера бекарга бетта 6 ди) юкъехьо Iобелгалдаь хувцамаш: 

1) 1 статья Iобелгалъяьча редакце дIаязъе:

«Статья 1. Укх Законо дIа-хьа нийсду предмет 

1. Укх Законо дIа-хьа нийсдеча предметех да, физически лицаша а (е) юридически лицаша а юкъарлен объединенеша шоай лоIамах цIера охрана къахьегаме дакъа лацара бокъо хиларца вIашагIкхетар, цIераш ца ювлийтара а (е) яьннараш йоаеча а дакъа лацара,  аварийно-спасательни балхаш деча дакъа лацара  (шоай лоIамах дакъа лацар), иштта  шоай лоIамах, цIера кхерамзлен къахьегаме дакъа лаца физически лицаш юкъеозара бувзам бола юкъ-моттигаш а.

2. Укх Законо дIаоттаю, ший лоIамах йола цIера охрана хьаяра, шоай лоIамах болча цIерхой къахьегама бокъонаши тешам балари, дIа-хьа нийсъю  ший лоIамах йола цIера охрана паччахьалкхен Iаьдала органашца, моттигерча шедоалдара органашца, организацешца, Российски Федераце гражданашца а кхыча паччахьалкхен гражданашцеи гражданство йоацача нахацеи  йола юкъ-моттигий бокъон кIийленаш.»;

2) 2 статья Iобелгалъяьча редакце дIаязъе:

«Статья 2. Укх Законе пайда эца керттера кхетамаши терминаши

Укх Законе пайда эца керттера кхетамаши терминаши пайда эцаш лелаю, «Ший лоIамах йолча цIера охранах долча», 2011 шера маьтсела бетта 6 дийнахьарча, №100-ФЗ йолча Федеральни законе пайда эцара маIан  долаш (дIахо-Федеральни закон).»;

3) 3 статье:

а) 1 пункте дешаш «юкъарлен цIера охрана объединенеш, цар вIашагIтохара – бокъон кепий башхало а йоацаш» хувца дешашца «организацеш, шоай лоIамах йола цIера подразделенеш вIашагIйохкаш йола»;

б) 3 пункте дешаш «шоай лоIамах йолча цIера охрана чура структура,» дIадаха;

в) 5 пункте дешаш «шоай лоIамах йолча цIера охрана подразделенеш» хувца дешашца «шоай лоIамах йолча цIера  подразделеней»; 

4) 6 статья  Iобелгалъяьча редакце дIаязъе:

«Статья 6. ЦIера охрана юкъарлен объединенеш

1. Физически лицай цIера охрана юкъарлен объединенеш вIашагIйохкара бокъо кхоачашъю юхьдуххьал, физически лицаш вIашагIтохаш а юридически лицаш – юкъарлен  объединенеш хьаеш а.

2. ЦIера охрана юкъарлен объединенеш вIашагIйохк, юкъарлен организацен вIашагIтохара – бокъон кепе е юкъарлен учреждене куц долаш а.

3. ЦIера охрана юкъарлен  объединене учредителаш хилар могаду, физически лицаш  (е) юридически лицаш – юкъарлен  объединенеш хьаеш.

4. ЦIера охрана юкъарлен объединене (е) юридически лицай  юкъарлен объединеней доакъашхой, цар лоIамца цхьана шоай лоIамах йолча цIера охрана декхараш кхоачашдергдолаш, цIера охрана юкъарлен объединене устава боарамашца кепе дерзаду, аргIа йолча индивидуальни заявленешца е цIера охрана юкъарлен объединене доакъашхой таьрахь белгалде аьттув луча документашца. ЦIера охрана юкъарлен объединене  доакъашхошта дIадалар могаду, оттабаьча боараме дола удостоверенеш (доакъашхой билеташ).

5. ЦIера охрана юкъарлен  объединене (е) юридически лицай  юкъарлен объединеней доакъашхой хилар могаду физически лицаш, цу объединене декхараш (е) хоаддаме акцеш хьаллоацаш уж хилча, цар цига къахьегаргдолаш, шоаш кхоачашданза даргдоаца куцаш кепе а доаладеш.

6. ЦIера охрана юкъарлен объединене учредителаш, доакъашхои дакъа лоацараши бокъо йолаш а бехктокхам болаш а ба, укх Законо а цIера охрана юкъарлен объединене уставо а белгал ма дарра.

7. ЦIера охрана юкъарлен объединенешта регистраци яр могаду юридически лицай цаI йолча паччахьалкхен реестре, Российски Федераце    законодательствоца нийса, цунца хьаэца йиш я юридически лицон бокъонаш е паччахьалкхен регистраци а ца еш юридически лицон бокъонаш  а ца йоахаш.

