Общенациональная газета
Республики Ингушетия

«ГIалгIай Республике хин ресурсех пайда эцареи уж лорадареи хьакъехьа долча» ГIалгIай Республика Закона хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                          2024 шера лайчилла бетта 28 ди

Статья 1

«ГIалгIай Республике хин ресурсех пайда эцареи уж лорадареи хьакъехьа долча» 2007 шера кIимарса бетта 19 дийнахьарча №30-РЗ йолча ГIалгIай  Республика Закона (газет «ГIалгIайче», 2007 шера кIимарса бетта 26 ди; 2014 шера оагIой бетта 31 ди; 2015 шера оагIой бетта 29 ди; Официальни бокъон хоама интернет-портал (www.pravo.gov.ru), 2016 шера маьтсела бетта 6 ди; 2018 шера тов бетта 4 ди; интернет-газет «ГIалгIайче» (www.gazetaingush.ru), 2018 шера оагIой бетта 29 ди; 2021 шера тушола бетта 4 ди; 2022 шера лайчилла бетта 30 ди) юкъехьо Iобелгалдаь хувцамаш: 

1) 9 статьяй 3 дакъа Iобелгалъяьча редакце дIаязде;

«3. Юкъара пайда эцача хин объектех пайда эцалга кхоачашду, рекреационни декхарашта йолча бокъонашца нийса, укх Закона 342 статьяйца нийса, иштта хин объектех ше-шийна а вахаре а эшарашта хин объектех пайда эцара бокъонаш теркалъеш.»;

2) 11 статья Iобелгалъяьча редакце дIаязъе:

«Статья 11. Хин юкъ-моттигий даькъе ГIалгIай Республика паччахьалкхен Iаьдала органий  полномочеш 

Хин юкъ-моттигий даькъе ГIалгIай Республика паччахьалкхен Iаьдала органий  полномочешца лоархIаш да: 

1) ГIалгIай Республика доалахьа йола хин объекташ доалахьа хилар, пайда эцар, урхалдар;

2)  ГIалгIай Республика доалахьа йолча хин объектех пайда эцарах луш болча маьха боарам оттабар, цу тайпара мах баккхара а расчет яра аргIа оттаяр;

3) бассейнови советий къахьегаме дакъа лацар;

4) ГIалгIай Республика доазон тIа йолча хин объектех е цар доакъоех  пайда эцарахи лораярахи йола программаш вIашагIйохкар, дIачIоагIъяри кхоачашъяри;

5) молаш долчеи вахара-бытовой хьалашка пайда эцаши долча хишта, уж дIадалара резервировани елга;

6) хин объектий, хий лорадара зонаи лорадара берда йистошкара оасаи доазоний хьакъехьа, региональни паччахьалкхен экологически тIахьожам (бIаргаIунал) кхоачашбар, уж «Гонахьара среда лорадарах долча» 2002 шера наджгоанцхой бетта 10 дийнахьарча №7-ФЗ йолча Федеральни  законаца нийса региональни паччахьалкхен экологически тIахьожам (бIаргаIунал) кхоачашдар дIадахьа дезаш да;

7) зIамига боарам болча кемашца хин объектех пайда эцаш  наьк деш лелара бокъонаш чIоагIъяр;

8) хин объекташта паччахьалкхен мониторинг яр вIаштIехьдаккхари кхоачашъяри;

9) ГIалгIай Республика доалахьа йолча хин объектий хиша, во Iоткъам бергбоацаши хиннарех даьнна зе дIадоаккхаши мероприятеш дIаяхьар;

10) ГIалгIай Республика доалахьа йола хин объекташ лораеш  мероприятеш дIаяхьар.»;

3) 12 статье:

а) 4 даькъа тIатохар де дешашца, «иштта рекреационни декхарашта хин объектех пайда эцара бокъонаш оттаяр»;

б) 5 даькъе дешашта  «моттигера шедоалдар» тIехьа тIатохар де дешашца «муниципальни округа,», дешашта «доазон тIа йолча» тIехьа тIатохар де дешашца «муниципальни округа е», дешаш «городской округа» хувца дешашца «муниципальни округа е городской округа, иштта ищтта рекреационни декхарашта хин объектех пайда эцара бокъонаш оттаяр;»; 

4) 13 статьяй 2 даькъа тIатохар де дешашца «, хин объектий акваторех берий салоIам дIахьоча организацеша берашка салаIийтара а  цар могашал тоаяра а пайда эцар»;

         5) 342 статья Iобелгалъяьча редакце дIаязъе: 

«Статья 342. Хин объектех  рекреационни декхарашта пайда эцар

1. Хин объектех рекреационни декхарашта пайда эцар (туризма, физически культураи спортеи даькъе, гражданий салаIари могашал тоаяри, цу даькъе бераша салаIари цар могашал тоаяр а долаш) кхоачашду  Российски Федераце Хин кодексаца, кхыдолча федеральни законашца а хин объектех рекреационни декхарашта пайда эцара а йолча бокъонашца нийса.

