Общенациональная газета
Республики Ингушетия

«ГIалгIай Республика доазон тӀа дийнатех долча» ГӀалгӀай Республика Закона  хувцамаш юкъедахьара хьакъехьа

ТIаийцад

  ГIалгIай Республика

Халкъа Гуллама                            2023 шера ардара бетта 26 ди

 Статья 1  

«ГIалгIай Республика  доазон тӀа дийнатех долча», 2008 шера лайчилла бетта  12 дийнахьарча №26-РЗ йолча   ГӀалгӀай Республика Закона (газет «ГӀалгӀайче», 2008 шера лайчилла бетта 15 ди; 2011 шера ардара бетта 6 ди; 2014 шера тушола бетта  3Ӏ ди; Официальни бокъон хоама интернет-портал (www.pravo.gov.ru), 2015 шера оагӀой бетта 29 ди; 2019 шера аьтинга бетта 7 ди; интернет-газет «ГӀалгӀайче» (www.gazetaingush.ru), 202Ӏ шера тов бетта  8 ди, оагӀой бетта  30 ди):

1) 5 статьяй 3 даькъа 10 пункте дешаш «спортивни а» дIадаха;

2) тIатохар де Ӏобелгалбаь чулоацам болча 91 статьяйца:

    «Статья 91. Дийнатий объектий паччахьалкхен кадастр

1. Дийнатий объектий паччахьалкхен кадастраца да, дийнатий объекташ дахача географически хьалехь дола сведенеш, цар дукхала  таьрахь, ишта дийнатий объекташ яхача моттигех долаш сведенеш а ца хилча даргдоаца даннеш а.

2. Дийнатий объектий паччахьалкхен кадастр лелаю, чарахьал деча ресурсех е хин биологически ресурсех ца лоархӀача дийнатий хьакъехьа.

3. Дийнатий объектий паччахьалкхен кадастр лелаю, федеральни лоархӀам болча Ӏаламан доазонаш тӀа долча дийнатий объекташ ца лаьрхӀача, ГӀалгӀай Республика кхоачашдара Ӏаьдала органаша шоашка Российски Федераце хьаенна дийнаташ лораде а пайда эца а хьаенна полномочеш, Российски Федераце Правительствос викал яьча, кхоачашдара Ӏаьдала федеральни органо оттаяьча  аргӀанца нийса.»;

3) тIатохар де Ӏобелгалбаь чулоацам болча 171 статьяйца:

«Статья 171. Производственни процессаш дIахьош, транспортни средстваех, бувзама а электропередачай а объектех пайда эцача хана, дийнатий объекташ цамогаш а хургйоацаш  йоврг а йоацаш къахьегар.

Производственни процессаш дIахьош, ишта транспортни магистралех, трубопроводех а, бувзама а, электропередачай а объектех пайда эцача хана дийнаташ довргдоацаш, дийнатий объектех а уж дахача  моттигаш лораяра, тIахьожам бареи дIа-хьа нийсдареи дIадехараш вIашагIтох ГIалгIай Республика лаьрххIа викал яьча паччахьалкхен органо, федеральни законодательствас отта ма дарра дIачIоагIду ГIалгIай Республика Правительствос.»;

4) 18 статьяйна тIатохар де Ӏобелгалбаь чулоацам болча 3 даькъаца:

«3. Дийнатий объекташ лораяра а пайда эцара а паччахьалкхен экологически экспертиза кхоачашъю, гонахьара Iалам лораде лаьрххIа викал яьча паччахьалкхен органо,  дийнатий объекташ а уж даха  моттигаш а  лораяр дIа-хьа нийсъяра лаьрххIа викал яьча  паччахьалкхен кхыйолча органаша дакъа а  лоацаш, Российски Федераце законашца а  кхыйолча боарама бокъон акташца а ГIалгIай Республика  законашца а  кхыйолча боарама бокъон акташца а нийса.»;

5) тIатохар де Ӏобелгалбаь чулоацам болча 201 статьяйца:

«Статья 201. Чарахьал дара а хин биологически ресурсашца а       лоархIа  дийнатий объекташ  хьаяхар

1. Чарахьал дара а хин биологически ресурсашца а  лоархIа  дийнатий объекташ  хьаяхар могаду дийнатий объекташ а уж даха  моттигаш а  лораяр дIа-хьа нийсъяра лаьрххIа викал яьча  ГIалгIай Республика кхоачашдара Iаьдала органо мукъа белча, федеральни законодательствас оттаяьча полномочеш къоастаярца нийса.

2. Чарахьал дара а хин биологически ресурсашца а ца лоархIа  дийнатий объекташ хьаяхара аргIа дIачIоагIъю, ГIалгIай Республика Правительствос.».

Статья 2. 

Ер Закон низаца чӀоагӀденна болх бе долалу, ер официально кепатехача дийнахьа денз.

ГIалгIай Республика

 Мехкда                                         Келаматнаькъан М.М.                                      

2023 шера  «2» ди лайчилла бетта

№ 71-рз