Общенациональная газета
Республики Ингушетия

«ГIалгIай Республикерча  предпринимателий  бокъонаш  лораяра Уполномоченнех долча», ГIалгIай Республика Закона хувцамаш юкъедахьара  хьакъехьа

ТIаийцад

ГIалгIай Республика

Халкъа Гуллама               2024 шера оагIой бетта 19 ди

Статья 1

«ГIалгIай Республикерча предпринимателий бокъонаш лораяра Уполномоченнех долча» 2013 шера оагIой бетта 3 дийнахьарча №46-РЗ йолча  ГIалгIай Республика Закона (газет  «ГIалгIайче», 2013 шера оаг1ой бетта 7 ди; интернет-газет «ГIалгIайче» (www.gazetaingush.ru), 2021 шера оагIой бетта 27 ди; 2023 шера оагIой бетта 29 ди) юкъехьо Iобелгалдаь хувцамаш:

1) 6 статье:

 а) 3 дакъа Iобелгалъяьча редакце дIаязде:

«3. Уполномоченне полномочеш ханал хьалха соцаю ГIалгIай Республика Мехкдас укх моттигашка:

1) из кхелхача;

2) судо из кхетамчу воацаш хилар,  цхьан даькъе кхетамчу воацаш хилар е де доацаш хилар е кхелха хилар  бакъдолга кхайкадича;

3) цун хьакъехьа судо тIаийца бехк беш приговор хилча;

4) Российски Федераце гражданство соцайича е кхыча паччахьалкхен гражданство (подданство) хьаелча е цига ваха бокъо хьаелча е Российски Федераце  гражданина, кхыча паччахьалкхен доазон тIа, массаза ваха бокъо лу документ хилча.»;

б) тIатохар де Iобелгалбаь чулоацам болча 4 – 6 доаькъошца:

«4. Российски Федераце Президент волчара предпринимателий бокъонаш лораяра Уполномоченнеца барт а баь могаду Уполномоченне полномочеш ханал хьалха совцаяр  укх моттигашка:

1) цо йоазонца ший полномочеш Iояхкарах йола  заявлени хьаелча; 

2) лорий чаккхенца могашал дика ца хилар бахьан  долаш е кхыдолча бахьанех цо йIаьххача ханачухь (биъ беттал кIезигах йоацача хан-юкъа) ший декхараш кхоачаш ца деш дитача;

3) «Коррупцена духьале ярах долча» 2008 шера оагIой бетта 25 дийнахьарча №273-ФЗ йолча Федеральни закона 131 статьяйца белгалъяьча моттигашка тешам боврах.

4) укх Законо, «Российски Федераце предпринимателий бокъонаш лораяра волча Уполномоченнех долча» 2013 шера маьтсела  бетта 7 дийнахьарча №78-ФЗ йолча Федеральни законо, кхыдолча федеральни законаша а ГIалгIай Республика законаша а оттадаь дIадехараш, доазув тохараши бехкамаши цо лора ца дарах.

5. Российски Федераце Президент волчара предпринимателий бокъонаш лораяра Уполномоченне бокъо я Уполномоченне полномочеш совцаярах представлени ГIалгIай Республика Мехкдаьга хьаяйта, укх статьяй 4 а 5 а доакъоша белгалъяьча лардех цхьаннех.

6. Уполномоченни дарже хьожаварах е Уполномоченне  полномочеш совцаярах ГIалгIай Республика Мехкдас хоам дIабу Российски Федераце Президент волчара предпринимателий бокъонаш лораяра Уполномоченнега цу тайпара соцам тIаийцача дийнахьа денз пхе денал тIехьа а ца доаккхаш.»;

2) 9 статьяй 1 даькъа 13 пункте деша «законодательство» тIехьа 

тIадам дIабаккха;

3) 16 статьяй 1 даькъе дешаш «предпринимателий юкъарлен организацешта хетарий терко еш» дIадаха.

Статья 2

Ер Закон низаца чIоагIденна болх бе долалу, ер официально  кепатеха итт ди чаккхдаьннача дийнахьа денз.

ГIалгIай Республика

Мехкдаь декхараш кхоачашдер                                           Сластенин В.В. 

г. Магас

2024 шера «24»  ди  оагIой бетта  

         № 53-РЗ