8. ЦIера охрана юкъарлен объединенеш хьаяр а реорганизаци яр а (е) дIаяхари цар шоай къахьегам кхоачашбари белгалду Российски Федераце законодательстваца.

9. ЦIера охрана юкъарлен объединене уставной декхараш кхоачашдара Iалашо еш вIашагIйохк доазон шоай лоIамах йола цIера охрана подразделенеш, шоай лоIамах йолча цIера охрана подразделенеша цIера кхерамзле лораярах  рузкъанца совгIаташ луш кхоачо  ю, йовза а йовзийт лора а ю шоай лоIамах болча цIерахой а кхыболча доакъашхой а паччахьалкхен Iаьдала органашцара а моттигерча шедоаладара органашцареи организацешцареи юкъ-моттигаш.

10. ЦIера охрана юкъарлен  объединени вIашагIа а йолл къа а хьег  Российски Федераце законодательствоца а аргIа йолча цIера охрана юкъарлен  объединене  уставаца а нийса.»;

5) тIатохар де Iобелгалбаь чулоацам болча  61 и 62 статьяшца:

«Статья 61. Шоай лоIамах йола доазон цIера подразделенеш

1. Шоай лоIамах йола доазон, цIера подразделенеш я, цIера охрана юкъарлен  объединене структурни подразделенеш, цар дакъа лоац цIераш ца ювлийтара а (е) яьнна цIераш йоаяра а  цхьан е массехк муниципальни образованей доазонаш тIа аварийно-спасательни балхаш кхоачашдеш.

2. Ший лоIамах йола, ший лоIамах вIашагIйоллаш йола доазон, цIера подразделене чубоагIа, цу ший лоIамах йолча цIера подразделене  шоай лоIамах бола цIерхой. Цар Iунал деча районе бахаш  е цига дIабаха болча физически лицех. 

3. Ший лоIамах йолча доазон, цIера подразделене кулгалхочун дарже а, транспортни средства водитель волаш а, оттабу, уж раьза хилча доакъашхои ший лоIамах йолча, цIера подразделене болхлои Российски Федераце къахьегама законодательствос оттаяьча аргIанца нийса.

4. Ший лоIамах йолча доазон цIера подразделенена а цун  рузкъанна а урхалду цун кулгалхочо.

5. Ший лоIамах йолча доазон, цIера подразделене, башхало, цун структура, шоай лоIамах йолча доазон, цIера подразделене болхлой а шоай лоIамах болча цIерхой а бокъонаши декхараши белгалду, укх Законаца, ший лоIамах йолча доазон, цIера подразделенех йолча,  цIера охрана юкъарлен объединене локальни актаца дIачIоагIъеча положенеца.

6. Ший лоIамах йолча цIера охрана объединене кулгалхочо, цига доазон ший лоIамах йола цIера подразделени вIашагIъеллача, е кхыволча, кулгалхочо белгалваьча саго кхоачо ю шоай лоIамах бола цIерхой кийчбеш а шоай лоIамах болча цIерхоша цIера кхерамзле лораярах, рузкъанца царна совгIаташ деш а.

«Статья 62. Объектови шоай лоIамах йола цIера подразделенеш

1. Объектови шоай лоIамах йола цIера подразделенеш вIашагIйохкар могаду физически лицаша болх беча е дешача моттигашка.

2. Объектови шоай лоIамах йола цIера подразделенеш вIашагIйохк, цIераш ца ювлийтара а (е) яьннараш дIайоаяра а, цу организаце аварийно-спасательни балхаш дIадахьа.

3. Объектови ший лоIамах йолча цIера подразделене объекта юкъебоагIа шоай лоIамах бола цIерхой, организаце къахьегаш болча а (е) организаце дешаш болча а.

4. Объектови ший лоIамах йолча цIера подразделенена а цун рузкъанна урхалдар кхоачашду, белгалъяь подразделени вIашагIъеллача организацено оттаяьча аргIанца нийса.

5. Объектови ший лоIамах йолча цIера подразделене башхалонаш, цун структура, шоай лоIамах болча цIерхой бокъонаши декхараши белгалду укх Законо а объектови ший лоIамах йолча организаце локальни актаца дIачIоагIъеча, цIера подразделенех йолча положенеца а.

6. Объектови ший лоIамах йолча цIера подразделенех йола типовой положенеш дIачIоагIъю, цIера кхерамзле Iалашъяра хьакъехьа йолча, кхоачашдара Iаьдала федеральни органо.

