Общенациональная газета
Республики Ингушетия

«Бахархойи доазонаши Iаламанни техногенни чоалханерча хьалех лорадарах долча» ГIалгIай Республика Закона хувцамаш юкъедахьара хьакъехь

ТIаийцад

 ГIалгIай Республика

    Халкъа Гуллама                              2024 шера лайчилла бетта 28 ди

Статья 1

«Бахархойи доазонаши Iаламанне техногенни чоалханерча хьалех лорадарах долча» 2010 шера саькура бетта 27 дийнахьарча №9-РЗ йолча ГIалгIай Республика Закона (газет «Сердало», 2010 шера тушола бетта 6 ди; 2011 шера бекарга бетта 9 ди; газет «ГIалгIайче», 2012 шера оагIой бетта 6 ди; 2013 шера аьтинга бетта 15 ди, лайчилла бетта  7 ди; 2014 шера маьтсела бетта 6 ди, оагIой бетта 31 ди; 2015 шера маьтсела бетта 7 ди; Официальни бокъон хоама интернет-портал (www.pravo.gov.ru), 2016 шера кIимарса бетта 4 ди; 2019 шера аьтинга бетта 7 ди; интернет-газет «ГIалгIайче» (www.gazetaingush.ru), 2021 шера тушола бетта 4 ди; 2022 шера тушола бетта 5 ди, бекарга бетта 26 ди, оагIой бетта 6 ди; 2023 шера тушола бетта 2 ди; 2024 шера кIимарса бетта 9 ди) юкъехьо Iобелгалдаь хувцамаш:

1) 6  статьяй 3 даькъа шоллагIча абзаце дешаш  «Iаламан а техногенни а куц долаш» дIадаха; 

2) 7 статьяй 1 даькъа шоллагIча абзаца тIатохар де Iобелгалбаь чулоацам болча  предложенеца: «Бахархои доазонаши  чоалханерча хьалех лорадара мероприятеш дIаяхьар кхоачашду, нагахьа санна чоалхане хьалаш эттача е  оттара кхерам хилча, чоалхане хьалаш ца хилийтара а хиннарех даьнна зе меттадара а планашца нийса.»; 

3) 8 статье: 

а)  2 даькъа 8 пункте дешаш «Iаламан а техногенни а куц долаш» дIадаха; 

б)  21 даькъа тIатохар де Iобелгалбаь чулоацам болча 10  пунктаца: 

«10) муниципалитеташта  юкъера а региональни а чоалхане хьалаш  ца хилийтараи хиннарех даьнна зе меттаоттадараи мероприятеш дIахьу чоалхане хьалаш долча наьха вахар а могашал а лораеш.». 

Статья 2 

Ер Закон низаца чIоагIденна болх бе долалу, ер официально кепатехача дийнахьа денз итт ди чакхдаьлча.

ГIалгIай Республика

Мехкдаь декхараш кхоачашдер                                           Сластенин В.В. 

г. Магас

2024 шера «5» ди оаг1ой бетта

          №52-РЗ