Общенациональная газета
Республики Ингушетия

ГIалгIай Республике нах чубахача фусамах а коммунальни услугех а яьча расходашта компенсацеш ялара хьакъехьа

ТIаийцад

ГIалгIай Республика

Халкъа Гуллама 2024 шера кIимарса бетта 4 ди

Статья 1. Закона дIа-хьа нийсду предмет

1. Укх Законо белгалъю къаьсттача категорейх болча гражданашта, цар фусама-коммунальни услугех (дIахо – ФКУ) мах балара кеп, федеральни расходни полномочеш йолча Российски Федераце Фусама кодекса 160 статьяй 4 даькъаца нийса.

2. Ер Закон тIаийцад къаьсттача категорейх болча гражданашта цар ФКУ мах балар белгалду Российски Федераце боарама бокъон акташ кхоачашъяра декхарашта, дукха квартираш йолча цIагIара юкъара доалахье йола рузкъа тоадарах денна ахча, бахархошка дохка аьнна ийцача доагорах луча маьха а, оттабаьча боарамга хьажжа, из доагор дIахьош беннача маьха а компенсаци елга ца лаьрхIача, бахархошта централизованни йIовхал ялара система йоацача цIеношка уж Iеш бале (дIахо – ФКУ мах балара компенсаци яр).

Статья 2. Закона болх бу сфера

Укх Законо белгалъю Российски Федераце гражданашта, массаза баха моттиг ГIалгIай Республика йолча, социальни га-лоадам бара кеп, ФКУ мах баларах компенсаци яра, Iобелгалъяьча Российски Федераце боарама бокъон актий лардаш тIа:

Российски Федераце «Чернобыльски АЭС доккха зулам хилара бахьан долаш радиацен Iоткъам баьча гражданашта социальни новкъостал дарах долча» 1991 шера маьтсела бетта 15 дийнахьарча №1244-1 йолча Закона;

Российски Федераце «Советски Союза Турпалий, Российски Федераце Турпалий а Слава ордений биззача кавалерий а статусах долча» 1993 шера наджгоанцхой бетта 15 дийнахьарча №4301-1 йолча Закона;

«Ветеранех долча» 1995 шера наджгоанцхой бетта 12 дийнахьарча №5-ФЗ йолча Федеральни закона;

«Российски Федераце заIапхошта социальни новкъостал дарах долча» 1995 шера лайчилла бетта 24 дийнахьарча №181-ФЗ йолча Федеральни закона;

«Социалистически къахьегама Турпалашта, Российски Федераце Къахьегама Турпалашта а Къахьегама Слава ордений биззача кавалерашта а социальни тешам баларах долча» 1997 шера наджгоанцхой бетта 9 дийнахьарча №5-ФЗ йолча Федеральни закона;

«Семипалатински полигоне ядерни тохкамаш деш радиационни Iоткъам хиннача гражданашта социальни тешам баларах долча» 2002 шера наджгоанцхой бетта 10 дийнахьарча №2-ФЗ йолча Федеральни закона;

«1957 шера «Маяк» цIи йолча производственни объединене авари хиларах Теча яхача хи чу радиоактивни отходаш чуяхийтарца радиацен Iоткъам хиннача Российски Федераце гражданашта социальни тешам баларах долча» 1998 шера лайчилла бетта 26 дийнахьарча №175-ФЗ йолча Федеральни закона.

Статья 3. Социальни га-лоадам беш ФКУ мах баларах хиннача расходашта компенсаци яра кепи аргIеи

Гражданашта ФКУ мах баларах хиннача расходашта компенсаци елга кхоачашду сага, цунна Российски Федераце Фусама кодекса 155 статьяйца нийса ахча дIадохьийташ фусамах а коммунальни услугех а ГIалгIай Республика Правительствос белгалъяьча аргIанца нийса.

Статья 4. Къаьсттача категорейх болча гражданашта ФКУ мах баларах хиннача расходашта компенсаци яра источникаш

ФКУ мах баларах хиннача расходашта компенсаци яр кхоачашду ГIалгIай Республика федеральни бюджетера хьаеннача субвенцейх.

Статья 5. Ер Закон низаца чIоагIдалар

Ер Закон низаца чIоагIденна болх бе долалу ер официально кепатехача дийнахьа денз.

ГIалгIай Республика

Мехкда                                              Келаматнаькъан М.М.

2024 шера кIимарса бетта «12» ди

№36-РЗ