Общенациональная газета
Республики Ингушетия

«Къаьстта лорадеча Ӏаламан доазонех долча», ГIалгIай Республика Закона хувцамаш юкъедахьара хьакъехьа

ТIаийцад

ГIалгIай Республика Халкъа Гуллама                        2023 шера ардара бетта 26 ди

 Статья 1 

«Къаьстта лорадеча Ӏаламан доазонех долча», 1999 шера тушола бетта 4 дийнахьарча №8-РЗ йолча  ГIалгIай Республика Закона  (газет «ГӀалгӀайче», 1999 шера тушола бетта 25 ди; газет «Сердало», 2000 шера кӀимарса бетта  19 ди; 2002 шера кӀимарса бетта 27 ди; газет «ГӀалгӀайче», 2003 шера ардара бетта 30 ди; 2005 шера маьтсела бетта  17 ди; 2006 шера  саькур бетта  18 ди; 2013 шера лайчилла бетта  7 ди; 2014 шера аьтинга бетта 7 ди; Официальни бокъон хоама интернет-портал  (www.pravo.gov.ru), 2017 шера оагӀой бетта 20 ди; 2018 шера тушола бетта 26 ди; 2019 шера аьтинга бетта 7 ди; 2022 шера бекарга бетта 29 ди) юкъехьо Ӏобелгалдаь  хувцамаш: 

1) преамбула шоллагӀа абзац Ӏобелгалъяьча редакце дӀаязъе: 

«Укх Законо дӀа-хьа нийсъю региональни а моттигера а къаьстта лораду доазонаш лорадара а, пайда эцара а, цу даькъе вӀашагӀтохара а йола юкъ-моттигаш, шоаш санна кхы йоаца а йолаш йола а Ӏаламан комплексаши объекташи, тӀайоалача  баьцовгӀий а дийнатий а дунен объекташ, ше-шегӀа йола экологически системаш, биологически башхалонаш лораяра, гонахьара Ӏалам, экологически мониторинг яра, экологически сердало йоаржаяра Ӏилман тохкамаш дара.»;

2) 2 статьяй 3 дакъа Ӏобелгалъяьча редакце дӀаязде:

«3. ГӀалгӀай Республика доазон тӀа, къаьстта лорадеча Ӏаламан доазоний оттама башхалоний терко еш, могадеш да къаьстта лораду, моттигера лоархӀам бола Ӏаламан доазонаш вӀашагӀдохкар:

1) историко-Ӏаламан комплексаши доазонаши;

2) экологически паркаш.»;

3) тӀатохар де Ӏобелгалбаь чулоацам болча  VI1 – VI2 разделашца:

«Раздел VI1. Историко-Iаламан комплексаши  доазонаши

Статья 191. Историко-Iаламан комплексаши  доазонаши

1. Историко-Ӏаламан комплексаши  доазонаши – ше-шегӀа йолча ландшафтий  а (е) сага къахьегамах хийца къаьстта лорадеча Ӏаламан доазонаши объекташи, Ӏилман, эколого – сердалон, культурни, эстетическии мемориальнии  даькъе маьхале йола. Царца лоархӀ кулг-кара хьадаь Ӏамарч к ним относятся искусственные пруды, кулг-кара дӀаегӀа, мемориальни комплексаш, шоашца Ӏаламан компоненташ а иштта кхы дӀахо а йолаш. 

2. Историко-Ӏаламан  комплексашка а доазонашка а дийхка да къахьегар, цар бӀарччал йохаеш дале.

 Раздел VI2. Экологически паркаш

Статья 192. Экологически паркаш 

1. Экологически паркаш – доазонаш (акватореш), шоашца Ӏаламан  комплексаши объекташи йолаш, нонагӀо экологически, эстетически маьхале долаш, царех Ӏалам лорадара, сердалони рекреационни декхарашта пайда эцара, Ӏаламан среда лорадара, меттаоттадара, овсаре пайда эцара, градостроительни, боахама, къахьегама, экологизаци яра бахархошта  экологически сердалони Ӏалам лорадареи кхетам балара а. 

2. Экологически паркий доазон тӀа дӀа-хьа нийсду  (массаза а е ханна бехкам оттабу) боахама къахьегам бара,Ӏаламан комплексашкара а объекташкара  а хьал толхадеш хилча. 

3. Экологически паркий доазон тӀа хьакъоастаю функциональни зонаш, лораяра а пайда эцара а тайп-тайпара оттам а болаш,  къаьсттача Ӏаламан комплексии объектии экологически,  культурни  маьхалга хьежжа.».

Статья 2 

Ер Закон низаца чIоагIденна болх бе долалу, ер официально кепатеха итт ди чакхдаьннача  дийнахьа денз.

ГIалгIай Республика

Мехкда                                Келаматнаькъан М.М.

2023 шера   «02» ди лайчилла бетта

№66-рз