7. Ший лоIамах йолча цIера охрана подразделени вIашагIъеллача организаце, е кхыволча кулгалхочо белгалваьча саго кхоачо ю, шоай лоIамах бола цIерхой кийчбеш а шоай лоIамах болча цIерхоша цIера кхерамзле лораярах рузкъанца царна совгIаташ деш а.»;

6) статьяш 7 а 8 а шоай низ дIабаьнна лархIа;

7) 10  статье:

а) 3 даькъе дешаш  «аргIа йола юкъарлен цIера охрана объединеней учредитело (учредителаша)» хувца дешашца «шоай лоIамах йола цIера охрана  подразделенеш вIашагIйохка  организацеш,»;

б) тIатохар де Iобелгалбаь чулоацам болча 4-6 доакъошца:

«4. Шоай лоIамах бола цIерхой Федеральни законо а укх Законо а оттадаьча дIадехарашта жоп луш хила беза. 

5. Шоай лоIамах йолча цIера охрана подразделене, шоай лоIамах бола цIерхой хила декхарийла ба цу тайпара подразделенеш вIашагIъехкача цIера охрана юкъарлен объединеней доакъашхой е дакъа лоацараш.

6. Ший лоIамах волча цIерхочо, шоай лоIамах йолча цIера охрана  подразделене дакъа лацара куцаш белгалду, цIераш ца ювлийтара а (е) яьннараш дIайоаяра а, цу организаце аварийно-спасательни балхаш дIахьоча дакъа лацарах долча, гражданско-бокъон договорашца, цун актаца белгалдар могаду, шоай лоIамах йола цIера охрана подразделени вIашагIъеллача организацено, ший лоIамах волча цIерхочоа кхача, форменни а лаьрххIа а дола барзкъаш, кхоачам, индивидуальни лоравалара кечалаш, ханна пайда эца фусам, дIахьожаваьча дIаваха а юха хьава а аьттув балар, бувзама услугех мах бала, ший лоIамах волча цIерхочоа ший лоIамах лорий страховани яра страховой взносаш дала, е цун вахара а могашала  а страховани яра, иштта белгалдаь договор кхоачашдеш хинна расходаш меттаоттаеш.»;

8) 11 статье дешаш «учредитела (учредителий) а иштта» хувца дешашца «шоаш шоай лоIамах йола цIера охрана подразделенеш вIашагIйохка организацеш»;

9) 12 статье:

а)  1 дакъа Iобелгалъяьча редакце дIаязде:

«1. ЦIера охрана юкъарлен объединеней рузкъа вIашагIтох, Российски Федераце законодательствоца нийса, доакъошхой хинна юкъебахарах а доакъошхой а взносех йолча ларде, нагахьа санна уж дIадалар аргIа йолча цIера охрана юкъарлен объединене  уставаца белгалдаь дале, цун учредиталаша луш долча взносех, шоай лоIамах хьаденнарех, белгалдаьча уставаца нийса дIахьоча мероприятешка ишттанехь хьаденнача ахчаех, цIера охрана юкъарлен объединенешта паччахьалкхен Iаьдала органаша а моттигерча шедоалдара органаша а хьаденнача рузкъах, Российски Федераце законодательствоца, ГIалгIай Республика законодательствоца, муниципальни бокъон акташца нийса кхыдолча, Российски Федераце законодательствоца бехкам оттабанза долча куцашца хьаденнача рузкъах (цу даькъе цIи яларах рузкъанна а (е) граждански бехктокхама страховани яра).»;

б) 3 даькъе дешаш «доалахьа (доала кIала, пайда эцаш, дIа-хьа хьожадеш) ший лоIамах» хувца дешашца «юкъарлен объединеней доала кIала, пайда эцаш е дIа-хьа хьожадеш»;

в) тIатохар де Iобелгалбаь чулоацам болча  4 даькъаца:

«4. Объектови, шоай лоIамах йолча цIера подразделенеша пайда эца рузкъа балансе да, цу тайпара подразделенеш вIашагIтохача организаце цунах пайда эца беза ший лоIамах йолча цIера охрана подразделене, Российски Федераце законодательствоца тIадехка декхараш кхоачашдеча.»;

10) 13 статьяй 2 даькъе дешаш «юкъарлен объединеней» хувца дешашца «ший лоIамах»;

11)  14 статьяй 1 даькъе:

а) цхьоалагIа абзац Iобелгалъяьча  редакце дIаязъе:

