Общенациональная газета
Республики Ингушетия

«ГIалгIай Республика доазон тIа гражданашта мах боацаш юридически новкъостал  дара кхоачо яра цхьадолча дешаех долча» ГIалгIай Республика Закона хувцамаш юкъедахьара хьакъехьа

  ТIаийцад 

          ГIалгIай Республика   

          Халкъа Гуллама                     2025 шера наджгоанцхой бетта 30 ди  

Статья 1

«ГIалгIай Республика доазон тIа гражданашта мах боацаш юридически новкъостал дара кхоачо яра цхьадолча дешаех долча»                  2013 шера аьтинга  бетта 6 дийнахьарча №12-РЗ йолча ГIалгIай Республика Закона (газет «ГIалгIайче», 2013 шера аьтинга бетта 15 ди;  интернет-газет «ГIалгIайче» (www.gazetaingush.ru), 2018 шера аьтинга бетта 13 ди;  2021 шера оагIой бетта 30 ди; 2022 шера кIимарса бетта 14 ди, оагIой бетта 6 ди)  юкъехьо Iобелгалдаь хувцамаш:

1) 3 статье:

а) 1 даькъа тIатохар де Iобелгалбаь чулоацам болча 7 а 8 а пункташца:

«7) ГIалгIай Республике сага бокъонех вола Уполномоченни;

8) моттигера шедоаладара органаш а даржашкара нах а.»;

б) 2 даькъе деша «Адвокаташ» тIехьа тIатохар де дешаца                               «, нотариусаш»;

2) 4 статье:

а) цIи Iобелгалъяьча редакце дIаязъе: 

«Статья 4. Кхоачашдара Iаьдала доазон федеральни органаша а цар доала кIала йолча учрежденеша а, уполномоченни органо, ГIалгIай Республике сага бокъонех волча Уполномоченне, ГIалгIай Республика кхоачашдара органаша а цар доала кIала йолча учрежденеша а паччахьалкхен бюджетни йоацача фонда урхалдара органаша  мах боацаш юридически новкъостал дар»;

б) тIатохар де Iобелгалбаь чулоацам болча 3 даькъаца:

«3. ГIалгIай Республике сага бокъонех волча Уполномоченне га- лоадам бу мах боацаш  юридически новкъостал дара ший компетенце боараме.»; 

3) тIатохар де Iобелгалбаь чулоацам болча 52  статьяйца: 

«Статья 52. Мах боацаш юридически новкъостал дара паччахьалкхен системе нотариусаша дакъа лацар

1. Нотариусаша нотариальни дераш кхоачашдарах мах боацаш юридически новкъостал дара  паччахьалкхен системах нотариальни дераш кхоачашдарах дехар даьча гражданашта мах боацаш юридически новкъостал ду, шоай компетенце боараме, нотариальни дераш кхоачашдара дешаех, консультацеш еш Российски Федераце  нотариатах долча законодательстваца оттаяьча аргIанца нийса.

2. Нотариусаша мах боацаш юридически новкъостал дара паччахьалкхен системах, шоай компетенце боараме, юридически новкъостал дара паччахьалкхен система доакъашхой йолча паччахьалкхен юридически бюроша, адвокаташа тешал ду доверенносташта, судашка, паччахьалкхени муниципальнии органашка, организацешка гражданий лоIамех дош дувцача хана, Российски Федераце  нотариатах долча законодательстваца оттаяьча аргIанца нийса.

3. Мах боацаш юридически новкъостал хьаэца бокъо йолча гражданий, «Российски Федераце мах боацаш юридически новкъостал дарах долча» Федеральни закона 20 статьяй 3 даькъаца белгалъяьча моттигашка, паччахьалкхени муниципальнии органашка, организацешка гражданий лоIамех долча дош дувцача хана довзийтарах дола доверенносташта, нотариусаша мах боацаш тешал ду. Цу тайпарча доверенносташта тешал дар, мах боацаш юридически новкъостал хьаэца бокъо йолча гражданаша белгалъяьча моттигашка нотариусашта дIалу адвокаташца е ГIалгIай Республика паччахьалкхен юридически бюрошца оттадаь дола барт бараш, «Российски Федераце адвокатски къахьегамахи адвокатурахи долча» 2002 шера маьтсела бетта 31 дийнахьарча №63-ФЗ Федеральни закона  25 статьяйца нийса.

4. ГIалгIай Республике паччахьалкхен мах боацаш юридически новкъостал дара къахьегаме нотариусаша дакъа лацар Iалашду ГIалгIай Республика  Нотариальни палато.

5. Судашка, паччахьалкхени муниципальнии органашка, организацешка гражданий лоIамаш довзийтарах тешал луча доверенноста мах боацаш юридически новкъостал дарах системах  къахьегача нотариуса мах боацаш  тешал дарах маьха боарамца да федеральнии а региональни тарифа боараме ахчаш, царна компенсаци е еза ГIалгIай Республика республикански бюджета средстваех.