2. Хин объектех рекреационни декхарашта пайда эцар бокъонаш  дIачIоагIъю моттигерча шедоалдара органаша, ГIалгIай Республика  паччахьалкхен Iаьдала органашца барта йихье.

3. Хин объектех  рекреационни декхарашта пайда эцара бокъонашца хила деза:

1)  рекреационни декхарашта пайда эцара белгалъяь хин объекташ е цар доакъош белгалдара  дIадехараш;

2) салаIара зонаш а кхыдола доазонаш а цу даькъе рекреационни декхарашта пайда эцара белгалъяь хин объектех е цар доакъоех белгалдаь  дIадехараш;

3) лувчара сезон хьаеллара а дIакъовлара а хан-йовкъех дIадехараш;

4) рекреационни декхарашта пайда эцара белгалъяьча хин объектех е цар доакъоех пайда эцарца бувзам бола мероприятеш дIаяхьара  аргIа;

5) рекреационни къахьегам дIабахьара ца хилча яргйоаца лувчара зонаш а кхыйола зонаш а белгалъярах дIадехараш;

6)  хин объекташ лораярах дола дIадехараш;

7) рекреационни декхарашта пайда эцара белгалъяьча хин объектех е цар доакъоех пайда эцарца а лораярца ца хилча даргдоаца кхыдола дIадехараш.

4. Пляжех пайда эцара хин объектий акваторейх пайда эцаш хилча, паччахьалкхен е муниципальни доалахьа долча, юкъара пайда эцача хин объекта берда йистерча доазонца долча лаьттан доакъой доалахьен бокъо йолчар, иштта физкультурно-спортивни организацеша, бераша салаIара а цар могашал тоаяра а организацеша, федеральни законашца нийса шоай къахьегам дIахьош болча  туроператораша е турагенташа, ветеранашка, ха яха болча гражданашка, заIапхошка вIаштIехьдаьккха салаIийтар кхоачашду, хих пайда эцара долча, аукцион дIа а ца хьош оттадаьча договора кIийлен тIа.

5. Архитектурно-гIишлош яра проектировани, рекреационни декхарашта лаьрхIа гIишлош, цIенош, сооруженеш хьалъяр, реконструкци яр, эксплуатаце дIа а луш эксплуатаци яр, цу даькъе пляжаш еш хин  законодательствоца а градостроительни къахьегамах долча законодательствоца а нийса.»;

6) 35 статье:

а) 1 даькъе дешаш «укх Законаца» хувца дешашца «, бахархой вахара хьалаш санитарно-эпидемиологически дика хилийтарах кхоачо ярах  долча законодательстваца а укх Законаца а нийса»;

б) 3 даькъе:

1 пункте «санитарни лорадара зонай» дешашта хьалхашка тIатохар де дешашца «хьалхарча оаса»;

2 пункт Iобелгалъяьча редакце дIаязъе: 

«2) Iаламан дарбан ресурсий санитарни (лоаман-санитарни) лорадара округий хьалхара зона;»;

в)  тIатохар де Iобелгалбаь чулоацам болча 5 даькъаца: 

«5. ЦIендаь сточни хиш, молаш долча а боахама - бытовой хий далара моттигаш, санитарни лорадара округий шоллагIча а кхоалагIча а зонашка йолча хий далара объекташка, Iаламан дарбан ресурсий санитарни (лоаман-санитарни) лорадара округий шоллагIча а кхоалагIча а зонашка йолча хин объекташка чудахкар могаду, цу тайпара хиш чухецаш йолча объекташка хин объекташ бIехъяра, нувхаш чуяхара, хи бухе хотта бижара, хиш хувдадалара, иштта дренажни хиш а Российски Федераце Хин  кодексаца, гонахьара Iалам лорадарах долча законодательствоца, бахархой санитарно-эпидемиологически дикан кхоачо ярах долча законодательствоца дIадехарашта нийса хургдола хьалаш лорадеш.

Статья 2

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

Мехкдаь декхараш кхоачашдер                                            Сластенин В.В. 

г. Магас

2024 шера «5»ди ОагIой бетта 

  №47-РЗ