«1. Ший лоIамах йолча цIера охрана подразделене оттаме бола, ший лоIамах йолча цIера охрана болхлой, шоай  лоIамах болча цIерхой, Российски Федераце законодательстваца, ГIалгIай Республики  законодательстваца, муниципальни бокъон акташца белгалъяьча моттигашкеи аргIахи  цIераш ца ювлийтара профилактика еча а аварийно-спасательни балхаш дIахьоча а (е) яьнна цIераш йоаеча дакъа лацарах долча, гражданско-бокъон (къахьегара) договорашца бокъо йолаш ба:»;

б) 1 пункте дешаш «ший лоIамах йолча цIера команде е  ший лоIамах йолча цIера дружине)» хувца дешашца «ший лоIамах йолча цIера подразделене»;

в) 2 пункте дешаш  «ший лоIамах йолча цIера команде  (дружине) хувца дешашца «ший лоIамах йолча цIера подразделене»;

г) тIатохар де Iобелгалбаь чулоацам болча 7 пунктаца:

«7) кхача, форменни а лаьрххIа а дола барзкъаш, кхоачам, индивидуальни лоравалара кечалаш, ханна пайда эца фусам, дIахьожаваьча дIаваха а юха хьава а аьттув балар, бувзама услугех мах бала, ший лоIамах волча цIерхочоа ший лоIамах лорий страховани яра страховой взносаш дала, е цун вахара а могашала страховани яра, иштта белгалдаь договор кхоачашдеш хинна расходаш меттаоттаеш га-лоадам бар.»;

12) в статье 15:

а) цхьоалагIа абзац Iобелгалъяьча редакце дIаязъе:

«Ший лоIамах йолча цIера охрана подразделене чубоагIача, ший лоIамах йолча цIера охрана болхлошта, шоай  лоIамах болча цIерхошта, цу подразделенех йолча положенеца тIадахка деза Iобелгалдаь декхараш:»;

б) 3 пункте дешаш «ший лоIамах йолча цIера команде  «(дружине)» хувца дешашца  «ший лоIамах йолча цIера подразделене»;

в) 4 пункте  дешаш «ший лоIамах йолча цIера команде  «(дружине)», барта дихьа (ца хилча даргдоацача)» хувца дешашца  «ший лоIамах йолча цIера подразделене, барт  баьча»;

г) 5 пункте дешаш «ший лоIамах йолча цIера команде «(дружине)» хувца дешашца  «ший лоIамах йолча цIера подразделене»;

 д) 7 пункте дешаш «ший лоIамах йолча цIера команде  «(дружине)» хувца дешашца  «ший лоIамах йолча цIера подразделене»;

13) 16 статье:

а) 1 даькъе дешаш «ЦIера охрана юкъарлен объединене учредитель (учредителаш)» хувца дешашца «Ший лоIамах йола цIера охрана подразделенеш хьаеш йола организацеш,»;

б) 2 дакъа Iобелгалъяьча редакце дIаязде:

«2. Шоай  лоIамах болча цIерхошта рузкъанца кхоачо яра а царна ахчан совгIатий (премей) боарамаш дIаоттаду, шоай лоIамах йола цIера подразделенеш хьаеча организацено, аргIа йола, ший лоIамерча цIера охрана подразделенена кхоачо яра хьакъоастадаьча ахчан боарамага а шоай лоIамах болча цIерхоша хIаране лаьцача даькъах, цу подразделене къахьегама чаккхенашка а хьежжа. Шоай лоIамах болча цIерхошта рузкъанца  кхоачо яра а царна ахчан совгIатий (премей) боарамаш а оттадара кеп белгалъю цу тайпарча подразделеней кулгалхоша, аргIа йолча организацешка.»;

14) 17 статье:

а) дешаш «Паччахьалкхен Iаьдала органаш» хувца дешашца «1. Паччахьалкхен Iаьдала органаш», дешаш «ший лоIамах йолча цIера охрана подразделене шоай лоIамах бола цIерхой» хувца дешашца «белгалбаьча наха»;

б) тIатохар де Iобелгалбаь чулоацам болча 2 даькъаца:

«2. ЦIера охрана подразделенеш хьаеш йолча организацеша, цу тайпарча подразделеней шоай лоIамах болча цIерхой, цIераш йоаеча,  аварийно-спасательни балхаш дIахьоча, цIи яьнначара нах а рузкъа а кIалхарадоахача, зулам хиннарашта хьалхара новкъостал деча юкъеэзача, могаду шоай рузкъах, шоай лоIамах болча цIерхошта  гIо-новкъостал дар, укх Iобелгалъяьча кепе: кхача, форменни а лаьрххIа а дола барзкъаш, кхоачам, индивидуальни лоравалара кечалаш, ханна пайда эца фусам, дIахьожаваьча дIаваха а юха хьава а аьттув балар, бувзама услугех мах бала, ший лоIамах волча цIерхочоа ший лоIамах лорий страховани яра страховой взносаш дала, е цун вахара а могашала страховани яра, иштта белгалдаь договор кхоачашдеш хинна расходаш меттаоттаеш га-лоадам бар.»;