         6. Судашка, паччахьалкхени муниципальнии органашка, организацешка гражданий лоIамаш довзийтарах тешал луча доверенноста, мах боацаш юридически новкъостал дара системах  къахьегача нотариуса мах боацаш  тешал дарах маьха боарамца да, Российски Федераце законодательствоца нийса цун хиланза яргйоаца нотариальни кеп оттаяь хиларца, цу юкъе да федеральни тарифа ахчаш, Российски Федераце  нотариатах долча законодательства лардех долча  1993 шера саькура бетта 11 дийнахьарча №4462-1 йолча цу тайпара нотариальни дер кхоачашдарах долча» Федеральни закона 221 статьяйца дIадехарашца нийса дIадоахача боараме.»;

4) тIатохар де Iобелгалбаь чулоацам болча  53 статьяйца:

«Статья 53. Мах боацаш юридически новкъостал дара паччахьалкхен системах  нотариусашта цар нотариальни даькъе къахьегарах  компенсаци яра аргIа

Мах боацаш юридически новкъостал дара паччахьалкхен системах  нотариусашта цар нотариальни даькъе къахьегарах  компенсаци ялар кхоачашду  «Российски Федераце мах боацаш юридически новкъостал дарах долча» Федеральни закона 191 статьяйца нийса.»;

5) статья 71 Iобелгалъяьча редакце дIаязъе:

«Статья 71. Мах боацаш юридически новкъостал дарах хоам барца кхоачо яр

Укх Законаца нийса мах боацаш юридически новкъостал дарах  бола хоам чуоттабу «ЦаI йола социальни даькъе йола  централизованни цифровой платформа» яхача паччахьалкхен хоам бара системе. Белгалбаь хоам «ЦаI  йола социальни даькъе йола централизованни цифровой платформе» яхача паччахьалкхен хоам бара системе чуоттабар  (хьаэцар) кхоачашду «Паччахьалкхен  социальни новкъосталах долча» 1999 шера кIимарса бетта 17 дийнахьарча №178-ФЗ йолча Федеральни законаца нийса.»;

6) 8 статья Iобелгалъяьча редакце дIаязъе:

«Статья 8. Бахархошта бокъон хоам  бари  бокъон сердал ялари 

Укх Закона 3 статьяй 1 даькъе белгалъяьча, бахархошта мах боацаш бокъон хоам балара а бокъон сердал ялара а декхарашта,  мах боацаш юридически новкъостал дара паччахьалкхен система доакъашхой декхарийла ба гражданаш тIакхоачаш хургболча моттигашка, дуккханешка хоам бара средствашка, «Интернет» сете, е кхыча тайпара гражданашка Iобелгалбаь хоам дIакхачийта:

1)  мах боацаш юридически новкъостал дара аргIа а моттигаш а;

2)  Российски Федераце законодательствос тешам бенна дола гражданий бокъонаш, паргIатонаши законни лоIамаши, юридически лицай  бокъонаши законни лоIамаши, граждании юридически лицай декхарий чулоацам, уж декхараш кхоачашдара боарамаш;

3) ГIалгIай Республика паччахьалкхен Iаьдала органий, цар ведомствай кIала йолча учрежденей, паччахьалкхен бюджетни йоацача фондий урхалдара органий, моттигерча шедоалдара органий компетенци а къахьегара аргIа а, цар даржашкарча наьха полномочеш;

4) паччахьалкхен а  муниципальни а  услугаш ялара бокъонаш;

5) паччахьалкхен Iаьдала органий, паччахьалкхен бюджетни йоацача фондий урхалдара органий, моттигерча шедоалдара органий, цар ведомствай кIала йолча учрежденей, цар даржашкарча наьха соцамаш а дераш а лоткъадара кIийленаш, хьалаши аргIеи;

6) гражанаша юридически лоархIаме дераш кхоачашдара аргIа а цу тайпара дераш кхоачашдеш  дукхагIча хьале нийслуш дола юридически гIалаташ а;

7) кхыдола гражданашта мах боацаш юридически новкъостал дарца бувзам бола  сведенеш.»;

7) тIатохар де Iобелгалбаь чулоацам болча  81 статьяйца: 

«Статья 81. Гражданашта мах боацаш юридически новкъостал дарахи царна бокъон сердал яларахи бола хоам дIабалар

ГIалгIай Республика кхоачашдара органаша, паччахьалкхен бюджетни йоацача фондий урхалдара органаша, ГIалгIай Республика   моттигерча шедоаладара органаша, паччахьалкхен юридически бюроша, ГIалгIай Республика Адвокатски палата, юридически клиникаша, паччахьалкхен йоаца мах боацаш юридически новкъостал дара центраша   гражданашта мах боацаш юридически новкъостал дарахи бокъон сердал яларахи бола хоам дIалу федеральни уполномоченни кхоачашдара Iаьдала органо оттаяьча аргIанца нийса, гражданашта юридически новкъостал дарахи  бокъон сердал яларахи йола мониторинг дIаяхьара декхарашта.».

Статья 2 

Ер Закон низаца чIоагIденна болх бе долалу, ер официально кепатеха итт ди чакхдаьннача  дийнахьа денз.

ГIалгIай  Республика

Мехкда                                               Келаматанаькъан М.М.

г. Магас

2025 шера саькура бетта 10  ди

         №2-РЗ