15) 18 статье:

а) 1 даькъе дешаш «ший лоIамах йолча цIера команде  е ший лоIамах йолча цIера дружине» хувца дешашца «ший лоIамах йолча цIера подразделене»;

б) 2 дакъа Iобелгалъяьча редакце дIаязде:

«2. ЦIера охрана подразделенеш хьаеш йолча организацеша, шоай  лоIамах бола цIерхой, дешаш болча е балха болча ханачухь  цIераш йоаеча е службе (дежурстве) е  профессиональни дешар Iомадеш болча хана, цу тайпара подразделенеш лелаяра хьожадаьча ахчах, шоай лоIамах болча цIерхошта далар могаду, уж балха е дешаш болча ца хиларах, компенсаци даларца, цу организацено оттабаьча боарамеи аргIанцеи нийса.»;

в) 3 даькъе дешаш «шоай лоIамах йолча цIера охрана доазон а объектови а подразделеней» хувца дешашца «шоай лоIамах йолча цIера подразделене»;

г) 4 даькъе дешаш «шоай лоIамах йолча цIера охрана доазон а объектови а подразделеней» хувца дешашца «шоай лоIамах йолча цIера подразделене»;

д)  5 даькъе дешаш «Ший лоIамах йолча цIера охрана  подразделеней учредительни документашца е организаци доалахьа йолчун дIа-хьа хьожадара документашца (объектови шоай лоIамах йолча цIера подразделене)» хувца дешашца «шоай лоIамах йола цIера охрана  подразделеней дIа-хьа хьожадара документашца,»;

е)  7 даькъе дош «учрежденеш» хувца дешаца «организацеш»;

ж) тIатохар де Iобелгалбаь чулоацам болча 10 даькъаца:

«10. Ший лоIамах йола цIера охрана подразделени хьаеш йолча организацешта могаду, Российски Федерации законодательстваца нийса, укх Законо оттадаьча кхыча тайрпара кепаш, таронаш лаха, шоай лоIамах болча цIерхошта рузкъанца кхоачо е.»;

16) 20 статьяй 3 даькъе дешаш  «цIера охрана юкъарлен объединене учредитело (учредителаша)» хувца дешашца «шоай лоIамах йола цIера охрана  подразделенеш хьаеш йола организацеш,»;

17)  21 статьяй  2 даькъе дешаш «шоай лоIамах йолча цIера охрана  подразделенешка» хувца дешашца «шоай лоIамах йолча цIера подразделенешка», дешаш «аргIа йола»  хувца дешашца «цу тайпара хьаяь йола организацеш»;

18) 22 статье:

а) цIи Iобелгалбаьча редакце дIаязъе:

«Статья 22. Ший лоIамах йолча цIера охрана подразделенеш цIераш дIайоаеча а аварийно-спасательни балхаш дIахьоча а юкъеозар»;

б) 1 даькъе дешаш «Ший лоIамах йола цIера охрана  подразделенеш» хувца дешашца «Ший лоIамах йола цIера охрана  подразделенеш»;

в) 2 дакъа Iобелгалъяьча редакце дIаязде:

«2. Шоай лоIамах йола подразделенеш, шоашта тIачIоагIъяьча районал арахьа цIераш йоае а аварийно-спасательни балхаш кхоачашде а дIаяхар кхоачашду, уж тайпа подразделенеш хьаяьча организацеца барт а бий.»; 

 г) 4 дакъа Iобелгалъяьча редакце дIаязде:

«4. Ший лоIамах йола  цIера подразделени хьаяьча организаце кулгалхочо хьожаваьчо, цу тайпарча подразделене лични составах  воккхагIвар цIи яьннача хьалхагIа дIакхаьчача, кхыча тайпара йола цIера охрана подразделенеш хьакхачалехьа кулгалду, шоай лоIамах болча цIерхошта, цар цIи ялар даржаргдоацаш къахьегача а долча низашца, таронашца  из дIайоаяра хьалаш Iалашдеча а моттиге.».

Статья 2

Ер Закон низаца чIоагIденна болх бе долалу, ер официально кепатеха, итт ди чаккхдаьннача дийнахьа денз.

ГIалгIай Республика

          Мехкда                                                   Келаматнаькъан М.М.

    г. Магас

2024 шера аьтинга бетта  13 ди

№24-РЗ